Osée 9:8 - Ma Zhiklè

⁸ Ephraim a pi va a ndo nhadka ma. Ndo nhadka ma a civèɗ nengaʼa tèlèba nara votok man ta gshè ɗiakihi a vna. Shèwa a zhè te gi Zhiklè na.

Osée 9:8 Iomraidhean Croise

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

I Rois 18:1

Te deɓ nʼnzi a zhè, Ndo nzi pèc pècèk a ngaɗa na Elie, te mvi mamakaraʼa: Do a ka ngra na va ngaya a Achab. I woy a i zlindè iyam a hi a herkeda.

I Rois 18:19

Anai zlündo ndo, a ka ɓicka ta ndohi Israel tèlèba a sam ga a géɗ za Carmel, a nda ndohi nhadka ma Baal 450, a nda ndohi nhadka ma Astarté 400, man ta ndi skwi te gi Jézabel tèlèba.

I Rois 22:11

A Sédékias, kra Kenaana, a ngau drom a züdo, a mboho: Ndo nzi pèc pècèk a goɗ ar haha: A drom züdo aranta ka da bazl ta ndohi Syrie, a ta zi ta tèlèba.

I Rois 22:22

A nengaʼa a ngaɗa: I dè a i ngwèdè va ga a mèzhèɓ ncèkèlma a ma ndohi nhadka ma nengaʼa tèlèba. Ndo nzi pèc pècèk a ngaɗa: Ka da pi a wai, ka da slaha. Do a ka gu arsa!

I Rois 22:28

A Michée a ngaɗa: Aman ka da ndikakaɗa deɓa amba amba, ar Ndo nzi pèc pècèk a nhadka ma te iyè ɓai. A goɗ a vaʼa: Kinè tèlèba, ndohai, va-tsenaʼa!

I Rois 22:6

A bi Israel a mɓic ta ndohi nhadka ma 400, a ngaɗa ta: Amba aman i dè var a Ramoth te Galaad dè, dè i jèkeda dè? A ta gada na: Do, Bi Zhiklè a da pa ta a ri a bai!

II Rois 13:21

Aman pats ngiɗè ta ri ndo a vèvèɗ, a ndohi metsarhi ta shkè. A ta kalda nckondo sa a gidzavi Elisée, a to do ta. A nckondo a nlama na vatasl Elisée, a mʼmbelkaɗ na, a nslambaɗa.

II Rois 2:14

A nco dawar Elie man a kalkaɗahi a géɗ nengaʼa, a ntseda a géɗ iyam (aman iyam nʼngel ɓai). Te deɓaʼa a ngaɗa: Ndo nzi pèc pècèk, Zhiklè Elie, tema? A ntseda a géɗ iyam zaʼa, a iyam a nʼngel na cèw. A Elisée a ntawaɗ na auda.

II Rois 2:21

A nengaʼa a ndo a sam nlèlè iyam a vna, a mpeda boma a pa, a ngaɗa: Ndo nzi pèc pècèk a goɗ ar haha: I tila iyam haha ma; ani amba, a kéɗè ndo asaɓai, a gédèshè skwa asaɓai.

II Rois 4:41

A nengaʼa a ngaɗa: Va-hulkoy gufa! A nengaʼa a nkutèda va lak, a gandaf. A ngaɗa: Va ta ndohai a ta ndiaʼa! Dèrè a te pa asaɓai.

II Rois 4:43

Aman ndo mizlinè nengaʼa a ngaɗa: A slra ta ndohi 100 ɗè? Aman nengaʼa a ngaɗa: Va ta ndohai a ta ndiaʼa! aman Ndo nzi pèc pècèk a gada: Ta da ndiaʼa, a njèkèɗiaʼa a da jèkaha va.

II Rois 5:14

A nengaʼa a mshkèhi a deɓ plèsh, a mpana va te woyam Jourdain, a gi sak 7, ara man ndo Zhiklè a gada na. A va nengaʼa nsuɗa ma, va nengaʼa a nge na ara gola.

II Rois 5:27

Aman hutsoɗ Naaman a da ga ka, a ndohi te verzi ngaya a ma ma. A nengaʼa a mdo auda, hutsoɗ a va, nslekaɗa ara mèrwèc.

II Rois 7:19

bi-sojè a mʼmbeɗa na a ma ndo Zhiklè, a ngaɗa na: Ko man Zhiklè a nzlünko giɗfèk, skwi haha a gi ar haha azɓai. A Elisée a ngaɗa: Skwi haha ka da rka a di mènè, aman ka, ka da tèr nengaʼa azɓai.

II Rois 7:2

A bigol bai, nengaʼa man a ngu va a vna, a mbeɗa na a ma ndo Zhiklè, a ngaɗa: Ko Ndo nzi pèc pècèk a nzlünko giɗfèk, skwi haha a gi ar haha azɓai. Elisée a ngaɗa: Skwi haha ka da rka a di mènè; aman ka, ka da tèr nengaʼa azɓai.

Psaumes 124:7

Nshèffè nga, nara ɗiak man a mbel na a sam ndo man a woy a a ngshèʼa, a nceda votók a verzai, a nga mbel nga.

Ecclésiaste 9:12

Ndo a sun man tiɗè sam skwi a ma ɓai; lèmèlèmè ara klèf man jir a gshèʼa, ɗiak man votok a gshèʼa, aranta ndohi herkeda ba, pats staɗ matakwan a gs ta. Man a nkala ta va, ta sun ɓai.

Cantique des Cantiques 3:3

Ndohi mɓer kokwar ta ngatsyè man ta sawala te kokwar. Kin ngots ndo man ndav ga a woya ɗè?

Esaie 62:6

Jérusalem, i pau ndohi mɓer zlazlar kokwar ngaya. Ta nzi ɓeslè azɓai, ko pats ko vaɗ. Kinè man kin wina na zlembaɗ a Ndo nzi pèc pècèk, aman Sion a pca na a gèɗ azɓai, kin jèkeda mbèhè ɓai!

Jérémie 11:19

Iyè ara tambak man ta da zli daiaʼa. Ta vhè ma a géɗ a iyè, i sun ɓai: Ngo-gedossokoy wof man a yi dai, ngo-zudokoy auda tʼherkeda man ndohi ta nza te pa a nshèffè, a ta slefi nzlembaɗ nengaʼa asaɓai!

Jérémie 14:13

A i gaɗa: Aʼ – aʼ – aʼ – Ndo nzi pèc pècèk, bi ga! Na haha ndohi nhadka ma ta gaɗa ta: Kin gu zlau tsakwal ɓai, mi a da gi azɓai, i va kinè gumi ga a sam haha.

Jérémie 23:13

I rka skwi nrzla a sam ndohi nhadka ma te Samarie: ta hodko ma a nzlembaɗ Baal, a ta zlakede ta ndohi Israel, ndohi ga.

Jérémie 31:6

a pats nasa, aman ndohi mɓer kokwar ta da bèhè te za Ephraim: Va-slambaɗa, ngo-dokoya a Sion, a sam Ndo nzi pèc pècèk, Zhiklè nga!

Jérémie 6:14

Ta woy a ta fa na kwa a gèɗ a mali ndohi ga, a ta gaɗa: gumi a zhè, gumi a zhè! Aman gumi azɓai.

Jérémie 6:17

Te deɓaʼa i gaɗa: I va kinè ndohi mɓer kinè. Va-gu maya, aman tolom a tsai! Aman ta gaɗa: Nga woy a nga gi maya ɓai.

Lamentations de Jérémie 2:14

Ndohi nhadka ma nga ta cèkèl ma a sam ngaya, a ta njè ka ma nrzlaʼa. Ta ngra ka mali ngaya ɓai, aman ka shkè auda te ndzoan. Skwi man ta hodko ma a géɗ ngaya, skwi ncèkèlma, skwi nʼngwode ka genè.

Lamentations de Jérémie 4:13

Skwi haha a ngau a géɗ mali ndohi nhadka ma, a géɗ mphömè ndohi mvi skwi a Zhiklè, man ta bazl ta ndohi nzuraʼa a sam ta.

Ezéchiel 3:17

Ka ndo, i ge ka a ndo mɓer ndohi Israel: Ka da tsena ma te ma ga, a ka da ngra ta maya a nzlembaɗ ga.

Ezéchiel 33:7

Ka ndo, i fe ka a ndo mɓer kokwar Israel. Ka tsena ma te ma ga, sèi ka fa ta a gèɗ, a nzlembaɗ ga.

Osée 5:1

Kinè ndohi mvi skwi a Zhiklè, va-tsena ma haha! Ndohi gi Israel, vagu maya! Ndohi nte gi bai, va-fu zlembaɗ, kita kinè a zhè. Kin gaʼa a gadda sam Mitspa, a ɓalai a sam Thabor, a géɗ mphömè kinè, kin kala drav.

Osée 9:7

Pats kita a mshkè ma, pats mpil gèɗ a mshkè ma. Ndohi Israel ta da suna. Ndo nhadka ma a nrzl na a pa. Ndo man Mèzhèɓ Zhiklè te ndav na, a nyakedama na gèɗ. A géɗ mali ngaya man kumba, kita ba a gi mbiaʼa.

Osée 9:9

Nʼndi hwaɗ tengaʼa a gedas ta tèlèba, lèmèlèmè ara man ta gu te Guibea. Ndo nzi pèc pècèk a hér maharam ta, a da gi kita a géɗ mali ta.

Michée 7:4

Mwoy-ndo man ta woy ndo a vna, nara ncèkncèkè sulom. Ngi-zuraʼa tengaʼa nara zlazlar vatak. Pats man ta da war ka, a ta ga ka kita, kalka ma. Antanta ta gi zlau ma.

Jean 15:24

I ga skwi a sam ta, man ndo ngiɗè a slaha a ngia ɓai. Man a matsa i da gu ɓai, ar mali ta azɓai; aman antanta ta rkaʼa, ta gi shèwa a iyè, a Bab ga lèmèlèmè.

Romans 3:7

Aman ncèkèlma ga a ngredè ma Zhiklè nzuraʼa auda holholaʼa, a nʼnjèl na, ar ta gay kita ara man i ndo mali èhèmè?

Hébreux 13:17

Va-fa na gèɗ a ma ndohi ncè kinè ma, va-dzodzor tengaʼa man ta ɓer nshèffe kinè; ta ara ndohi man Zhiklè a da dzhaɗ ta a géɗèʼa. Va-gu aman ta slaha a ta gi mizlinè tengaʼa a mwuffè; man ta ɗish va a ta kuɗai, a takaha kinè te mè?