Hɔrɔya 18:11 - Ala la kitabuenu Mɔgɔfin kuma tɔ

¹¹ N bata a lɔn kɔtɛ Alatala le kolo batufeŋɛ bɛ ko. Misira kaanu to be nɔya laboela bani Isirayila kaanu ma, a ka a sɛnbɛ yita le Misira kaanu la.»

Hɔrɔya 18:11 Iomraidhean Croise

Hɔrɔya 1:10

Fɔ wo mɔ ni hakkili ɲinma ɲini anu la ko la alako anu kana siya. Bayi ka kɛlɛ wulita, anu si naa kafu le mɔ jaguenu ma anu ni mɔ kɛlɛ. Wo kɔma, anu ni bɔɔ duge tɔ.»

Hɔrɔya 1:16

«Ka wo be Hebure musenu dɛmanna den sɔtɔdula, wo ni deŋɛ fɛlɛ koola, ka kaye le mu wo ni a faga, ka muse le wo ni a to a ni balu.»

Hɔrɔya 1:22

Wo butɔ, Misira mansa ka kɛ yamɔre don a la jama bɛ bolo, a ko: «Hebure den kayireŋɛ min bɛ be sɔtɔla, wo ni a bɛ lafili Nili je tɔ, kɔnɔ wo ni musenu kan to anu ni balu.»

Hɔrɔya 10:3

Awa, Musa nun Harona tagata don Firauna dula, anu ka a fɔ a ye, anu ko: «Alatala, Heburenu la Ala la kuma le ka, a ko: aa i be balanna i fan majigila a ye han tɛmu miniman? A mɛn ko: aa i ni a la jama boloka, anu ni taga a batu dula.

Hɔrɔya 12:12

N si naa Misira duge takuntu le wo sue tɔ. N si Misira den fɔlɛ bɛ faga le, ka bɔɔ mɔgɛnu ma han kolofeŋɛnu n si a bɛ la den fɔlɛ faga le. N si naa jihade sa le Misira batufeŋɛ bɛ ma anu be minnu baturen iko Ala. Nde le mu Alatala la.

Hɔrɔya 14:18

Ka n bata ban mamatɔgɛ sɔtɔla Firauna kunma wagate min tɔ, sala a la sarɛtinu kunma, anun a la soo laborilanu, Misira kaa bɛ si a lɔn de, nde len mu Alatala la.»

Hɔrɔya 14:8

Wo butɔ, Alatala ka Firauna Misira mansa hakkile labɛlɛya han a ka bani Isirayila kaanu jokki, minnu bɔɔta Ala sɛnbɛ sabu la.

Hɔrɔya 15:11

Ee Alatala, Ala miniman be, bɔɔ ile la? Ɲɔmɔ si to iko ile, min na saniyaŋɛ be malanna, ɲɔmɔ le makilanta, a bɛnta min ni matɔgɔ? ɲɔmɔ le be kabanakoenu mala?

Hɔrɔya 5:2

Firauna ka anu jaabi, a ko: «Ɲɔmɔ le mu kɛ Alatala la n si min kulɛ lamɔɛ han n ni bani Isirayila kaanu boloka? N ɲan ma Alatala lɔn, n mɛn te bani Isirayila kaanu boloka feu!»

Hɔrɔya 5:7

«Wo kana biŋɛ don bitugun bani Isirayila jama bolo birike botege koe la, iko wo darita a la ki min na. Kɔtɛ, ande len yati bɛnta tagala anu ni biŋɛ bɔɔ anu yɛtɛ la.

Luki 1:51

Ala si a sɛnbɛ yita a bole la: Fan nakoloya be minnu juse tɔ, a si anu malansan.

Yaguba 4:6

Wo bɛ butɔ, Ala la hinnɛnteya ɲan kolo tanbi koe bɛ la. Bayi, kitabue ko: «Ala be fan nakoloyalanu kɛlɛla, kɔnɔ a be hinnɛla fan majigilanu kan na.»

1 Piyɛri 5:5

N bata wole fonikenu tugun nalimaniya, wo ni wo yɛtɛ majigi wo la kayibanu ye. Wo bɛ ni wo yɛtɛ majigi ɲɔgɔn ye, bayi a be sɛbɛren de: «Ala be fan nakoloyalá kɛlɛla le, kɔnɔ a be hinnɛla le yɛtɛ majigilá kan na.»

1 Samiyɛli 2:3

Wo ni wo la wasumanteya kuma dan. Fan nakoloya kuma kana bɔɔ wo da tɔ. Bayi Alatala, Ala le mu a la min ka koe bɛ lɔn, ale le be mɔgɛ la wale bɛ sala sikele tɔ, a ni a suman.