Osée 9:4 - Ma Zhiklè

⁴ Te deɓaʼa ta da va na skwi nsi a Ndo nzi pèc pècèk azɓai, ta da zla na skwi azɓai. Movar man ta ndiaʼa ta lèyè a géɗèʼa. Tèlè man ta ndiaʼa, a lizhèma ta ndav. Movar tengaʼa a ngeza ta a hwaɗ ta genè, aman ta vi a gi Ndo nzi pèc pècèk azɓai.

Osée 9:4 Iomraidhean Croise

Exode 29:40

A va kra tambak nshèlèkuraʼa, gufa ɗuk ri staɗ, mbsoma a mbar dèok kata, a ta ɓala na iyam nyi wof a Zhiklè dèok kata.

Exode 40:23

a mfeda movar nkezlaʼa a pa a sam di Ndo nzi pèc pècèk, ara man Ndo nz, pèc pècèk a njè na Moise.

Esaie 57:6

Skwi man ka ngècèʼa, te za; tengaʼa skwi nʼndi gi ngaya. Ka mboh skwai a ka ɓala ta skwai, a ka va ta tengaʼa ba; ndav ga a mènèhi arsa ɗè?

Esaie 66:3

Ndo man a keɗa zlè, lèmèlèmè ara ndo man a keɗa ndo. Ndo man a zli tambak, a ngelama na gèɗ a kda, lèmèlèmè ara ndo man a vi pombaz wodala a Zhiklè. Ndo man a fi vogwa a ɓurdi a ndara na vrai, lèmèlèmè ara man tá wuffè a gèɗ civèɗ tengaʼa, a skwi tengaʼa ambaɓiaʼa ambaha ta te ndav.

Jérémie 16:7

Ndo a da ti ɗaf a sam kuɗa azɓai, aman a ndè bidè ndo a vna, a géɗ ndo nengaʼa, man a mʼmets na. Ndo a da va ta cil zom, a bid ta a vna, azɓai, ko man bab na a mʼmets na, ko mam na.

Jérémie 6:20

Skwi man ta ndarayè, aman a zhkè ara burdi te Saba, te kokwar dra, i gia kè? Skwi man kin ndarayè, ambahay ɓai; a skwi man kin zlayè, i wuffè a géɗèʼa azɓai.

Ezéchiel 24:17

Ɗüsh te ndav genè! Ka tsu nguzlah bai! Paɗa gèɗ ngaya, feda kotokoroh a sak, ka paɗda bozozom a pa bai, a ka ndau ɗaf sam kuɗa, man ta ckoɗa a sam kuɗa ɓai!

Ezéchiel 24:22

Kin da gi lèmèlèmè ara man i gau. Kin da paɗda bozozom a pa ɓai, kin da ndi ɗaf sam kuɗa azɓai.

Daniel 1:8

Daniel a mbasla gèɗ na, a woya a nlizhè ndav na a skwi nʼndi bai a zom man bai a siaʼa, asaɓai. A ndzhoɗo a sam tsuvom ntokotasl-bai, da va na civèɗ, aman a da lizhè ndav na arsa asaɓai.

Osée 3:4

Ndohi Israel ta da nzi a vata, bi ta azɓai, kra-bi ta azɓai, skwi man ta zli a Zhiklè azɓai, sam mvi skwi a Zhiklè azɓai. Ephod a Teraphim azɓai.

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Joel 1:9

Te gi Zhiklè ta va na movar a skwi nsi a Zhiklè azɓai, ta jèkeda. Ndohi mvi skwi a Ndo nzi pèc pècèk, man ta gi mizlinè Ndo nzi pèc pècèk, ta kuɗai.

Joel 2:14

Nsun wa? Wa ngiɗè ba a hèrè te deɓaʼa, a jekeda ngi ndzoan, a pshè kinè ma a movar a skwi nsai man a Ndo nzi pèc pècèk, Zhiklè kinè.

Lèv. 17:11

Aman nshèffè skwi a zhè te pombaz, a i va kinè a gèɗ sam mvi skwi a Zhiklè, a gi a skwi mpil gèɗ kinè. Pombaz a gi a skwi mpil gèɗ, a géɗ nshèffè man te pa.

Lèv. 21:17

Gada na Aaron aranta: Aman pats ngiɗè, staɗ te verzi ngaya, bololo ndo, da gu mizlinè mvi skwi a Zhiklè bai, da herda va a va na movar a Zhiklè na bai.

Lèv. 21:21

Te verzi Aaron, ndo mvi skwi a Zhiklè, ndo man bololo ndo a slaha a nherda va, a va na skwi a Ndo nzi pèc pècèk te vogwa, bai. Bololo ndo; a gèɗ nengaʼa man a slaha a nherda va, a va na movar a Zhiklè na, azbai.

Lèv. 21:6

Tengaʼa ndohi nkezlaʼa a sam Zhiklè ta, a ta dérɗè nzlembaɗ Zhiklè tengaʼa azbai; te man ta va na skwi a Ndo nzi pèc pècèk te vogwa, movar Zhiklè ta; gar haha sèi ta nzi ara ndohi nkezlaʼa.

Lèv. 21:8

Gar haha sèi ka rka ndo mvi skwi a Zhiklè ara ndo nkezlaʼa; te man a vi movar a Zhiklè ngaya. Da nza a sam ngaya ara ndo nkezlaʼa, te man iyè, i kezla, Ndo nzi pèc pècèk, man i ga kinè a ndohi nkezlaʼa.

Amos 5:22

Aman kin ndaray skwai, i wuffè a géɗ skwi man kin vayè azɓai. A i pi di a mari man kin zlayè a nshid gèɗ azɓai.

Mal. 2:13

Na haha skwi macecèwaʼa man kin giaʼa: A sam mvi skwi a Zhiklè, kin bada kuɗa a pa, a lalau a wobau; a Zhiklè a pi di a skwi man kin va na azɓai, a cè skwi te ri kinè a pombi azɓai.

Nombres 19:11

Ko wawa man a lama na nckondo wawa, nengaʼa nlizhèa mʼmèn tsaraɗ.

Nombres 28:2

Fa ta ma a gèɗ a ndohi Israel, a ka gada ta: Aman kin vay movar, a skwi man kin vayè te vogwa, aman ambahayè, va-gu a pats man i ngreda kinè sa.

Nombres 4:7

Table movar nkezlaʼa ba, sèi ta pizlèda pa a maslaka mʼmadzaʼa. A ta peda shiɗèf a gandaf a kokwai a ndèlèk mbèd iyam a géɗ table.

Jean 6:51

Iyè movar a nshèffè te pa, man a shkèhai te zhiklè. Ndo man a ndi movar haha, a nzi a nshèffè a mèdèp. A movar man i va na, zluèɗ va ga, man i vi a géɗ nshèffè ndohi herkeda.

Deutéronome 26:14

I ndaha te va skwi haha te nlèyè ɓai, i helaha a i lizha va ga a vna ɓai, i tsaka skwi ɓai a sam kuɗa. I fu gèɗ a ma Ndo nzi pèc pècèk, Zhiklè ga, a i gau ara man a njèyè a gèɗ tèlèba.