Osée 9:13 - Ma Zhiklè

¹³ I pu di a géɗ Ephraim tèlèba, nʼngaʼa a sam mbelaʼa. Aman Ephraim a di a hel ta wudahi nengaʼa auda a sam ndohi nkeda ndo a ri na.

Osée 9:13 Iomraidhean Croise

II Rois 15:16

Te deɓaʼa Menahem a ngedassa Thiphsach, a mbazla skwi tèlèba te pa, ko tʼhwaɗ kokwar a ngedassa tèlèba, a hinè te Thirtsa. A mbazl ta, a géɗ man ta woy a ta va na civèɗ a kokwar ɓai, a ntserɗko wuda auda tʼhwaɗ mam ta, te kokwar sa.

Job 27:14

Aman wudahi tengaʼa kumba, tsakwal a da ndev ta ma. Wudahi tengaʼa ta da ngézhè a movar azɓai.

Jérémie 7:15

I woya a i dzam kinè auda a sam di ga, ara man i dzam ta kramamhi kinè tèlèba. Verzi ndohi Ephraim tèlèba, man i kwol ta.

Jérémie 9:21

Mʼmetsai a mwucka nga a va nvakavar, a mshkè a gi nga, a zeda wudahi man ta mbèhwali a civèɗ, a golahi a luma.

Lamentations de Jérémie 2:22

Ka baha ta ara man ka baha ta a ngolala te kokwar ga tèlèba. Aman a pats ndzoan Ndo nzi pèc pècèk, ko staɗ a mʼmbel na ɓai, ko staɗ nʼnza a nshèffè ɓai. Tengaʼa man i humbat ta a ndav, man i gre ta, ndo mayam ga a ngedas ta.

Ezéchiel 27:3

Tyr man ka gaɗa: lyè ara wurom mbelaʼa, i amba zuraʼa!

Osée 10:14

nguzli var a ngu te kokwar ngaya, a zlazlar nengaʼa nʼngalaʼa ta mbeɗ ta. Ara Shalman-Beth-Arbel a ngedas na a pats var, aman ta keɗa mamaʼa a va wud na,

Osée 13:16

Samarie a ngu malai, a gèɗ man a ga na ma a va a Zhiklè na. Ta da bazl ta a tsakwal. Wudahi wa tengaʼa ta mbatsaha ta a sak, a ta cizlè ngwozi ta man ta a hwaɗ.

Osée 13:8

I kala ta va ara nvalaval man ta helama na wud na, a i cizlèma ta ndav. A kdadihi ta ndiaʼa, a skwi dak a nde ta ma.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 9:16

Zhiklè a ntsu Ephraim. Verzi Ephraim nʼngelaʼa, ta yi wuda azɓai. Ko ta yi wuda, i da bazl ta genè.

Amos 7:17

Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.