Hɔrɔya 3:10 - Ala la kitabuenu Mɔgɔfin kuma tɔ

¹⁰ Kɔtɛ n be i kiila Firauna ma, i ni taga n na jama bani Isirayila kaanu labɔɔ Misira.»

Hɔrɔya 3:10 Iomraidhean Croise

Ko fɔlɔfɔlɛ 15:13

Alatala ka a fɔ a ye, a ko: «Iburama, i ni i tolomasɔ n na, i bɔnsɛ si naa ma le lun do luntaŋɛ la duge do tɔ. Ɲɔ kaanu si naa anu ma le joŋɛnu la, anu mɛn ni anu ɲagankata koola han san kɛmɛ naani.

Ko fɔlɔfɔlɛ 15:14

Kɔnɔ jamanɛ min ka i bɔnsɛ bita jonya la, n si naa wo jamanɛ makiiti le. Wo kɔma, i bɔnsɛnu si naa bɔɔ wo jamanɛ tɔ fondo siyama fɛ.

Hɔrɔya 12:40

Wo ka a taran, bani Isirayila kaanu bata san kɛmɛ naani san bi saba ma Misira.

Hɔrɔya 12:41

Wo san kɛmɛ naani san bi saba banta lun min na, wo lun yati le Alatala la jama bɛ bɔɔta Misira duge tɔ, a kurun kurun kɛɲa ma.

Hɔrɔya 33:12

Musa ka a fɔ Alatala ye, a ko: «Aa Marige! i bata n yamɔri n ni sɔ kɛ jama ɲatɔ, kɔnɔ i bele a yitaren n na mɔ nun min si taga. Adun ile yati bata a fɔ i be nde le masubɛren, n na ko bata i hɛnɛ.

Hɔrɔya 33:13

Kɔtɛ, n na ko to bata i hɛnɛ, yandi, i la natá yita n na, alako n ni i lɔn, n na ko mɛn ni i hɛnɛ yati. I mɛn ni a lɔn kɛ jama mu i la jama le la.»

Hɔrɔya 6:26

Awa, Harona nun Musa le ka, Alatala ka a fɔ minnu ye: «Wo bani Isirayila kaanu labɔɔ Misira duge tɔ bɔnsɔ bɔnsɔ.»

Kiilanu 7:34

N bata n na jama yen a ɲinma la, anu be anu tɔɔrɔren ki min na Misira, n ka anu kutun kulɛ tugun mɔɛ ɲɔ; wolo mu n be jigiren anu lakisi koe la. Kɔtɛ, n be i kiila Misira.›

Kiilanu 7:36

Ale Musa yati le ka bani Isirayila kaanu labɔɔ Misira duge tɔ. A ka kabanakoenu nun laamutenu ma Misira, Kulunyuma ba tɔ, anun janfue tɔ, san bi naani.

Kiilanu 7:6

Wo kɔma, Ala kumata kaa le, a ko: ‹Iburahima bɔnsɛ si wagati do ma le luntanya la jamanɛ do tɔ. Wonu si anu ma joŋɛ la, anu ni anu ɲagankata san kɛmɛ naani kɔtɔ.

Kiilanu 7:7

Kɔnɔ see min tini anu ma joŋɛ la, nde Ala si naa wo see makiiti le. Wo tanbi kɔma, anu si bɔɔ le ka naa n batu kɛ dula tɔ.›

1 Samiyɛli 12:6

Samiyɛli ka a fɔ jama ye: «Alatala le ka Musa nun Harona sɔ wo kunma nun, a naata wo benbanu labɔɔ Misira duge tɔ.

1 Samiyɛli 12:8

Yaguba na kɔma Misira duge tɔ, wo benbanu naata na anu kulɛ labɔɔ Alatala ma a ni na anu dɛman. Alatala ka Musa nun Harona lasanba anu ma, minnu ka wo benbanu labɔɔ Misira, anu nata anu lasabati kɛ duge tɔ.