Osée 13:6 - Ma Zhiklè

⁶ Aman ta ngots skwi nʼndai, a ta ngeza, ta gre gèɗ ta, i pca ta a gèɗ.

Osée 13:6 Iomraidhean Croise

Néhémie 9:35

Ta ga maya a sam ngaya bai te kokwar-bi tengaʼa, ko ta wal ta kumba a skwi man ka va ta. Ko ka va ta kokwar mbiaʼa nɗuzoʼa, ta ga mizlinè ngaya ɓai, a ta jèkeda skwi ambaɓiaʼa tengaʼa ɓai.

Psaumes 10:4

Ndo ambaɓiaʼa a hér gèɗ nfi va, a gaɗa: kita azɓai, Zhiklè azɓai.

Proverbes 30:9

man ɓai, man i wèl va, i da ga ka ri a gèɗ a i gaɗa: Zhiklè tema? Man ɓai, man i tawassa, i da gi metsar, a i gi mali a sam nzlembaɗ Zhiklè.

Esaie 17:10

Aman Zhiklè, man a mbel ka, mpca ka a gèɗ. Za man ka slaha ka nghédè va a pa, ka hera ɓai. Gar haha ka gi gi lak a zhiklè mbèh skwi ngaya, a ka geda wof zhiklè mbèh skwi ngiɗè a pa.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Ezéchiel 23:35

Gar haha Bi Zhiklè a gaɗa: A géɗ man i pca ka a gèɗ, a ka kaldyè a deɓa, sèi ka cè hori mphömè ngaya, a skwi ngaya nlizhèa.

Ezéchiel 28:5

A géɗ man ka gu gani a maya mbiaʼa, ka ngots skwi mèshèlè a ma ma, ndav ngaya a fi va a géɗ skwi mèshèlè ngaya.

Osée 10:1

Israel ara wof te gi lak mbelaʼa, man a yi wuda kumba. Ara man a yu wuda a ta mènè a ma ma, ta gu vri kumba. Ara man herkeda ta, ntila a ma ma, ta tila skwi mbèh skwi tengaʼa a ma ma.

Osée 12:8

Ephraim a nʼngwoda ndo te nlivè skwai, a woy a ndi ndo te pa.

Osée 2:13

I da gedassa mwuffe nengaʼa tèlèba, a ngolala nengaʼa, a ngolala kia, a pats nshèk va na, a ngolala mbiaʼa tèlèba.

Osée 2:7

Mam tengaʼa a nʼnde na a fali ngwoz, ko na hwaɗ a hèsh baki ngidè, a ngaɗa: I jèjèr golahi ga man ta vay movar a iyam a gogumi a maslaka a mbar a skwi nsi ga.

Osée 4:6

Ndohi ga ta da gédèsh ta, a géɗ man ta sun maya ɓai. A géɗ man ka kwola maya, i ba i kwol ka, a ka gi mizlinè Zhiklè a sam ga asaɓai. A géɗ man ma kita Zhiklè ngaya mpca ka a gèɗ, aranta ta pcèy a gèɗ ar wudahi ngaya ba.

Osée 4:7

Ara man ta zlèzlèmè a ma ma, ta gi mali a sam ga a ma ma.

Osée 5:14

Iyè a sam Ephraim ara kokoya, a sam ndohi gi Juda ara marizhèlè. Iyè i cizleda pa a i dè ga. I ceda skwi a ma, a mbélè auda te ri ga azɓai.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Osée 8:14

Ndo ngau Israel mpca na a gèɗ, a ta rèm gi bihai. Juda a nrom kokwar mbibihiaʼa a vaʼa a vaʼa. Aman i da fa na vogwa a kokwarhi nengaʼa, a da ndeda gi bihi tengaʼa a ma.

Osée 8:4

Ta fau bai, aman ta dzhaɗyè ɓai. Ta par ta wud bihai, aman i sun ɓai. Ta gu skwi mbèh skwai a ver-zhègenè a guro, aman ta da gédèshè ndohai.

Deutéronome 32:18

Ka hur za a ka gaɗa nengaʼa a ngyè ɓai; a Zhiklè nyaka ka mpca ka a gèɗ.