Osée 9:3 - Ma Zhiklè

³ Zom ba ta wuffè a géɗèʼa azɓai. Ta da nzi tʼherkeda Ndo nzi pèc pècèk azɓai. Ephraim sèi da mena a deɓa a kokwar Egypte, a ta ndi tsahkaɓi skwi te Assyrie.

Osée 9:3 Iomraidhean Croise

I Rois 9:7

i da zedko Israel auda te kokwar man i va ta, a i kwola gi haha man i baha na a nzlembaɗ ga. A ndohi ngiɗè a géɗ herkeda ta livèʼa, a ta ngwossaha ta ndohi Israel.

II Rois 17:6

Te mvi bi Osée 9, bi Assyrie a nduma Samarie, a nhel ta ndohi Israel a ɓèlè a kokwar Assyrie, a mpe ta a kokwar Chalach, a za Chabor, a woyam Gozan, a kokwarhi mbimbihiaʼa te Mèdes.

Jérémie 16:18

Gar haha i jhèɗè skwi mpil gèɗ sak cèw a géɗ mali ta a mphömè ta, a gèɗ man ta derde kokwar ga, a skwi hori tengaʼa man nhusla sa.

Jérémie 2:7

I de kinè a herkeda nɗuzoʼa, a kin ndi skwi te pa kumba. Kin do a pa a kin lizhè herkeda ga, skwi nʼndi gi ga, a kin ndeda a skwi man a ndara ta ndohai.

Lamentations de Jérémie 5:6

Nga kalahi a deɓ sak ndohi Egypte a ndohi Assyrie, aman nga da ngècè skwi nʼndai, a nga ngézhè hwaɗ a vna.

Ezéchiel 4:13

Te deɓaʼa Ndo nzi pèc pècèk a gaɗa: Aranta ndohi Israel sèi ta da ndi movar nlizhèa te ndev ndohi nte deɓa man i da dzam ta a va tengaʼa.

Daniel 1:8

Daniel a mbasla gèɗ na, a woya a nlizhè ndav na a skwi nʼndi bai a zom man bai a siaʼa, asaɓai. A ndzhoɗo a sam tsuvom ntokotasl-bai, da va na civèɗ, aman a da lizhè ndav na arsa asaɓai.

Osée 11:11

Ta da shkè te kokwar Egypte ara ɗiakihai a ta gudzai, ara nkuɗhomhai te kokwar Assyrie, a i woy a i pe ta a deɓa a gi ta, Ndo nzi pèc pècèk a gaɗa.

Osée 11:5

Sèi ta minè a deɓa a kokwar Egypte asaɓai. Aman ndo Assyrie a da gi bi ta, a géɗ man ta woy a ta menkada deɓa a sam ga ɓai.

Osée 7:11

Ephraim nara nkuɗhom man a hér skwa azɓai, man maya na azɓai. Ta bahka ta ndohi Egypte, to do a sam ndohi Assyrie.

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.

Osée 8:13

Nzli skwi a Zhiklè ambaha ta. Ta zlèhaʼa, aman ta ndeda zluèɗ a ma. Ndo nzi pèc pècèk a wuffè a géɗ tengaʼa azɓai. Antanta a da hér mali ta, a da ga ta kita a géɗ mali ta. Sèi ta minè a deɓa a kokwar Egypte.

Osée 9:6

Na haha, sèi ta dè a kokwar Assyrie, ndohi Egypte ta da ɓic ta, a ndohi Memphis ta da re ta a vèvèɗ. A sam man skwi mèshèlè tengaʼa, kuɗdzarai a ftskaɗa pa, a sam gi tengaʼa vatak a ftskaɗa pa.

Lèv. 18:28

Man bai man kin lizhè kokwar, a da kwol kinè ara man a gu a sam ndohi nte deɓa te pa, ga kin shkè.

Lèv. 20:22

Gar haha va-dzodzor ma nkwèr ga tèlèba, a ma kita ga tèlèba. Va-gu arsa, man bai kokwar man i woy a i de kinè a pa a kin da nzi a pa a da kwol kinè.

Lèv. 25:23

Kin slaha kin preda dak a ma a mèdèp ɓai, te man herkeda a ga. Kinè mbrokihai a ndohi nshèwèlè a sam ga.

Amos 7:17

Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.

Michée 2:10

Va-slambaɗa, vo-do! A haha sam nshèk va ka ɓai. A géɗ mali kinè, skwi ngedas kinè a da shkè a ngedas kinè.

Actes 10:14

A Pierre a ngaɗa: Aʼai, Bi Zhiklè, i tara skwi ambalai a skwi nlizhèa di ɓai.

Deutéronome 28:63

Lèmèlèmè ara Ndo nzi pèc pècèk a wuffè man a ga kinè skwi man amba, a gi aman kin mènè a vata, lèmèlèmè a da gi ambaha man a zede kine, a gedas kinè. A da hil kinè auda te kokwar man kin da dè a pa, man kin ngotso.

Deutéronome 28:68

A Ndo nzi pèc pècèk a de kinè a kokwar Egypte a géɗ iyam te wurom, a kin dè a civèɗ man i gaɗa kinè te nengaʼa: kin da rka te deɓaʼa asaɓai. Te pa kin da preda va kinè a ma a ri mayamhai, ara ɓèlè, ngurhi a ngwozihai. Ndo nsumka kinè a deɓa asaɓai.

Deutéronome 4:26

a patsna i bèhè giɗfèk a herkeda a malwuɗi a géɗ kinè — kin da zi kinè tʼherkeda man kin tawaɗa woyam Jourdain a pa, a kin nzi a pa azɓai, kin da gedas kinè.

Josué 23:15

Lèmèlèmè ara man ma Ndo nzi pèc pècèk, Zhiklè kinè, mbelaʼa, man a mpasla kinè rai, nʼngaʼa; lèmèlèmè ma ambaɓiaʼa ba a da gi arsa a sam kine, ha pats man Ndo nzi pèc pècèk, Zhiklè, a gedas kinè tʼherkeda mbelaʼa man a mva kinè.