Hɔrɔya 4:13 - Ala la kitabuenu Mɔgɔfin kuma tɔ

¹³ Musa mɛn ka a fɔ: «Ee, n Marige, n bata i táran, mɔgɔ do lasanba!»

Hɔrɔya 4:13 Iomraidhean Croise

Ko fɔlɔfɔlɛ 24:7

Alatala min mu saŋɛ tige la, wo ka n nabɔɔ n baaba bata fɔgɛ tɔ, a ka n nabɔɔ n na jamanɛ tɔ. A kumata n ɲɛ, a ka lahire dii n ma a ka a kali, a ko: ‹N si kɛ duge dii i bɔnsɛ ma.› Awa, ale Ala le si naa a la maleka lasanba i ma, a ni sɔ i ɲatɔ, wo butɔ, i si muse sɔtɔ n na den kayireŋɛ ye ɲɔ le.

Ko fɔlɔfɔlɛ 41:35

Anu ni dɔmɛ bɛ madɛn, min be sɔtɔla kɛ san ɲinma wɔrɔwila kɔtɔ minnu be nala. Anu ni a mandi balue la saanu tɔ, Misira mansa la nɔɛ kɔtɔ, anu ni a makanta.

Ko fɔlɔfɔlɛ 48:16

Ile min mu maleka la, i ka n bɔɔ ko bɛlɛŋɛ tɔ, ile Ala ni hɔrɔma to kɛ deŋɛnu la ko tɔ. Anu ni anu kele nde tɔgɛ la, anun n mankayi Iburahima nun n baaba Isiyaka tɔgɛ la. Anu ni jiidi jamanɛ butɔ koola.»

Hɔrɔya 23:20

Awa, a fɛlɛ, nde be maleka sɔla le wo ɲatɔ, a ni wo kanta kila la, a ni wo doni duge tɔ, n be ka min tabɛnden wo ye.

Hɔrɔya 4:1

Musa mɛn ka Ala jaabi, a ko: «Kɔnɔ ee! bani Isirayila kaanu te naa laa n na, anu mɛn te naa n kulɛ lamɔɛ. Anu mɛn si naa a fɔ aa Alatala ma a fan nabɔɔ n ma.»

Hɔrɔya 4:12

Awa kɔtɛ taga. I tini be kumala, n si to i fɛ. A bɛnta i ni min fɔ n si i degen a la.»

Hɔrɔya 4:14

Wo kɔma, Alatala juse yɛlɛta Musa ma han, a ko a ma: «I kɔtɔ Harona go? i nun min mu Lewi bɔnsɛ la? N ka a lɔn, a kusan kumala a ɲinma la, a ɲan a fɛlɛ ale yɛtɛ be nala i fɛlɛdula. Ka a ka i yen, a si sɛɛwa a juse tɔ.

Yunusa 1:3

Yunusa wulita, kɔnɔ a borita tagala Taarisi saa tɔ, ka yanfaya Alatala la. A jigita Jafa bakkidala. A ka kulun banba taran ɲɔ min be tagala Taarisi, a ka a la taga sɔŋɛ dii. A nun mɔgɛnu bakkita tagala Taarisi, ka yanfaya Alatala la.

Yunusa 1:6

Kuluŋɛ kunmafɔlá ka a madon a la, a ka a fɔ a ye, a ko: «I be kinnɔgɔla fenna? Ile wuli! I be Ala min batula i ni belebele a tɔgɛ la, i ni a mataran. Tumado wo Ala si naa a mira wo mɔ la ko la, wo mɔ te faga.»

Yaya 6:29

Isa ka anu jaabi, a ko: «Ala be diren wale min ye, wolo mu kɛ la: a bata nde min nasanba kiilá la, wo ni dɛnkɛnɛya nde ma.»