Osée 4:1 - Ma Zhiklè

¹ Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Osée 4:1 Iomraidhean Croise

I Rois 22:19

A Michée a goɗ a vaʼa: Tsena ma Ndo nzi pèc pècèk a vaʼa di mènè! I rka Ndo nzi pèc pècèk, nʼnza a géɗ sam nʼnzi bi nengaʼa, a golahi var Zhiklè tèlèba ta zlatsa a tsagi nengaʼa, te civèɗ ri mandi ba, te civèɗ ri gula ba.

Psaumes 81:9

Ndohi ga, va-fu zlembaɗ, i woy a i ngatsa kinè maya! Israel, aman agassa ka woy a ka tsena ma ga!

Esaie 1:10

Kinè bihi Sodome, va-tsena ma Ndo nzi pèc pècèk! Kinè ndohi Gomorrhe, vafu zlembaɗ a ma kita Zhiklè nga!

Esaie 1:18

Anai vo-washkè, a ngotsommokoy ma, Ndo nzi pèc pècèk a gaɗa. Aman ma-lihi kinè nduzoʼa ara vèvèzh, ta da gi a nslekaɗaʼa ara gogumai. Aman nteva, ta da ngwod ta ara gwots tambak.

Esaie 28:14

Gar haha, va-tsena ma Ndo nzi pèc pècèk, kinè ndohi ngwossaha Zhiklè, man kin kwor ta ndohi te kokwar Jerusalem!

Esaie 34:1

Vo-washkè, kinè kokwar-bihai, va-tsenaʼa! Kinè ndohi herkeda, va-fu zlembaɗ! Herkeda a ndohi a géɗ herkeda, herkeda kerpaʼa a skwi nftsa a pa tèlèba, va-tsenaʼa!

Esaie 34:8

Aman pats mpil gèɗ Zhiklè a mshkè, a ta pela na gèɗ, ndohi nʼnga na ndzoan a Sion.

Esaie 5:3

Anai, ndohi te kokwar Jérusalem, a kinè ndohi Juda, va-ngela nga kita nga a gi wof barassa ga.

Esaie 59:4

Ndo man a pin ndo a gèɗ skwi man a ngu gokwèn, azɓai. Ndo man a dè kita a géɗ skwi nzuraʼa, azɓai. Ta fi gèɗ a skwi man civèɗ ka ɓai; ta zli ma, mali tʼhwaɗaʼa, ta yi ncèkèlma.

Esaie 59:8

Ta sun civèɗ gumi ɓai. Ngi-zuraʼa az a civèɗ tengaʼa ɓai. Ta bizhè a civèɗ ndzaraʼa, ndo man a dè a pa, a sun gumi ɓai.

Esaie 66:5

Kinè man kin gi zlau ma Zhiklè, va-tsena ma Ndo nzi pèc pècèk! Kramamhi kinè man ta gi shèwa a kinè, man ta kwol kinè a gèɗ nzlembaɗ ga, ta gada: Ndo nzi pèc pècèk da ngreda nʼnjèl na, a nga humda a mwuffè kinè! Aman ta dá ngècè hori a dai.

Jérémie 11:7

Aman i mbaɗa ta babhi kinè a ma gèjau te pa, a pats man i helka ta auda te kokwar Egypte, ha patsna, a i mbaɗa ta lèk lèk, a i gaɗa ta: Va-tsena ma ga!

Jérémie 19:3

Goɗ: Kinè bihi Juda a ndohi Jérusalem, va-tsena ma Ndo nzi pèc pècèk! Zhiklè bi mbiaʼa, Zhiklè Israel, a goɗ ar haha: i da geda matakwan a sam nta, ko wawa man a tsenaʼa, a woya a mpizlè zlembaɗ na.

Jérémie 2:4

Va-tsena ma Ndo nzi pèc pècèk, ndohi gi Jacob, a kin tèlèba, man kinè te verzi Israel!

Jérémie 2:9

Gar haha nga da verslè a kinè a ma ma dai, Ndo nzi pèc pècèk a gaɗa.

Jérémie 25:31

Wobau kala a verzi herkeɗa ma: Ndo nzi pèc pècèk a gi kita a ndohi herkeda ma, a hin kita a géɗ ndohi tèlèba. Ndohi ambaɓihiaʼa, a pe ta a ma tsakwal, Ndo nzi pèc pècèk a goɗ ar haha.

Jérémie 34:4

Sédécias, bi Juda, tsun ma Ndo nzi pèc pècèk genè! Ndo nzi pèc pècèk a goɗ a géɗ ngaya: Ka da metsi te ri tsakwal azɓai,

Jérémie 4:22

Ndohi ga, maya ta azɓai, ta senyè ɓai. Ndohi nrzlaʼa, madaɗauhai. Maya ta zhè a géɗ skwi man ambaɓai; a skwi man amba ta sun ngia ɓai.

Jérémie 4:28

Herkeɗa a da lèyè, giɗfèk a da madz na te géɗèʼa. Iyè a ngoɗa, i basla na gèɗ a va, i mindè ma ga a deɓa azɓai, i ngwèdè gèɗ ga azɓai.

Jérémie 5:4

A i hur i gaɗa: Mbelaw ndohai, ta rzla, a géɗ man ta sun civèɗ Ndo nzi pèc pècèk ɓai, ta sun kita Zhiklè tengaʼa ɓai.

Jérémie 51:5

Aman Zhiklè Israel a Juda, Zhiklè bi mbiaʼa, a jèkeda kokwar ta a gèɗ ta ɓai, ko herkeda tengaʼa nʼndha a malai a sam Zhiklè Israel nkezlaʼa.

Jérémie 6:13

Ta woy sulai, ko nkèshèʼa, ko mbiaʼa, ko ndo nhadka ma, ko ndo mvi skwi a Zhiklè, ta gi ri tèlèba.

Jérémie 7:28

Ka da gaɗa ta; na haha ndohi herkeda man ta woy a ta tsena ma Ndo nzi pèc pècèk, Zhiklè tengaʼa ɓai, ta cè azɓai man a ngatsa ta maya. Ma nzuraʼa azɓai, ma nzuraʼa a te ma ta ɓai.

Jérémie 9:20

Kinè ngwozai, va-tsena ma Ndo nzi pèc pècèk, va-fu zlembaɗ a ma man a shkè auda te ma na, va-slebda ta ntsi lalau a dalahi kinè, ngiɗè da slebda na ntsi nguzlah a ngiɗè.

Jérémie 9:3

Nèʼèn ta mwosla a ncèkèlma, skwi nzura ka ɓai a gi bi te kokwar. Ta gu mali a ma ma, a ta senyè ɓai, Ndo nzi pèc pècèk a gaɗa.

Jérémie 9:7

Gar haha Zhiklè bi mbiaʼa a gaɗa: I woya a i wosl ta ara züdo, a i jkede ta. I slaha a i gi skwi ngiɗè a géɗ ndohi ga dè?

Ezéchiel 16:35

Gar haha, fali dam tsena ma Ndo nzi pèc pècèk!

Osée 12:2

Ephraim a gshè va a kozlar, a hi a verzi kozlar civèɗ mvèng pats. Ta cèkèlma a ta gi metsar a ma ma. Ta derzla ma ta a ndohi Assyrie a ta da mbar a Egypte.

Osée 12:3

Ndo nzi pèc pècèk ta verslè a Juda, a da ga na Jacob ara skwi man a gau.

Osée 5:1

Kinè ndohi mvi skwi a Zhiklè, va-tsena ma haha! Ndohi gi Israel, vagu maya! Ndohi nte gi bai, va-fu zlembaɗ, kita kinè a zhè. Kin gaʼa a gadda sam Mitspa, a ɓalai a sam Thabor, a géɗ mphömè kinè, kin kala drav.

Osée 5:4

Ka Ephraim, ka gu mphömè; a Israel a nlizhè va na. Skwi man ta giaʼa a va ta civèɗ a ta menkada deɓa a sam Zhiklè tenga ɓai. Aman mèzhèɓ mphömè a nʼnga ta, a ta sun Ndo nzi pèc pècèk ɓai.

Joel 1:2

Kinè ndohi nhalaʼa, va-tsena ma haha! Kinè ndohi kokwar tèlèba, va-fu zlembaɗ! Skwi man a gi a sam kinè a haha, ngu a sam kinè pats ngiɗè ma ɗè, ɗè a sam babhi kinè ngu ar haha ɗè?

Amos 3:1

Va-tsena ma haha, man Ndo nzi pèc pècèk a goɗ a géɗ kinè, ndohi Israel, a géɗ ndohi te verzi kinè tèlèba, man i helka ta auda te kokwar Egypte.

Amos 7:16

Anai fu zlembaɗa ma Ndo nzi pèc pècèk: Ka, ka gaɗa: ka hod ma a géɗ Israel ɓai, a ka goâ ma a géɗ ndohi te gi Isaac ɓai!

Michée 6:2

Zahai, va-tsena mversl ma Ndo nzi pèc pècèk, verzi herkeda, fu zlembaɗ! Aman Ndo nzi pèc pècèk a virslè a ndohi na, a gi kita ndohi Israel.

Jean 8:55

Kin sun nengaʼa ɓai. Aman iyè, i sun nengaʼa. Aman i gaɗa: I sun nengaʼa ɓai, i ndo ncèkèlma, lèmèlèmè ara kinè. Aman i sun nengaʼa, a i fi gèɗ a ma nengaʼa.

Romans 1:28

Arsa, a géɗ man ta huro nshin Zhiklè, skwi ambalai, Zhiklè a njèke ta a ri a maya tengaʼa ambaɓiaʼa, a ta gi skwi horai.

1 Corinthians 15:34

Va-ciɗa di zuraʼa, kin gu mali ɓai! Aman matrhiaʼa ta sun Zhiklè ɓai. I gaɗa kinè ma haha, aman i pa kinè hori a dai.

Apocalypse 2:11

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, skwa a da dza na a sam mʼmetsi macecèwaʼa azɓai.

Apocalypse 2:29

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè.