Hɔrɔya 18:4 - Ala la kitabuenu Mɔgɔfin kuma tɔ

⁴ Doe tɔgɔ le Eliyɛsɛri, wo be a fɔren de: «N baaba la Ala bata n dɛman, a bata n bɔɔ Firauna la faŋɛ da tɔ.»

Hɔrɔya 18:4 Iomraidhean Croise

Ko fɔlɔfɔlɛ 49:25

I baaba Marigi Ala le si i dɛman, Ala min mu sɛnbɛ tige la, a ni barikɛ sa i la ko tɔ, a ni saŋɛ barikɛnu lajigi kabɔɔ kantɔ, a ni duge tɔ je barikɛ dii i ma, a ni den sɔtɔ koe laɲini i ye a ni i bɔnsɛ singi je lasiya.

Hɔrɔya 10:28

Firauna ka a fɔ Musa ye, a ko: «Bɔɔ n kɛnna! I yɛtɛ matanga i kana sɔ n kɛnna bitugun. Ka n ka i yen lun min na, i si faga le.»

Hɔrɔya 2:15

Misira mansa la a mɔɛreŋɛ koe min be tanbiren, a ka Musa ɲini alako a ni a faga. Wo butɔ, Musa borita, a ni yanfaya Misira mansa la, a tagata Madiyana jamanɛ tɔ alako a ni to ɲɔ. Lun do, a keta kɔlɔŋɛ do kɛnna ɲɔ, a sigita.

Hɔrɔya 2:22

Wo ka den kayiren dɔndɔ sɔtɔ Musa ye. Musa ka a fɔ: «N to bata ma boribaga la luntan jamanɛ do tɔ, n be a tɔgɔ sala le ‹Gɛrɛsɔmu›.»

Hɔrɔya 4:20

Wo butɔ, Musa ka a la muse nun a la den kayireŋɛnu jigan, a ka anu layɛlɛ sofale kanna, anu saagita Misira jamanɛ tɔ. Ala ka tungare min jigan koe fɔ a ye nun, a ka wo bita a bole la.

Kiilanu 12:11

Piyɛri to ka hakkili sɔtɔ wo koe ma, a ka a fɔ: «N bata a lɔn kɔtɛ yati, Marige le bata a la maleka kii, a ni n bɔɔ Herodu bolo a mɛn ni n natanga Yahude jama sagona koe bɛ ma.»

Kiilanu 7:29

Annabi Musa to ka wo kuma mɔɛ, a borita a tagata sabati luntanya la Madiyana jamanɛ tɔ. A ka den kayiren fila sɔtɔ ɲɔ.