Osée 11:7 - Ma Zhiklè

⁷ Ndohi ga ta dzawa te malai. I baha ta a deɓa a sam Zhiklè te géɗèʼa, ko staɗ a slèmbèɗè azɓai.

Osée 11:7 Iomraidhean Croise

Psaumes 81:11

Iyè Ndo nzi pèc pècèk, i Zhiklè ngaya, man i cka ka auda te kokwar Egypte. Winè ma ngaya twèng! I vra ka a ka ngezaʼa.

Proverbes 14:14

Ndo man a beza zlawa, a ngeza te riaʼa; aman ndo man amba a ngézhè a skwi man amba.

Esaie 26:10

Aman ndo nderɗe Zhiklè a nʼngatsa; pombi ɓai, a nslebau ngi-zuraʼa ɓai. A gi malai tʼherkeda man ta gi skwi zuraʼa a pa, a sun a ngaɗa Zhiklè mbia ɓai.

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 2:19

A géɗ shèwa ngaya ka si matakwan a da ngatsa ka maya. A géɗ man kajèkeda Zhiklè, ka da ngècè kita. Huro a ka suna! Aman ka jèkeɗa Ndo nzi pèc pècèk, Zhiklè ngaya, ambaɓai, nara skwi nɗuzlekzlekaʼa. Ka slebardyè ɓai, Zhiklè bi mbiaʼa a gaɗa.

Jérémie 3:11

Te deɓaʼa Ndo nzi pèc pècèk a ngaɗayè: Israel, man a njèkyè, dara nengaʼa a géɗ Juda nlèɓèslɓiaʼa.

Jérémie 7:25

Daga pats man i helka ta babhi kinè auda te kokwar Egypte, ha patsna, i zlinde ta ɓèlèlihi ga tèlèba, ndohi nhadka ma, a prèk ba, a dakwaɗ ba.

Jérémie 7:26

Aman ta tsena ɓai, ta fa zlembaɗ ɓai, ta sassaya ndav ta, ta gu malai a fena babhi ta.

Jérémie 8:5

Ndohi haha ta men ta a deɓa èhè-mè? Jérusalem a mʼmen na a deɓa a mèdèp èhèmè? Ta ghsè va a ncèkèlma, a ta woy a ta ngwèdè ndav azɓai.

Osée 11:2

Aman i baha ta, a mpoko ta gèɗ auda, a ta dè ta holholaʼa. Ta vau skwi a Baalhai, ta ndara ta skwi a vrihai.

Osée 14:4

Aman ta jèkyè sa, i da mbel ta. I da woy ta, i woy ta a ndav ga. I gi ndav a géɗ tengaʼa te deɓaʼa asaɓai.

Osée 4:16

Israel a ntsena gèɗ ɓai, ara kɗèh, a Ndo nzi pèc pècèk a lè ta zaʼa ara tambakihi a sam daʼar ɗè?

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.