Hɔrɔya 19:5 - Ala la kitabuenu Mɔgɔfin kuma tɔ

⁵ Kɔtɛ, ka wo ka n kulɛ bita, ka wo mɛn telenta n na lahire kuma butɔ, n ka min nakoti wo nun nde tɛma, wo si naa ma le n na jama masubɛreŋɛ la, dunuya mɔgɛnu bɛ tɛma, hali nde le to tɛŋɛ mu dunuya bɛ la.

Hɔrɔya 19:5 Iomraidhean Croise

Ko fɔlɔfɔlɛ 17:9

Ala mɛn ka a fɔ Iburahima ye, a ko: «Ile tugun ni n na lahire makanta, i nun i bɔnsɛnu bɛ, hali minnu sɔtɔta ile faga kɔma.

Hɔrɔya 15:26

A ko anu ma: «Ka wo ka n kulɛ lamɔɛ a ɲinma la, nde Alatala, wo la Ala, ka wo mɛn tagata telen n ɲɛ, wo ka n na yamɔre bɛ bita, wo ka n na sariya bɛ labatu, n te bandiya koron yo lasanba wo ma, iko n ka min nasanba Misira kaanu ma, bayi nde mu Alatala le la min si wo lakendeya.»

Hɔrɔya 23:22

Kɔnɔ ka wo ka a kulɛ bita yati, ka wo ka koe bɛ ma iko n ka a fɔ wo ye ki min na, n si ma le wo jaguenu jague la, anun wo kɛlɛlanu kɛlɛla.

Hɔrɔya 24:7

Wo kɔma, Ala ka lahire min kiti a nun bani Isirayila kaanu tɛma, Musa ka wo sɛbɛ kitabue min tɔ, a ka a jigan, a ka a karan a kulɛ mayɛlɛreŋɛ la jama bɛ ɲala. Bani Isirayila jama la wo mɔɛreŋɛ anu bɛ ka a jaabi: «Alatala be min bɛ fɔren, mɔ si a bɛ ma le, mɔ mɛn ni naa a labatu.»

Hɔrɔya 34:9

A ka a fɔ, a ko: «N Marige, ka n na ko bata i hɛnɛ, yandi sɔ mɔ ɲatɔ, hali kɛ jama to mu kanbɛlɛŋɛnu la; i ni diɲa mɔ la tiɲarenu nun junubenu ma, i ni mɔ jigan iko i la jama.»

Hɔrɔya 6:7

N si naa wo jigan de wo ni ma n na jama la, nde tugun si ma le wo la Ala la. Wo mɛn si a lɔn de ka a fɔla, nde len mu Alatala la, wo la Ala, min ka wo bɔɔ wali bɛlɛŋɛnu tɔ Misira.

Hɔrɔya 8:22

Musa ka a jaabi, a ko: «A te bɛn ɲɔgɔnna de! I ni a lɔn mɔ be kolofeŋɛnu minnu bɔɔla sarika la, wonu sarika bɔɔ koe mu tana le la Misira kaanu ye. Mɔ tini wo sarikanu mɔɔle bɔɔ Misira kaanu ɲala, kaa anu te mɔ mabun de kurenu la?

Hɔrɔya 9:29

Musa ka a fɔ a ye, a ko: «N tini bɔɔ saa butɔ, n si n bolenu sɔ Alatala ye, n ni a mataran. Sangi bula nun sangi kure si dan de, alako i ni a lɔn Alatala le tan mu dunuya la.

Lewi bɔnsɛnu la sariya 20:24

N bata a fɔ wo ye: ‹Anu la duge be nala mala wo tɛŋɛ le la, nde yɛtɛ le be a diila wo ma, nɔnɛ nun kumɛ te ban ka min na.› Nde le mu Alatala la, wo Marige Ala, min ka wo masubɛ seenu tɛma.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.

1 Samiyɛli 15:22

Samiyɛli ko: «Bɔ, Alatala be ɲagalinna kolofen bɔɔ koe le la sarika la, ka a kulɛ biliya koe? N ni a fɔ i ye, yamɔri labatu koe fisa sarika ko, Ala sago ma koe tugun fisa saaka kontoŋɛ kɛndeŋɛ ko.