Osée 14:1 - Ma Zhiklè

¹ Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 14:1 Iomraidhean Croise

II Rois 8:12

Hazael a ngaɗa: Bi ga a kuɗi èhèmè? A gada: I sun skwi man amɓaɓi man ka da ga ta ndohi Israel. Kokwarhi nʼngalaʼa te pa, ka da fa na vogwa. Golahi tengaʼa ka da bazl ta a tsakwal, wudahi tengaʼa ka tseda ta gèɗ, ngwozi tengaʼa man ta a hwaɗ, kra tengaʼa ka cizlkoɗauda tʼhwaɗ.

Esaie 19:22

Ndo nzi pèc pècèk a da tse ta ndohi Egypte; a da tse ta, aman a da mbel ta zaʼa. A ta menkaɗa deɓa a sam Ndo nzi pèc pècèk, a nengaʼa a cè ma tengaʼa, a mbel ta.

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 4:1

Ndo nzi pèc pècèk a gaɗa: Israel, aman ka shkè a deɓa – aman ka shkè a deɓa a sam ga, aman ka wusheda mʼmbèh skwi ngaya aussa, ar ka hi a iyè asaɓai.

Lamentations de Jérémie 5:16

Mpèdè gèɗ nga nkal na hai. Woba nga a gèɗ man nga gu malai!

Ezéchiel 16:46

Demam ngaya tsuvomaʼa, Samarie a dalahi na man ta nza a tsagi ngaya te civèɗ ri gul ngaya. Sodome, demam ngaya ntabawaʼa, a dalahi na, man ta nza a tsagi ngaya, te civèɗ ri mandi ngaya.

Ezéchiel 33:11

Gada ta: ara man a vava i zhè, Bi Zhiklè a gaɗa: ambahay bai, aman ndo ambaɓiaʼa a metsi na; aman i woya ndo malai a menkada deɓa te civèɗ na, a nzi a nshèffè. Va-menkada deɓa, Va-menkada deɓa te civèɗ kinè man ambaɓai! Kinè ndohi Israel, kin woy a kin metsi kinè èhèmè?

Ezéchiel 33:14

Aman i gaɗa na ndo ambaɓiaʼa: Sèi ka metsi ngaya! A nengaʼa a njèkeda mali na, a gi skwi nzuraʼa te ngi-zuraʼa,

Osée 10:12

Va-zlekau ngizuraʼa, va-ɓüco skwi te mwoy-ndo! Va-slebau skwi mɓuaʼa! Tidè sama ma, aman kin woy Ndo nzi pèc pècèk, a nengaʼa a shkè, a va kinè ngi-zuraʼa ara iyam.

Osée 12:6

Ndo nzi pèc pècèk, Zhiklè bi mbiaʼa, nasa nzlembaɗ nengaʼa.

Osée 12:8

Ephraim a nʼngwoda ndo te nlivè skwai, a woy a ndi ndo te pa.

Osée 13:9

I da gedas ka, Israel nda takaha ka wa?

Osée 4:8

I da ngwoda nʼnjèl tengaʼa a horai. Ta ndi skwi mali man ndohi ga ta zliaʼa; ntétékè ta a de ta a sam malai.

Osée 5:5

Nfi va Israel a nʼngwoda ta va a gèɗ. Israel a Ephraim ta kalahi a géɗ mali ta.

Osée 6:1

Vo-washkè, ngo-munokoy a deɓa a sam Ndo nzi pèc pècèk! Nengaʼa a ncizl nga, a da mbel nga. A tse nga, a da mana nga mblèʼa.

Osée 9:13

I pu di a géɗ Ephraim tèlèba, nʼngaʼa a sam mbelaʼa. Aman Ephraim a di a hel ta wudahi nengaʼa auda a sam ndohi nkeda ndo a ri na.

Osée 9:7

Pats kita a mshkè ma, pats mpil gèɗ a mshkè ma. Ndohi Israel ta da suna. Ndo nhadka ma a nrzl na a pa. Ndo man Mèzhèɓ Zhiklè te ndav na, a nyakedama na gèɗ. A géɗ mali ngaya man kumba, kita ba a gi mbiaʼa.

Amos 1:13

Ndo nzi pèc pècèk a goɗ ar haha: A géɗ mali ndohi Ammon man a gi makar, a gi faɗ, i méndè kita a deɓa azɓai, a géɗ man ta cizla hwaɗ ngwozi te Galaad, man ta a hwaɗ, a ta herdaha kuma kokwar a deɓa arsa.