Osée 2:23 - Ma Zhiklè

²³ A pats nasa i da mbeɗa ta a ma te zhiklè te géɗèʼa, Ndo nzi pèc pècèk a gada; a tengaʼa ta da mbeɗkay a ma tʼherkeda.

Osée 2:23 Iomraidhean Croise

Psaumes 118:28

Ka Zhiklè ga, i woy a i shida ka gèɗ. Bi Zhiklè ga, i woy a i nzal ka.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 68:31

Guvo skwi te va gozlolo, rèwè marihi ngaya, tsuvom ndohai, aman ndohi man var ambaha ta, ta gi ɓèlè, a maslaka verzhègenè a guro a va!

Psaumes 72:16

Dau da ndev te kokwar ɓai! A géɗ za ba, skwi da gu a pa, lèmèlèmè ara man a gi te Liban! Kokwarhi mbibihiaʼa ta da dai lèmèlèmè ara kuza a gèɗ herkeda.

Cantique des Cantiques 2:16

Kra ndo ga a ga ga, a iyè a nengaʼa; nengaʼa a wèr skwi te dak bèmbèzl.

Esaie 44:5

Ngidè a da gaɗa: Iyè a Ndo nzi pèc pècèk! Ngidè a da cè nzlembaɗ Jacob. Ngidè ba a da windè a deɓ ri nengaʼa: Iyè a Ndo nzi pèc pècèk. A ta va na nshibèn nengaʼa Israel.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 30:22

Kin da gi a ndohi ga, a iyè, i gi a Zhiklè kinè.

Jérémie 31:27

Ndo nzi pèc pècèk a gaɗa: Patsaʼa a di a shkè, man i da zleki te Israel, te Juda, tser ndo, tser skwi dak.

Jérémie 32:38

Ta da ndi a ndohi ga, a iyè i gi a Zhiklè ta.

Jérémie 33:26

a i slaha a i kwèl ndohi te verzi Jacob a David, ɓèl ga, a i hil bihi te verzi ndohi ngiɗè de, a ta gi bi a géɗ verzi Abraham, Isaac a Jacob? Aman i da helka ta a deɓa te bèlè, a ta da siyè te va.

Ezéchiel 36:29

I da pan kinè skwi nlizhèʼa auda a va tèlèba, i cko dau a hai a gi a vata, a mi a ga kinè asaɓai.

Osée 1:6

A nʼngots kra zaʼa, a myu demaʼa. A ngaɗa na: Va na nzlembaɗ na Lo-Ruchama (i woya ɓai, a siyè te va asaɓai); aman Israel a da siyè te va a ma ma asaɓai, i da pra ta mali asaɓai.

Osée 8:2

Ta bèhè a sam ga: Zhiklè ga, nga sen ka, nga ndohi Israel!

Zacharie 10:9

I venda ta gèɗ a va ndohi herkeda; aman a sam ndraʼa ta héryè, ta da gra wudahi tengaʼa, a ta da shkè a deɓa a ngwai.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Zacharie 14:16

Njèkèɗi ndohi herkeda tèlèba man ta gu var a Jérusalem, a mvi a mvai ta da shkè, aman ta tsi ri a Bi Zhiklè, Zhiklè bi mbiaʼa, a ta gi ngolala te godzovok.

Zacharie 14:9

Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Romans 3:29

Bi Zhiklè, sèi Zhiklè ndohi Juif ɗè? Zhiklè ndohi herkeda nte deɓa ba ka ɓi ɗè? Halau, Zhiklè ndohi herkeda nte deɓa ba.

Jacques 1:1

Iyè Jacques, ɓèl Zhiklè, ɓèl Bi Yèsu Kristi, a sam verzi ndohi Zhiklè 12, man ta ksar ta. I ga kinè mbalai!