Osée 5:4 - Ma Zhiklè

⁴ Ka Ephraim, ka gu mphömè; a Israel a nlizhè va na. Skwi man ta giaʼa a va ta civèɗ a ta menkada deɓa a sam Zhiklè tenga ɓai. Aman mèzhèɓ mphömè a nʼnga ta, a ta sun Ndo nzi pèc pècèk ɓai.

Osée 5:4 Iomraidhean Croise

Psaumes 78:8

a ta gi azɓai ara babhi tengaʼa man ta gu mèdègèɗ a ta tsena gèɗ ɓai, verzi ndohi man ta mana ndav ta ɓai, man mèzhèɓ tengaʼa nlèɓèslèa a sam Zhiklè ɓai.

Psaumes 9:10

Gar haha Ndo nzi pèc pècèk hwaɗ zlazlar ndo man ta ga na matakwan, hwaɗ zlazlar a pats mwuɗitpa.

Jérémie 24:7

I da va ta ndav, aman ta senyè, i Ndo nzi pèc pècèk. Ta da gi a ndohi ga, a iyè, i ndi a Zhiklè ta, a ta da menkaɗa deɓa a sam ga a ndav tengaʼa tèlèba.

Jérémie 50:38

Iyam nengaʼa da gwor na, da she na! Aman kokwar haha, kokwar mʼmbèh skwai, skwi horai a pa ta a pa a ndav.

Jérémie 9:24

Aman ndo man a woya a nfi va, da fu va a géɗ skwi haha: aman a hér maya, aman a senyè. Aman iyè i vi pombai, i gi kita nzuraʼa a géɗ herkeda. Aman skwi haha ambahayè, Ndo nzi pèc pècèk a gaɗa.

Jérémie 9:6

Ta gi skwi a wuɗi a ma ma, ta cèkèl ma a ma ma, ta woy a ta senyè ɓai, Ndo nzi pèc pècèk a gaɗa.

Osée 13:13

A da ɗishèʼa ara ngwoz man a yi kra. Nengaʼa ara kra man a woykaɗ na auda tʼhwaɗ mam na ɓai.

Osée 4:1

Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Osée 4:11

Mphömè, zom, a skwi nsi mɓeslaʼa ta zedama na maya a ndo.

Osée 4:12

Ndohi ga ta jhèɗè maya a sam mblom, a ta shin skwi te gada mʼmbèh skwai. Mèzhèɓ mbèh skwai a zlakede ta, a ta jèkeda Zhiklè tengaʼa.

Osée 4:14

I woy a i gi kita a sam dalahi kine a géɗ mphömè tengaʼa azɓai, a i gi kita a géɗ dalahi ngwozi kinè man ta jèkeda baki ta azɓai, te man ndohi mvi skwi a Zhiklè ta bizhè zlawa a nda fali dalahai, a ta mbèh skwai a nda golahi man ta gi mphömè a nda ta. Ndohi man ta sun maya ɓai ta zi ta.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Osée 7:11

Ephraim nara nkuɗhom man a hér skwa azɓai, man maya na azɓai. Ta bahka ta ndohi Egypte, to do a sam ndohi Assyrie.

Osée 8:11

Ephraim a ngau sam mvi skwi a Zhiklè kumba, a ta gi mali a samaʼa.

Jean 16:3

Skwi ar haha ta da giaʼa, te man ta sun Bab ga ɓai, a ta senyè ɓai, cèw ba.

Jean 8:55

Kin sun nengaʼa ɓai. Aman iyè, i sun nengaʼa. Aman i gaɗa: I sun nengaʼa ɓai, i ndo ncèkèlma, lèmèlèmè ara kinè. Aman i sun nengaʼa, a i fi gèɗ a ma nengaʼa.

I Samuel 2:12

Wudahi Eli, ndohi falihai. Ta fa na gèɗ a Ndo nzi pèc pècèk azɓai,