Osée 3:4 - Ma Zhiklè

⁴ Ndohi Israel ta da nzi a vata, bi ta azɓai, kra-bi ta azɓai, skwi man ta zli a Zhiklè azɓai, sam mvi skwi a Zhiklè azɓai. Ephod a Teraphim azɓai.

Osée 3:4 Iomraidhean Croise

Genèse 31:19

Laban a mdo aman a ndè zli gwots tambakhi na. A Rachel a mco vri bab na a metsar.

Genèse 31:34

Aman Rachel a mco, a mfeda a hwaɗ wurom zlugumai, a nʼnza na a deɓa. A Laban a mwuzhè gi tèlèba, a nʼngatsa ɓai.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

II Samuel 6:14

David a gècè a wuɗai a sam Ndo nzi pèc pècèk; a maslaka Ephod ntsentsai a ntseda hwaɗ.

II Rois 23:24

A ndohi vrai, a ndohi mpi kwa, a Theraphimhai, a skwi mʼmbèh skwi ambaɓihiaʼa, a skwi hori tèlèba man a zhè te kokwar Juda, te Jérusalem tèlèba, Josias a nzeda, a njèjèr ma kita man a Windo te ɗèlèwèr man Hilkija, ndo mvi skwi a Zhiklè, a nʼngots te gi Zhiklè.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

Exode 28:4

Maslaka haha sèi ta giaʼa. Maslaka ara limbèt, Ephod, sajibèr, a gadabu maslaka, mpèdè gèɗ, a skwi deɓa. Da ga ta maslaka nkezlahiaʼa a Aaron, kramam ngaya, a wudahi nengaʼa, aman a gi a ndo mvi skwi a Zhiklè.

Exode 28:6

Ephod sèi ta gi a guro, a maslaka mʼmadzaʼa, a nduzoa a vèvèzh, a maslaka ntsentsai, ara ndo man a sun ntsi maslaka a tsiaʼa.

Lamentations de Jérémie 2:9

Ntamagi kokwar ta preka ta auda, a skwi mɓèr ntamagai mpasl na. Bai a wud bihi tengaʼa ta te ndev ndohi nte deɓa; ma kita azɓai; ko ndohi nhadka ma ta ngècè nshunè te ri Ndo nzi pèc pècèk azɓai.

Ezéchiel 19:14

Vogwa a shkè auda te ri wof, a za a nʼndeda wud ri wof a nyi wof nengaʼa a ma. Ri wof mbiaʼa az a sam wof bai, gaɗa bi azɓai. Nasa nguzlah man ta tsiaʼa.

Ezéchiel 20:32

Skwi man kin hur te gèɗ kinè a da gi azɓai, man kin, gaɗa: Nga woy a nga nzi ara ndohi nte deɓa ngiɗè, a nga slébèrdè wof a kwa.

Ezéchiel 21:21

Nzuma wètètèʼa a sam tèlèba, a gu ngwoda va auna ngwoda va auna.

Ezéchiel 21:31

Bi Zhiklè a goɗ ar haha: Feda mpèɗè gèɗ a hai, ce na mpèɗè gèɗ auda te gèɗ! Skwa da nza a gèɗ bai! Skwi tʼhai do do a géɗèʼa! Skwi nte géɗèʼa da shkè a hai, a i woy a i mbeda kokwar, i mbeda mʼmbedè.

Daniel 11:31

Ndohi var nengaʼa ta zhè, ta da derâa sam nkezlaʼa ngedeng-gedengaʼa, ta jèkeda mvi skwi a Zhiklè pèc pècèk, a ta hinè ngédèshè skwai a maya man a ndèrè a ndo.

Daniel 12:11

A hinè a pats man ta jèkeda mvi skwi a Zhiklè lèk lèk, ha pats ngédèshè skwai a maya man a ndèr a ndo, mʼmèn 1.290 nte ndevaʼa.

Daniel 9:27

A da derzlè ma zuraʼa a nda ndohi kumba, luma staɗ; tʼhwaɗ luma a gaɗa aman ta jèkeda mvi skwi a Zhiklè. Ndo ngedassa skwai a da gi skwi man a ndèr a ndo holholaʼa, ha skwi man a huro a da gédèshè skwi a vna, a kala na a gèɗ a nengaʼa.

Osée 13:10

Ani bi ngaya man a da mbel ka, tema? Wud bihi ngaya tèlèba, man ta ga ka kita, ta tema? Aman ka gada: Ngatsa nga bai, a wud bihai!

Osée 13:11

Ndav a ndzayè a i va ka bai, a ndav a ndzayè holholaʼa, a i ckoɗauda zaʼa.

Osée 2:11

Gar haha i shkè a pats man dau a zhè, a i cè dau ga a deɓa, aman barassa a zhè, a i cè a deɓa, a i cè gogumi ga a maslaka ga, man a i hur a i da fi a va.

Lèv. 8:7

A mva na suɗkova a va Aaron, a ndzawa na hwaɗ a skwi deɓa, a mva na sajibèr a va, a mʼmanda Ephod a vaʼa a teɓa nengaʼa.

Zacharie 10:2

Théra-phimhai ta gèɗè ma ambalai; ndohi mpi kwa ta cèkèlma. Ta tsena te nshunè, a ta bid ta ndohi a ma ambalai. Te deɓaʼa ndohi ta slambaɗa, a to do a ta zlak ta ara tambakihai, te man ndo nwar ta azɓai.

Zacharie 13:2

A da gi a pats nasa, a i gedassa nzlembaɗ vrihai te kokwar, a ta hér ta asaɓai. Ndohi nhadka ma, a mèzhèɓ ambaɓiaʼa ba, i dzam ta te kokwar, Zhiklè bi mbiaʼa a gaɗa.

Luke 21:24

A ta bazl ta a tsakwal, a ta hel ta, ndzawda, a ndev ndohi herkeda tèlèba, a ndohi nte deɓa ta da gatseda Jérusalem a pa a sak, ha nʼndikèma wuɗi ndohi nte deɓa.

Jean 19:15

Aman tengaʼa ta goɗ a wuɗai: Gezlalaʼa! A Pilate a ngaɗa ta: I gézlèlè bi kinè dè? Bihi ndohi mvi skwi a Zhiklè ta gaɗa na: Bi nga ngiɗè azɓai, sèi César.

Hébreux 10:26

Aman nga gi mali a wuɗai, te deɓaʼa man nga sun ma nzuraʼa ma, nga slaha nga zli skwi a géɗ malihi asaɓai.

Juges 17:5

Mica matsa, gi Zhiklè nengaʼa a zhè, a ngau Ephod a Théraphim, a nfu kra nengaʼa staɗ a ndo mvi skwi a Zhiklè.

Juges 18:14

Ndohi 5 man to do a ta zeɓi kokwar Lais ta hüno a ta gaɗa ta kramamhi tengaʼa: Kin sun ɗè, te gi ngata staɗ, Ephod a Théraphim a skwi mbèh skwai a vrai mviɗa a zhè. Vo-dzhoɗo te pa skwi man kin da giaʼa!

Juges 8:27

A Gédéon a ngau mblom a vna, a mfeda a Ophra, a kokwar nengaʼa, a ndohi Israel tèlèba ta kalahi a deɓ sak nengaʼa, a ta mboh skwi a vna, a nʼnga a skwi man a nslafaɗama ta sak a Gédéon a ndohi gi na.

I Samuel 14:3

Achija, kra Achithub, kramam I-Kabod, kra Phinées, kra Eli, ndo mvi skwi a Zhiklè te Silo, maslaka Ephod a va. Ndohi ta sun a ta gaɗa Jonathan kal na ɓai.

I Samuel 15:23

Ngi mèdègèd, malai lèmèlèmè ara mʼmbèh skwai; a ka tsena gèɗ ɓai, ambaɓi lèmèlèmè ara ngi vrai. A géɗ man ka kwola ma Ndo nzi pèc pècèk, nengaʼa a cèma ka bi ngaya.

I Samuel 2:18

Samuel a ngu mizlinè Ndo nzi pèc pècèk, gèlèɓi kra, a maslaka Ephod, ntsentsai a va.

I Samuel 21:9

Ndo mvi skwi a Zhiklè a ngaɗa: Na haha kafahi gwèsh Goliath, ndo Philistie, man ka keɗaʼa te slrats Térébinthe, na zhè tʼhwaɗ Ephod, mpaha te maslaka. Aman ka woyaʼa, co – ngiɗè asaɓai. David a ngaɗa: Ngar nengaʼa azɓai. Vayè!

I Samuel 22:18

A bai a ngaɗa na Doeg: Sèi ka, ka shkè a ka bazl ta ndohi mvi skwi a Zhiklè. A Doeg, ndo Edom, a mshkè, a mbazl ta ndohi mvi skwi a Zhiklè, a mbazl ta ndohi 85 a pats sa, ndohi a maslaka Ephod a va.

I Samuel 23:6

A pats man Abiathar, kra Achimélec, a mhu a sam David, a mshkè Keila, a maslaka Ephod te rai.

I Samuel 23:9

Aman David a ntsenaʼa, Saul a nhur skwi ambaɓiaʼa sa a géɗ nengaʼa, a ngaɗa na Abiathar, ndo mvi skwi a Zhiklè: Cko Ephod!

I Samuel 30:7

A ngaɗa na Abiathar, ndo mvi skwi a Zhiklè, kra Achimélec: Ckoy Ephod, dakwa! A Abiathar a ncko na Ephod a David.