Osée 11:9 - Ma Zhiklè

⁹ I woy a i gi ndav a i gi a ndzoan azɓai, i woy a i gedassa Ephraim te deɓaʼa azɓai, te man i Zhiklè, ndo ka ɓai;

Osée 11:9 Iomraidhean Croise

II Samuel 20:10

Amasa a nrka tsakwal te ri Joab ɓai. A Joab a nteza a hwaɗ, a vayats a mshkè auda, a nwush na hi a herkeda, a mʼmets na. A ntuzo staɗ genè. A Joab a Abishai, kramam nengaʼa, ta hu a verzi Shéba, kra Bicri.

Psaumes 46:5

Kokwar Bi-Zhiklè a wuffè a géɗ woyam man a kezli gèɗ te pa, sam nʼnzi Zhiklè mbi-mbiaʼa nkezli-nkezlaʼa.

Psaumes 78:38

A nengaʼa te pombi na, a géɗ man ndo a sia te va, a mpra ta maii la, a ngedas ta ɓai. Sak kumba a njèkeda ngi ndav, a mva na civèɗ a ndzoan nengaʼa bai.

Psaumes 85:4

Ndzoan ngaya tèlèba ka menda a deɓa, ka jèkeda ngi-ndav man ka gu a vata.

Esaie 12:6

Va-hazlawa a mwuffè, ndohi te Sion! Aman Zhiklè Israel nkezlaʼa, nengaʼa a zhè te ndev kinè, mbiaʼa.

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 41:14

Ka gu zlau ɓai, Jacob, me-turɗai; Israel, meturɗi nkèshèʼa. I takaha ka, Ndo nzi pèc pècèk a gaɗa, Zhiklè Israel nkezlaʼa, man a mbel ka.

Esaie 41:16

Ka da pèvaʼa, a kozlar a hil lokotoraʼa, a ndombozlor a ksar-daussa. Aman ka, ka da wuffè a gèɗ Ndo nzi pèc pècèk, ka da njèl Zhiklè Israel nkezlaʼa.

Esaie 48:9

A géɗ nzlembaɗ ga, i keɗda gèɗ ndzoan ga a hai, a géɗ nʼnjèl ga i ɓer ka, i zede ka ɓai.

Esaie 5:24

Gar haha lèmèlèmè ara nèʼèn vogwa a ndi düsh dau, a vogwa a ndeda ksof a ma hüyom, zluzlor tengaʼa a da nde na a ndefèn vogwa, a nwurzhè a nɗuz na ara mbokom. A géɗ man ta dérɗè ma kita Zhiklè bi mbiaʼa, a ta kwola ma Zhiklè Israel Zhiklè bi mbiaʼa, a ta kwola ma Zhiklè Israel nkezlaʼa,

Jérémie 26:3

Wa ngiɗè ba ta da cinèʼa, a ta menkaɗa a deɓa, staɗ staɗ tèlèba a civèɗ tengaʼa ambaɓiaʼa; a skwi man ambaɓai man i hur i da giaʼa, a géɗ maya man ambaɓai man ta gau, i da gia azɓai.

Jérémie 30:11

Aman i zhè a nda ka, aman i mbel ka, Ndo nzi pèc pècèk a gaɗa. Aman i da zede ta ndohi herkeda tèlèba, a sam man i ksar kinè a pa. Sèi ka, i da zede ka azɓai; aman i da slebda ka maya te kita, i slaha a i jè-kaha kita ngaya azɓai.

Osée 12:1

Ndohi Ephraim ta cèkèlma a tsagi ga tèlèba, a ndohi Israel ta ngwodyè. Aman Juda, nengaʼa a sam Zhiklè dai, a gshè va a Zhiklè nkezlaʼa dai.

Osée 14:4

Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

Mal. 3:6

Aman iyè, Ndo nzi pèc pècèk, i ngwèdè va ga azɓai; aman kinè, wudahi Jacob, kinè arsa genè!

Nombres 23:19

Zhiklè nara ndo ka bai, a cèkèlma azbai, kra-ndo ka bai, man a mindè ma na a deɓa. Skwi man a mpasla ri a pa, a rufaʼa azɓi dè? Ma man a ngoɗa, a giaʼa azɓi dè?

Deutéronome 13:17

Skwi mphomdaʼa da nza a ri ngaya ɓai! A Ndo nzi pèc pècèk a jèkeda ndzoan a géɗ ngaya, a ka sia te va, a gi a ka mènè a vata, ara man a mbaɗa ta babhi ngaya.

I Samuel 26:8

Abishai a ngaɗa na David: Zhiklè a mva ka mayam ngaya a ri ngaya a patsna. I woy a i tizhè stadgenè, a tsi gèɗ auda a herkeda. I tizhè cèw azɓai.