Osée 12:6 - Ma Zhiklè

⁶ Ndo nzi pèc pècèk, Zhiklè bi mbiaʼa, nasa nzlembaɗ nengaʼa.

Osée 12:6 Iomraidhean Croise

Genèse 49:18

Ndo nzi pèc pècèk, i zhèr skwi mbelyè!

Psaumes 123:2

Lèmèlèmè ara ɓèlèlihi ta peda di a ri babgi ta, lèmèlèmè dem ɓèlè a peda di a mam hucèd na, lèmèlèmè nga pi di a Ndo nzi pèc pècèk, Zhiklè nga, ha nga sia te va.

Psaumes 27:14

Pu ndav a Ndo nzi pèc pècèk! Nza taraʼa, ka gu zlau ɓai! Pu ndav a Ndo nzi pèc pècèk!

Psaumes 37:7

Nza tètè a sam Ndo nzi pèc pècèk, zhor nengaʼa! Ka gu di a ndo man manam a va ɓai, ko a géɗ ndo nʼngwèdè ndo ma ba.

Exode 3:15

A Zhiklè a ngaɗa na Moise a vaʼa: Ka da gada ta ndohi Israel ar haha: Ndo nzi pèc pècèk, Zhiklè bababhi kinè, Zhiklè Abraham, Zhiklè Isaac, Zhiklè Jacob, a nzlindekayè a sam kinè. Nasa nzlembaɗ ga a mèdèp, a i woy a ta bahayè a nzlembaɗaʼa te verzi verzi ndohi tè-lèba.

Proverbes 1:23

Vo-co man i ngatsa kinè maya! Na haha i woy a i bèdè mèzhèɓ ga a gèɗ kinè, a i woy a i ngra kinè ma ga.

Proverbes 21:3

Ngi skwi nzuraʼa, nɗèl skwi nzuraʼa, ambaha Ndo nzi pèc pècèk, a fena skwi man nga va na.

Esaie 1:16

Va-pana va, va-tila va kinè! Va-cè na shèwa kinè auda a sam diga! Va-jè-keɗa malai!

Esaie 30:18

Ko gar haha Ndo nzi pec pecek a zhèrèʼa, a woya a nva kinè pombi genè. A slèmbèɗè, aman kin sia te va. Aman Ndo nzi pèc pècèk, Zhiklè ngi kita nzuraʼa. Mwuffè a sam ndohi tèlèba man ta zhèrèʼa te ndav!

Esaie 31:6

Va-menkaɗa deɓa, ndohi Israel, a sam nengaʼa man kin ga na ri a gèɗ kumba!

Esaie 40:31

aman ndohi man ta pi di a verzi Zhiklè, ta ngècè wuɗi mɓuaʼa. Ta slèmbèɗè a kelpasl ar mangayak, ta hai a ta ngézhè azɓai, ta dè a ntulè a keɗ ta azɓai.

Esaie 58:6

Njèkè skwi nʼndi man ambahayè aranta ka ɓi dè: Man ka pra ta cèlèlèu a ndohi man ta par ta ambalai; ka proko ta wof nkelawa auda te daʼai, ka proko ta ndohi man ta ɓurte ta, a ka paslko ta wof nkelawa te daʼai tèlèba auda.

Esaie 8:17

I zhèr Ndo nzi pèc pècèk, man a ngheda di nengaʼa a sam ndohi gi Jacob, a i pi di a verzi nengaʼa.

Jérémie 22:15

Ka gi bai a géɗ man ka woy gi mbelaʼa ɗè? Bab ngaya a nʼnda skwai, a nsa skwi ɓi ɗè? A wuffè a géɗèʼa. Aman nengaʼa a ngau kita zuraʼa.

Ezéchiel 18:30

Gar haha i da gi kita kinè, ndohi Israel, staɗ staɗ a géɗ civèɗ nengaʼa, Bi Zhiklè a gaɗa. Va-menkada deɓa, va-jèkeda mali kinè tèlèba, man ɓai a de kinè a kita.

Osée 10:12

Va-zlekau ngizuraʼa, va-ɓüco skwi te mwoy-ndo! Va-slebau skwi mɓuaʼa! Tidè sama ma, aman kin woy Ndo nzi pèc pècèk, a nengaʼa a shkè, a va kinè ngi-zuraʼa ara iyam.

Osée 14:1

Israel, men ngaya a deɓa a sam Ndo nzi pèc pècèk, Zhiklè ngaya! Aman ka kalahi a gèɗ mali ngaya!

Osée 4:1

Kinè ndohi Israel, va-tsena ma Ndo nzi pèc pècèk! Aman Ndo nzi pèc pècèk a verslè a ndohi kokwar; ta gèdè ma nzuraʼa te pa azɓai, mwoy-ndo a te pa ɓai, ta sun Zhiklè te kokwar ɓai.

Joel 2:12

Aman ko antanta ba, Ndo nzi pèc pècèk a gaɗa: Va-ngwodko ndav kinè tèlèba a sam ga, va-jèkeda skwi nʼndai, va-kudau, va-gu wobau, kin kuratsa maslaka kinè ɓai, aman va-kuɗu te ndav kinè!

Joel 2:13

Va-menkada deɓa a sam Ndo nzi pèc pècèk, Zhiklè kinè. Nengaʼa, pombi na zhè, ndo a sia te va, a gi ndav tsam-tsam azɓai, ndav na amba, a jèkeda kita man a woya a giaʼa.

Amos 4:13

Aman nengaʼa a ngu za, nengaʼa a ngu kozlar, nengaʼa a ngra na skwi man a hérèʼa a ndo, nengaʼa a ngu gu skwi nhél sam gu ruva, nengaʼa a dè a géɗ za tʼherkeda. Nzlembaɗ na Zhiklè bi mbiaʼa.

Amos 5:24

Aman kita nzuraʼa da gau, ara man iyam a hai, a ngi-zuraʼa da gudkoɗa, ara iyam man a hakaɗai.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Michée 7:7

Aman iyè i woy a i pi di a Ndo nzi pèc pècèk, a i zhèr Zhiklè man a mbelyè. Zhiklè ga a da tsena ma ga.

Habakuk 2:3

Skwi a da rka ka a di a ma dai, ndikèmaʼa a herdeka va, a ngwèdè azɓai. Ko a nzi dai, zhoro! A da gi a vava, a da gi ndèzl.

Sophonie 3:8

Gar haha, va-zhèryè, Ndo nzi pèc pècèk a gaɗa, a pats man i slèmbèɗdè ndo malwuɗai, a i gi kita, a i ɓic ta ndohi herkeda, a i baha ta kokwar-bihai, a i ga ta ndzoan a va, a ndav ga man a dzay worworaʼa, a i gedassa kokwar tèlèba a srak man a ndèr a ndo ara vogwa.

Zacharie 1:3

Gar haha gaɗa ta: Zhiklè bi mbiaʼa a goɗ ar haha: Va-menkaɗa deɓa a sam ga, a i woya a i dè a deɓa a sam kinè, Zhiklè bi mbiaʼa a gaɗa.

Zacharie 7:9

Zhiklè bi mbiaʼa a goɗ ar haha: Va-gu kita zuraʼa, va-gu a ndav amba, a ngiɗè da su ngiɗè te va!

Zacharie 8:16

Va-gu skwi haha! Vo-goɗ ma nzuraʼa, ngiɗè a sam ngiɗè; va-gu kita zuraʼa tè kokwar kinè!

Actes 2:38

A Pierre a ngaɗa ta: Va-ngwoda ndav kinè, va-gu baptême staɗ staɗ tèlèba a nzlembaɗ Yèsu Kristi a mpra mali kinè, a kin ngècè Mèzhèɓ Zhiklè nkezlaʼa.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.

Jacques 2:13

Ndo man ndo a sia te va azɓai, kita ndo man ndo a sia te va azɓai a gshèʼa. Aman nsi ndo te va a fena kita.