Osée 2:7 - Ma Zhiklè

⁷ Mam tengaʼa a nʼnde na a fali ngwoz, ko na hwaɗ a hèsh baki ngidè, a ngaɗa: I jèjèr golahi ga man ta vay movar a iyam a gogumi a maslaka a mbar a skwi nsi ga.

Osée 2:7 Iomraidhean Croise

II Chroniques 28:23

A nzlu skwi a zhiklèhi Damas, man ta fa na a gèɗ, a ngaɗa: A géɗ man zhiklèhi bihi Syrie ta takaha ta, i da zla ta skwai, a ta takahayè a iyè ba. Aman ta kaldahai a ta kalda Israel a hai.

Psaumes 116:7

Menkada deɓa, ndav ga, a ka sok va, aman Ndo nzi pèc pècèk a nʼnga ka skwi man amba.

Esaie 30:16

a kin gada: Aʼai! Ngawoy anga hi a deɓ plèsh! Gar haha ndohi mparaha kinè ta hi a verzi kinè.

Jérémie 14:22

Te va zhiklè-hi mbèh skwai ndohi herkeda, man ta gi iyam, a zhi dè? Giɗfek a gi iyam a ri na dè? Ka, Ndo nzi pèc pècèk, Zhiklè nga, ka ɓi dè? Nga zhèrè te ri ngaya; aman ka, ka ngu skwi haha tèlèba.

Jérémie 2:2

Do, njè ta ma a ndohi Jérusalem, a ka gaɗa ta: Ndo nzi pèc pècèk a goɗ ar haha: I hérèʼa, ara man kin woy Zhiklè te wudahai, a kin woy iyè ara medemai: Ara man kin dzadzarkayè tʼhèshèkèɗ, te herkeɗa man skwa a gi a pa azɓai.

Jérémie 2:28

Zhiklèhi ngaya man ka ram ta, ta tema? Da slambaɗa, da takaha ka a pats matakwan ngaya! Ara man kokwar ngaya kumba, zhiklèhi ngaya ba kumba, kokwar Juda!

Jérémie 2:36

Ko do dra, a ka jèkeda civèɗ ga, èhèmè? Ko Egypte a da pa ka hori a dai, lèmèlèmè ara Assyrie a ngau.

Jérémie 3:1

Zhiklè a gaɗa: Ndo man a kwola ngwoz na, a dè ngwoz a gi ndo ngiɗè, a slaha a ncè a deɓa a ngwoz na ɗè? Ngwoz matsa mphoma. Aman ka, Israel, ka woy baki tsaɗ tsaɗ, a ka slaha ka shkè a deɓa a sam ga dè?

Jérémie 31:18

I tsena Ephraim man a kuɗai: Ka gay ndzoan, ka tsyè ara zlè, ara ndo mizlinè ka ɓai. Ngwodkoy ndav ga, a ndav ga nʼngwoda, te man ka Ndo nzi pèc pècèk, Zhiklè ga.

Jérémie 31:32

Nderzlè-ma lèmèlèmè ara man a babhi ta ka ɓai, a pats man i hel ta, a i de ta auda te kokwar Egypte, tengaʼa man ta dzodzor nderzlè-ma ga ɓai, ko i bi ta, Ndo nzi pèc pècèk a gaɗa.

Jérémie 44:17

Nga woy a nga gi skwi tèlèba man a shkè auda te ma nga, nga gaɗa: nga vi skwi a pats te giɗfèk, a nga va na skwi nga, ara man nga gau, nga a babhi nga, bihi nga, wud bihi nga te kokwar Juda, a civèɗ Jérusalem, te va man movar a ngeza nga, nga wuffè, a nga sun matakwan ɓai.

Ezéchiel 16:18

Ka hul maslaka ntsentsi ngaya, a ka pa ta a va, ka ndara ta mbar a ɓurdi ga.

Ezéchiel 16:8

A i beza a tsagi ngaya zaʼa, a i rka tiɗè sam man ta tsaka ka di ma, i kalda dawar ga a géɗ ngaya, a i nghede ka, man ka adai, a i mbaɗa ka, a nga derzla ma a ka, a ka gaʼa a skwi ga, Bi Zhiklè a gaɗa.

Ezéchiel 20:32

Skwi man kin hur te gèɗ kinè a da gi azɓai, man kin, gaɗa: Nga woy a nga nzi ara ndohi nte deɓa ngiɗè, a nga slébèrdè wof a kwa.

Ezéchiel 23:12

A ntétüko ndohi Assyrie, bihai a mbibihiaʼa, ndohi var, a maslaka mbelaʼa a va, ndohi plèsh a deɓ plèsh, golahi mbelahiaʼa tèlèba.

Ezéchiel 23:22

Gar haha Oholiba, Bi Zhiklè a gaɗa: I woy a i poko ta gèɗ auda a ndohi man ka gu mphömè a nda ta, man ta ngezla ka a gèɗ, a i bahka ta a sam ngaya te sam tèlèba:

Ezéchiel 23:4

Nzlembaɗ tsuvomaʼa Ohola. Oholiba, demam na. Ta ara dalahi ga, a ta yu wudahi a dalahai. Nzlembaɗ ta Ohola, ara Samarie; a Oholiba ara Jérusalem.

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 4:25

Ndohi ta da kwol ka, a ka da nzi a va skwi dakhai. Ka da ndi mandai ara zlè. Minmèn a gi a iyam ngaya. A ka nzi aranta mvi tsaraɗ, ha ka suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 4:32

Kokwar-bi ngaya, i cedama te ri ngaya! Ndohi ta kwol ka, ka nzi a va skwi dak, ka ndi mandai ara zlè, ha mvi tsaraɗ klèng, ha ka suna, Zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 5:21

Ndohi herkeda ta kwolaʼa, ndav nengaʼa a ngau lèmèlèmè ara ndav skwi dak, a nʼnza a va skwi dak, a nʼndau mandai ara zlè, minmèn te zhiklè a nfu a iyam nsi nengaʼa, ha a suna, Zhiklè te géɗèʼa a nʼngots wuɗai a gèɗ kokwar-bi ndohai, a nfeda ndo man a woyaʼa a bai.

Osée 1:2

Ma man Ndo nzi pèc pècèk a gaɗa na Osée nshèlèkuraʼa: Do a ka co fali ngwoz a ngwoz ngaya, a ka da yu fali wudahi te pa! Aman a vava kokwar a nʼngwode na ara fali ngwoz, a njèkeda Ndo nzi pèc pècèk.

Osée 13:6

Aman ta ngots skwi nʼndai, a ta ngeza, ta gre gèɗ ta, i pca ta a gèɗ.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 2:16

A géɗ nengaʼa i da pètèda hèshèkèɗ, i da njè na ma a gèɗ te pa.

Osée 5:13

Aman Ephraim a rka matakwan nengaʼa, a Juda a rka mblè nengaʼa. Ephraim a mdo a kokwar Assyrie, a nzlündo ndo sak a sam bi Jareb. Aman nengaʼa a slaha a mbel kinè azɓai, a mblè a pkwè a pa azɓai.

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.