Hɔrɔya 3:6 - Ala la kitabuenu Mɔgɔfin kuma tɔ

⁶ A mɛn ko: «Nde le mu i baaba la Ala la, anun Iburahima la Ala, anun Isiyaka la Ala anun Yaguba la Ala.» Wo butɔ, Musa ka a ɲakɔtɔ dogon, bayi a kilanta a ɲa sɔla Ala la.

Hɔrɔya 3:6 Iomraidhean Croise

Ko fɔlɔfɔlɛ 12:1

Lun do, Alatala kumata Iburama ye, a ko: «Iburama, bɔɔ i la jamanɛ tɔ, bɔɔ i baaba dɔndɛnu tɛma, bɔɔ i baaba la fɔgɛ tɔ. N be duge min yitala i la, i ni taga ɲɔ.

Ko fɔlɔfɔlɛ 12:7

Alatala ka a yɛtɛ labɔɔ Iburama ma, a ka a fɔ a ye, a ko: «N si kɛ duge bɛ dii le i bɔnsɛ ma.» Iburama ka sarika bintandula ɲiɲa Alatala ye ɲɔ, Ala min ka a yɛtɛ labɔɔ a ma.

Ko fɔlɔfɔlɛ 17:3

Iburama ka a majigi, han a ka a tindɛ sɔ duge tɔ. Ala kumata a ye, a ko:

Ko fɔlɔfɔlɛ 24:12

A ka Ala mataran, a ko: «Alatala, n tige Iburahima la Ala, n bata i táran, n be kila min kunma bi, i ni wo ladiya i ni hinnɛ n tige Iburahima la.

Ko fɔlɔfɔlɛ 26:24

Alatala ka a yɛtɛ labɔɔ a ma wo sue tɔ, a ka a fɔ a ye, a ko: «Nde le mu i baaba Iburahima la Ala la; N be i fɛ, wo butɔ, i kana kilan. N si barikɛ sa i la ko tɔ n ni i bɔnsɛ lasiya, n na jondeŋɛ Iburahima la ko la.»

Ko fɔlɔfɔlɛ 28:13

A ka a yen, Alatala yɛtɛ le be sɔren a kɛnna, a be kumala a ye: «Nde le mu Alatala la, i mankayi Iburahima la Ala, anun Isiyaka la Ala. I be saren duge min tɔ, n si a dii i nun i bɔnsɛnu ma.

Ko fɔlɔfɔlɛ 28:17

A kilanta, a ko: «Dula makilandeŋɛ le yan na! Yan te ma fenfen na fɔ a ni ma iko Ala la boŋɛ, anun saŋɛ dondula.»

Ko fɔlɔfɔlɛ 31:42

N baaba Isiyaka be kilanden Ala min na, Iburahima Marigi Ala, ka a ma sɔ n fɛ nun, i be n nasaagila n bolo tɛsɛŋɛ le la nun bi. Kɔnɔ Ala bata n na kunmajige yen, anun n be wali bɛlɛŋɛ minnu mala. A ka n na kiite sa kɛ su tanbireŋɛ la.»

Ko fɔlɔfɔlɛ 32:9

A ka a fɔ a juse tɔ, a ko: «Ka Esayu nata jama dɔndɔ kɛlɛ, jama tɔɛ si nɔ borila.»

Hɔrɔya 15:2

N sɛnbɛ mu Alatala le la, n mɛn be ale len na ko beete bɔɔla. A bata ma n na malakisilá la. N na Ala le mu a la, n be a matɔgɔla le koola. Ale le mu n baaba Marige la, n be a tantula le.

Hɔrɔya 29:45

N si sabati le bani Isirayila kaanu tɛma, n mɛn si ma le anu la Ala la.

Hɔrɔya 3:16

Taga bani Isirayila kuntigenu madɛn, i ni a fɔ anu ye, i ko: ‹Alatala, wo benbanu la Ala, anun Iburahima, anun Isiyaka, anun Yaguba la Ala bɔɔta n ma. A ko, aa a si naa hinnɛ wo la, aa a bata a yen anu be min mala wo la Misira.

Hɔrɔya 33:20

Kɔnɔ, i te nɔ n ɲakɔtɔ yenna, bayi Adamaden yo te nɔ n ɲakɔtɔ yenna a ni to a ma faga.»

Hɔrɔya 4:5

Alatala ko: «Ka i ka wo ma, anu si laa le ka a fɔla nde Alatala ka n fan nabɔɔ le i ma, nde min mu anu benbanu la Ala la, Iburahima anun Isiyaka anun Yaguba la Ala.»

Luki 20:37

Fagabaga tawuli koe, annabi Musa yɛtɛ tugun ka wolo yita mɔ la. Ta be bapɛ min tɔ, a be wo tarigue sɛbɛren ka min na, a be Marige Alatala tɔgɛ yitaren, a ko: Iburahima la Ala, Isiyaka la Ala, anun Yaguba la Ala.

Luki 5:8

Simɔn Piyɛri to ka wo koe yen, a boeta Isa kɛn kɔtɔ, a ko: «Ee Marige, i matuntun n na, bayi junubutɔɛ le mu n na.»

Kiilanu 7:32

‹I benbanu la Ala le mu nde la, Iburahima nun Isiyaka nun Yaguba la Ala.› Wo butɔ, Musa sɛrɛnta, a ma suusɛ a lasagala.

Kiilanu 7:34

N bata n na jama yen a ɲinma la, anu be anu tɔɔrɔren ki min na Misira, n ka anu kutun kulɛ tugun mɔɛ ɲɔ; wolo mu n be jigiren anu lakisi koe la. Kɔtɛ, n be i kiila Misira.›