Hɔrɔya 20:2 - Ala la kitabuenu Mɔgɔfin kuma tɔ

² «Nde len mu Alatala la, i la Ala. Nde len ka i labɔɔ Misira duge tɔ, i be jonya tɔ ka min na nun.

Hɔrɔya 20:2 Iomraidhean Croise

Hɔrɔya 13:14

Ka wo la deŋɛ tagata wo maɲininka sinan: ‹Kɛ kunka koe be fen yitaren?›, wo si a jaabi: ‹Alatala sɛnbɛ le ka mɔ labɔɔ jonya tɔ Misira.

Hɔrɔya 13:3

Musa ka a fɔ jama ye, a ko: «Wo bi lɔ́gɛ́ talɔn wo bɔɔta jonya tɔ lun min na Misira, bayi Alatala sɛnbɛ le ka wo labɔɔ ɲɔ. Wolo mu, fondo lɛbini tige te dɔmɔ wo lun.

Hɔrɔya 15:13

I ka i la jama kan kunka, i ka anu latagaman i la kanunteya butɔ. I sɛnbɛ be a maren, i be anu kun sɔla i la dula saniyandeŋɛ la.

Hɔrɔya 15:16

Ee Alatala, kilaŋɛ nun jusu bɔɛ bata anu masɔtɔ, i la sɛnbɛ wale ka anu bɛ lamɔdɛ iko kure, han i la jama tanbita, i bata jama min kunka.

Hɔrɔya 15:26

A ko anu ma: «Ka wo ka n kulɛ lamɔɛ a ɲinma la, nde Alatala, wo la Ala, ka wo mɛn tagata telen n ɲɛ, wo ka n na yamɔre bɛ bita, wo ka n na sariya bɛ labatu, n te bandiya koron yo lasanba wo ma, iko n ka min nasanba Misira kaanu ma, bayi nde mu Alatala le la min si wo lakendeya.»

Hɔrɔya 20:1

Awa, kuma le ka, Ala ka min bɛ fɔ bani Isirayila jama ye, a ko:

Hɔrɔya 29:46

Wo butɔ, anu si a lɔn de nde le mu Alatala la, anu la Ala, min ka anu labɔɔ Misira duge tɔ, alako n ni sabati anu tɛma. Alatala mu nde le la, anu la Ala.»

Hɔrɔya 6:6

Wolo mu, i si a fɔ bani Isirayila kaanu ye, i ko: ‹Nde len mu Alatala la, n si naa wo labɔɔ le wali bɛlɛŋɛ tɔ Misira kaanu be min sigiren wo ma. N si naa wo lafulen jonya tɔ, Misira kaanu be min sigiren wo ma. N si naa wo kunka le n bolo sɛnbɛma la, n si Misira kaanu bita le kiiti bɛlɛŋɛ la.

Lewi bɔnsɛnu la sariya 11:45

Nde le mu Alatala la min ka wo labɔɔ Misira duge tɔ, alako n ni ma wo Marige Ala la. Wo butɔ, wo ni saniyan, bayi nde saniyanta.

Lewi bɔnsɛnu la sariya 19:36

Wo la sikele ni kamali. Wo ni sumarifeŋɛ kamalireŋɛnu lawali. Nde le mu Alatala la, wo Marige Ala, min ka wo labɔɔ Misira duge tɔ.

Lewi bɔnsɛnu la sariya 23:43

alako wo bɔnsɛnu ni a lɔn, n ka wo benbanu to le tantanu kɔtɔ n to ka anu labɔɔ Misira duge tɔ. Nde le mu Alatala la wo Marige Ala.»

Lewi bɔnsɛnu la sariya 25:38

Nde le mu Alatala la, wo Marige Ala, min ka wo labɔɔ Misira duge tɔ, n ni Kanana duge dii wo ma, n ni ma wo Marige Ala la.

Lewi bɔnsɛnu la sariya 25:42

bayi n na walilanu le mu Isirayila kaanu la, n ka minnu labɔɔ Misira duge tɔ. A ma bɛn anu ni mayita joŋɛ la.

Lewi bɔnsɛnu la sariya 25:55

Bayi nde le la walilanu mu Isirayila kaanu la, n ka minnu labɔɔ Misira duge tɔ. Nde le mu Alatala la, wo Marige Ala.»

Lewi bɔnsɛnu la sariya 26:1

Alatala mɛn ko Musa ma: «Wo kana kuye yo ɲiɲa, wo kana kuru batunɛŋɛ sigi, wo kana kuru malasɛreŋɛ batu wo la duge tɔ wo ni sujudu a ye, bayi nde le mu Alatala la, wo Marige Ala.

Lewi bɔnsɛnu la sariya 26:13

Nde le mu Alatala la, wo Marige Ala, min ka wo labɔɔ Misira duge tɔ, alako wo kana ma anu la joŋɛnu la bitugun. N bata jonya kote bɔɔ wo kunma, alako wo ni tagaman kunnawule butɔ.