Hɔrɔya 1:7 - Ala la kitabuenu Mɔgɔfin kuma tɔ

⁷ Kɔnɔ wo bɛ butɔ, bani Isirayila kaanu mata le den sɔtɔlanu la, anu jiidita, anu naata siya anu ka sɛnbɛ sɔtɔ han anu ɲan ka duge lafa.

Hɔrɔya 1:7 Iomraidhean Croise

Ko fɔlɔfɔlɛ 1:20

Ala mɛn ka a fɔ, a ko: «Fondo nilamanu ni madɛn je tɔ, anu ni siya koola. Kondeŋɛnu ni yilɛ kantɔ, saŋɛ nun duge tɛma.»

Ko fɔlɔfɔlɛ 1:28

Ala ka barikɛ sa anu la ko tɔ, a ko anu ma: «Wo ni jiidi, wo ni siya, alako duge ni lafa. Wo ni sɛnbɛ sɔtɔ duge kunma, wo ni fisamanteya sɔtɔ duge kunma, yɛgɛnu kunma ba tɔ, kondeŋɛnu kunma kantɔ, anun bubufeŋɛ min bɛ be duge kunma.»

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 13:16

N si i bɔnsɛ lasiya iko mɛɲɛŋɛ min be duge tɔ. Ka mɔgɔ si nɔ mɛɲɛŋɛ kɔntila, i bɔnsɛ tugun si kɔnti le.

Ko fɔlɔfɔlɛ 15:5

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Ko fɔlɔfɔlɛ 17:16

N si barikɛ sa ale la ko tɔ. A si naa den kayireŋɛ sɔtɔ i ye. N si barikɛ sa a la ko tɔ, a ni ma bɔnsɔ siyama benba la. Jama siyama la mansa banbanu si bɔɔ a bɔnsɛ tɔ.»

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 26:22

A bɔɔta wo dula tɔ, a tagata dula do tɔ a ka kɔlɔŋɛ do tugun soe ɲɔ. Mɔgɔ yo ma anu kɛlɛ wo fɛ. Isiyaka ka wo tɔgɔ sa «Rehoboti», bayi a ko: «Kɔtɛ Alatala bata mɔ hɔrɔya. Wo mɔ si sɔnɔya sɔtɔ le kɛ duge tɔ.»

Ko fɔlɔfɔlɛ 26:4

N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Ko fɔlɔfɔlɛ 28:14

I bɔnsɛnu si naa siya iko mɛɲɛŋɛ min be duge tɔ. Wo la duge si naa koloya le ka bɔɔ tele yɛlɛ han tagala sigila tele jige la, anun bolo ɲinma nun bolo mara. See bɛ si hɛra sɔtɔ i nun i bɔnsɛ fɛ.

Ko fɔlɔfɔlɛ 35:11

Ala mɛn ka a fɔ a ye, a ko: «Nde le mu Ala sɛnbɛ tige la. I ni jiidi, i ni siya, alako i ni ma jama banba tige la, i mɛn si ma le see siyama benba la. Mansanu si naa bɔɔ le i bɔnsɛ tɔ.

Ko fɔlɔfɔlɛ 46:3

Ala ka a fɔ a ye: «Nde le mu Ala la, i baaba Marigi Ala. Hali i ma kilan tagala Misira, bayi n si i bɔnsɛ lasiya ɲɔ le koola.

Ko fɔlɔfɔlɛ 47:27

Yaguba bɔnsɛ sabatita Misira jamanɛ tɔ, Gosɛn duge tɔ. Wo duge mata anu tɛŋɛ la. Anu jiidita, anu siyata han.

Ko fɔlɔfɔlɛ 48:16

Ile min mu maleka la, i ka n bɔɔ ko bɛlɛŋɛ tɔ, ile Ala ni hɔrɔma to kɛ deŋɛnu la ko tɔ. Anu ni anu kele nde tɔgɛ la, anun n mankayi Iburahima nun n baaba Isiyaka tɔgɛ la. Anu ni jiidi jamanɛ butɔ koola.»

Ko fɔlɔfɔlɛ 48:4

A ka a fɔ n ɲɛ, a ko: ‹Nde le mu ka, n si i lajiidi, n ni i lasiya, n ni i ma jama banba tige la. N si kɛ duge dii le i bɔnsɛ ma hali i tanbi kɔma, a ni ma anu tɛŋɛ la kudai.›

Ko fɔlɔfɔlɛ 9:1

Ala ka barikɛ sa Nuha nun a la den kayireŋɛnu la ko tɔ, a ko anu ma: «Wo ni jiidi wo ni siya duge dula bɛ tɔ han wo ni duge lafa.

Hɔrɔya 1:12

Kɔnɔ wali bɛlɛŋɛ be sɔla bani Isirayila kaanu ma ki min na, anu be siyala ɲɔgɔnna le, anu mɛn be mafatanna duge kunma ɲɔgɔnna le. Wo butɔ, Misira kaanu kilanta anu la, anu ka anu kɔn.

Hɔrɔya 12:37

Wo lun, bani Isirayila kaanu fayida kayi mɔgɔ wulu kɛmɛ wɔɔrɔ bɔɔta anu kɛŋɛ la Ramisɛsi saa tɔ, tagala Sukoti saa tɔ. Anu la denbayanu bele wo kɔnte ɲaama.

Hɔrɔya 5:5

Firauna mɛn ko: «Bi, bani Isirayila kaanu to bata siya han, kɔtɛ wo be diren anu lasulenna anu la jon walenu la ba?»

Kiilanu 13:17

Wo mɔle bani Isirayila jama la Ala ka mɔ benbanu masubɛ, anu be sigiren luntanya la Misira jamanɛ tɔ wagate min tɔ, a ka anu la ko lakoloya, wo kɔma a ka anu labɔɔ ɲɔ a sɛnbɛ la.