Osée 5:1 - Ma Zhiklè

¹ Kinè ndohi mvi skwi a Zhiklè, va-tsena ma haha! Ndohi gi Israel, vagu maya! Ndohi nte gi bai, va-fu zlembaɗ, kita kinè a zhè. Kin gaʼa a gadda sam Mitspa, a ɓalai a sam Thabor, a géɗ mphömè kinè, kin kala drav.

Osée 5:1 Iomraidhean Croise

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 13:18

Gada ta nda hai a mam na: Va-nze kinè, aman skwi mpèɗè gèɗ bi mbelaʼa nkalkaɗ na auda te gèɗ kinè ma.

Jérémie 46:18

Ara man i zhè, bai a gaɗa, bai man nzlembaɗ na Zhiklè bi mbiaʼa, man wuɗi na zhè ara Thabor te va zahai, ara Carmel a géɗ iyam: i shkè.

Osée 10:15

lèmèlèmè i da ga kinè, ndohi gi Israel, a géɗ shèwa kinè mbiaʼa. A prèk te gai, ta da keɗa bi Israel langa.

Osée 13:8

I kala ta va ara nvalaval man ta helama na wud na, a i cizlèma ta ndav. A kdadihi ta ndiaʼa, a skwi dak a nde ta ma.

Osée 4:1

Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Osée 6:9

Nhèyè-va ndohi mvi skwi a Zhiklè lèmèlèmè ara nhèyè-va metsarhai, man ta pi va a ndohai. Ta keɗa ndo a civèɗ ndè Sichem a ta gi skwi horai.

Osée 9:8

Ephraim a pi va a ndo nhadka ma. Ndo nhadka ma a civèɗ nengaʼa tèlèba nara votok man ta gshè ɗiakihi a vna. Shèwa a zhè te gi Zhiklè na.

Joel 1:2

Kinè ndohi nhalaʼa, va-tsena ma haha! Kinè ndohi kokwar tèlèba, va-fu zlembaɗ! Skwi man a gi a sam kinè a haha, ngu a sam kinè pats ngiɗè ma ɗè, ɗè a sam babhi kinè ngu ar haha ɗè?

Amos 3:1

Va-tsena ma haha, man Ndo nzi pèc pècèk a goɗ a géɗ kinè, ndohi Israel, a géɗ ndohi te verzi kinè tèlèba, man i helka ta auda te kokwar Egypte.

Amos 7:9

Mblomhi a géɗ za man a Isaac, a sam mʼmbèh skwai man a Israel, i da gedas ta. A i da bazl ta ndohi Jéroboam a tsakwal.

Michée 3:1

I gaɗa: Kinè tsuvomhi Jacob, kinè mbibihiaʼa te Israel, va-tsenaʼa! Kin sun ma kita ka ɓi ɗè?

Michée 3:9

Kinè tsuvomhi ndohi Jacob, kinè mbibihiaʼa te Israel, man ma kita ambaha kinè ɓai, a skwi nsaraʼa kin dzaraʼa tèlèba, va-tsena ma haha!

Michée 7:2

Ndohi nlèɓèslèa ta ndev ta tʼherkeda. Ndo nzuraʼa a te va ndohi ɓai. Tèlè ta woy ta keɗa ndo, ngiɗè a nʼnga na ɓali a hi a kramam na.

Mal. 1:6

Kra a slébèrdè bab na. Ɓèlè a gi zlau babgi na. Aman i bab kinè, kin slebardyè a mè? Aman i bi kinè, kin gi zlau ga te mè? Zhiklè bi mbiaʼa a gaɗa kinè, kinè ndohi mvi skwi a Zhiklè man kin derɗè nzlembaɗ ga. A kin jhèɗèʼa: Nga durɗo nzlembaɗ ngaya te mè?

Mal. 2:1

Anai kinè ndohi mvi skwi a Zhiklè, i fa kinè ma a gèɗ aranta:

Juges 4:12

Ta ngra na Sisera: Barak, kra Abinoam, a nshkè a géɗ za Thabor.

Juges 4:6

A nengaʼa a nzlündo ndo, da baha na Barak, kra Abinoam, te Kédesh-Nephthali, a ngaɗa na: Ndo nzi pèc pècèk, Zhiklè Israel, a njè ka ma a gèɗ: Do a géɗ za Thabor. Helda ndo a verzi ngaya 10.000 te va ndohi Nephthali a ndohi Zabulon.

I Samuel 7:16

A mvi a mvai a shèwèlè a kokwar Bèthel, Guilgal, Mitspa, a nʼnga ta kita a ndohi Israel te kokwar haha tè-lèba.

I Samuel 7:5

Samuel a ngaɗa: Va-ɓic ta ndohi Israel tèlèba te kokwar Mitspa! I woy a i tsi ri a Ndo nzi pèc pècèk a gèɗ kinè.

I Samuel 7:6

A ta ɓica va te kokwar Mitspa, ta gudz iyam, a ta badahai a sam Ndo nzi pèc pècèk, a ta jèkeda skwi nʼndai a pats nasa, a ta gaɗa: Nga gu malai a sam Ndo nzi pèc pècèk. A Samuel a nʼnga ta kita a ndohi Israel te kokwar Mitspa.