Hɔrɔya 12:16 - Ala la kitabuenu Mɔgɔfin kuma tɔ

¹⁶ A lɔgɔ fɔlɛ, wo si naa madɛn nde Alatala la biliya butɔ. A tele wɔrɔwila luŋɛ, wo mɛn be madɛnna nde Alatala le la biliya butɔ. Wali yo te ma wo lɔgɔ fila kɔtɔ, fɔ wo be dɔmɛ min pɛti ɲiɲala mɔgɛnu ye.

Hɔrɔya 12:16 Iomraidhean Croise

Hɔrɔya 16:23

Musa ka a fɔ anu ye, a ko: «Alatala ka wolo fɔ, a ko sinan mu sulen lɔ́gɛ́ le la, lɔgɔ masubɛreŋɛ le mu Alatala ye. Wo be diren min bintanna, wo a bintan; wo be diren min barabarala, wo a taba. A tɔɛ min tini to, wo ni wo mandi han sinan saguma.»

Hɔrɔya 16:29

Wo ni a lɔn, nde Alatala le be sulen lɔ́gɛ́ diiren wo ma. Wolo be a maren, tele wɔɔrɔ luŋɛ, tele fila dɔmɛ kɔnte be diiren wo ma. Bɛ ni to a be ka min na, mɔgɔ yo kana bɔɔ a la dula tɔ a tele wɔrɔwila luŋɛ.»

Hɔrɔya 16:5

A tele wɔɔrɔ luŋɛ yo tele wɔɔrɔ luŋɛ, anu be min matɔnbɔnna iko anu darita min matɔnbɔnna, anu tini wo ɲiɲa, wo yan kan be mala tele fila dɔmɛ le la.»

Hɔrɔya 20:10

Kɔnɔ tele wɔrɔwila luŋɛ bɛ mu sulen lɔ́gɛ́ le la, nde Alatala i la Ala la lɔgɔ masubɛreŋɛ. I te wali yo ma wo lɔ́gɛ́ tɔ, a mata ile len na ba, a mata i la den kayireŋɛ le la ba, i la den musereŋɛ ba, i la jon kaye ba, i la jon muse ba, i la kolofeŋɛnu ba, sa i la luntaŋɛ kunma min be i la saa tɔ, hali dɔndɔ te wali wo tele wɔrɔwila luŋɛ.

Hɔrɔya 34:18

Wo si Dɛgɛ Lɛbinibɔnɛ sale makanta. Tele wɔrɔwila minnu be masubɛren wo la dɔmɔ tɔnsɛnu mɔ kare butɔ, wo be dɛgɛ lɛbinibɔnɛ le dɔmɔla, iko n ka wo yamɔri ki min na, bayi wo bɔɔta Misira duge tɔ wo kare le la.

Lewi bɔnsɛnu la sariya 23:21

Wo ni mamadɛn saniyandeŋɛ ma wo lun. Wo kana wale hali dɔndɔ ma wo lun. Wo bɔnsɛnu be sabatiren kan do kan, a bata ma yamɔre la min te tiɲa abada.

Lewi bɔnsɛnu la sariya 23:27

«Kari wɔrɔwilaɲɔgɛ tele tan luŋɛ, wo ni ma Kunsara Luŋɛ le la. Wo ni mamadɛn saniyandeŋɛ ma, wo ni sun wo lun, wo ni sarika bintannɛŋɛnu bɔɔ nde Alatala ye.

Lewi bɔnsɛnu la sariya 23:35

Wo sale tele fɔlɛ, mamadɛn saniyandeŋɛ le be mala. Wo kana wali yo ma wo lun.

Yaya 19:31

Wo ka a taran, ɲɔ be kɛnɛla sulen lɔ́gɛ́ ma. Yahudenu la kuntigenu bele diren wo furenu ni to lɔgɛ kanna han Hɔrɔya Sali luŋɛ, bayi wo sulen lɔ́gɛ́ sɛnbɛ kolo sulen lɔgɛ doenu ko. Wo butɔ, anu tagata Pilati madiya, aa a ni mɔgɛnu kii ka taga mɔgɔ banbandeŋɛnu kɛŋɛnu kati, alako anu ni faga, anu furenu ni bɔɔ ɲɔ.