Hɔrɔya 18:10 - Ala la kitabuenu Mɔgɔfin kuma tɔ

¹⁰ Yetoro ka a fɔ, a ko: «Tantue be Alatala ye, min ka wo lakisi Firauna nun Misira kaanu bolo, min ka Isirayila jama labɔɔ Misira kaanu la nɔɛ kɔtɔ!

Hɔrɔya 18:10 Iomraidhean Croise

Ko fɔlɔfɔlɛ 14:20

Ala ni tantue sɔtɔ min mayɛlɛta, min ka i jaguenu jarabi i ye.» Iburama ka kɛlɛ tɔnɛ bɛ farila bɔɔ a ka a dii Melikisedeki ma.

Ko fɔlɔfɔlɛ 24:27

a ko: «Alatala, tantue be i ye. N tige Iburahima la Ala, i ma kori hinnɛla n tige Iburahima la. I ma lahire fulen n tige Iburahima ye lannanteya butɔ, bayi n na tagamaŋɛ butɔ, ile Alatala ka n kun sɔ kan do le la, ka min mu n tige Iburahima dɔgɛ bata la.»

Luki 1:68

«Tantue be Marige Alatala ye, bani Isirayila mɔgɛnu la Ala, bayi a bata hinnɛ a la jama la, a ni anu kunka.

1 Tesaloniki 3:9

Ee kɔnɔ, mɔ si nɔ Ala tantula kama le wo la ko la bitugun? Sɛɛwa min be mɔ ye mɔ Marige Ala mafanna wo la ko sabu la, dan bele a la.

1 Piyɛri 1:3

Tantue be Ala ye, wo mɔ Marige Isa Ala la mɔgɔ masubɛreŋɛ Baaba Ala. A bata kinikini wo mɔ ma koola, han a ka a ma wo mɔ ni tasɔtɔ a nama la Isa la malawule sabu la. A to ka Isa lawuli faga ma, wolo ka a ma yige be wo mɔ ma, yige min te ban.

1 Samiyɛli 15:6

A ka kiilá kii Keni kaanu ma, ka naa a fɔ: «Wo bɔɔ Amaleki kaanu tɛma, n kana naa wo sɔntɔ anu fɛ. Bayi wo ka kanunteya yita le Isirayila kaanu bɛ la anu tanbi wagate bɔɔla Misira.» Awa, Keni kaanu bɔɔta Amaleki kaanu tɛma.

1 Samiyɛli 25:32

Dauda ka a fɔ Abigayili ye, a ko: «Tantue be Alatala ye, Isirayila la Ala, min be i lasanbaren bi, mɔ ni na bɛn yan.