Hɔrɔya 3:4 - Ala la kitabuenu Mɔgɔfin kuma tɔ

⁴ Alatala to ka a yen Musa be kila bɔɔla a ma tagala ɲɔ fɛlɛdula, wo butɔ a ka Musa kele bapɛ tɛma, a ko: «Musa! Musa!» Musa ko: «Naamu!»

Hɔrɔya 3:4 Iomraidhean Croise

Ko fɔlɔfɔlɛ 22:1

Wo koenu tanbi kɔma, Ala ka Iburahima kele a ka a mafɛlɛ, a ko: «Iburahima.» A ko: «Naamu.»

Ko fɔlɔfɔlɛ 22:11

Wo tɛmuɛ le, Alatala la maleka ka Iburahima kele ka bɔɔ saŋɛ tɔ kisanna, a ko: «Iburahima! Iburahima!» Iburahima ko: «Naamu!»

Ko fɔlɔfɔlɛ 28:16

Yaguba kunɛnta, a ko: «Yaga, nde ma a lɔn nun Alatala be kɛ dula tɔ yan.»

Ko fɔlɔfɔlɛ 46:2

Wo sue tɔ, Ala kumata Yaguba ye kiboe tɔ, a ka a fɔ: «Yaguba, Yaguba!» A ka a labita, a ko: «Naamu!»

Hɔrɔya 19:3

Musa yɛlɛta kɔnkɛ la a be tagala Ala ma. Alatala ka a kele kɔnkɛ kun tɛma a ka a fɔ a ye, a ko: «I be kɛ-lɛ fɔla bani Isirayila kaanu ye, i be a lakela Yaguba bɔnsɛ ma, i ko:

Hɔrɔya 3:2

Alatala la maleka bɔɔta a ma ɲɔ le kisanna ta mɛlɛŋɛ tɔ bapɛ do tɛma. Musa ka a fɛlɛ, a ka a yen ta be bapɛ ma, kɔnɔ bapɛ kan bele bintanna.

Hɔrɔya 33:12

Musa ka a fɔ Alatala ye, a ko: «Aa Marige! i bata n yamɔri n ni sɔ kɛ jama ɲatɔ, kɔnɔ i bele a yitaren n na mɔ nun min si taga. Adun ile yati bata a fɔ i be nde le masubɛren, n na ko bata i hɛnɛ.

Hɔrɔya 4:5

Alatala ko: «Ka i ka wo ma, anu si laa le ka a fɔla nde Alatala ka n fan nabɔɔ le i ma, nde min mu anu benbanu la Ala la, Iburahima anun Isiyaka anun Yaguba la Ala.»

Lewi bɔnsɛnu la sariya 1:1

Alatala ka Musa kele a la hɔrɔma dingira tɔ, a ko:

Kiilanu 10:13

A ka kulɛ do mɔɛ, wo ka a fɔ a ye: «Piyɛri, wuli! I ni do faga, i ni a dɔmɔ.»

Kiilanu 10:3

Lun do, salifana tanbi kɔma, a ka a yen laamute tɔ a beeyareŋɛ la, Ala la maleka do donta a bata, a ka a kele, a ko: «Kɔrɔnɛyi!»

Kiilanu 9:4

A boeta duge tɔ, a ka kulɛ do mɔɛ a be a fɔla a ye: «Sɔlu, Sɔlu, i be kitiren n ɲagankata koe la fenna?»

1 Samiyɛli 3:10

Alatala nata a dula iko wo fɔlɛ doe, a ka a kele, a ko: «Samiyɛli, Samiyɛli.» Samiyɛli ka a labita, a ko: «I la jondeŋɛ be a tolomasɔren i la, i ni kuma.»

1 Samiyɛli 3:4

Awa, Alatala ka Samiyɛli kele. A ka a labita, a ko: «Naamu, n be yan.»

1 Samiyɛli 3:6

Alatala mɛn ka Samiyɛli kele. A wulita, a tagata Eli dula, a ka a fɔ a ye: «Ile le ka n kele, n bata na.» Eli ka a jaabi, a ko: «N na den, n ma i kele. Saagi, i ni sa.»

1 Samiyɛli 3:8

Alatala mɛn ka Samiyɛli kele a kunɲama sabaɲɔgɛ la. A wulita, a tagata Eli dula, a ka a fɔ a ye, a ko: «Ile le ka n kele, n bata na.» Eli nata lɔn sɔtɔ a ma, ka a fɔla Alatala le be deŋɛ kelela.