Osée 10:8 - Ma Zhiklè

⁸ Mblom Israel a géɗ za ta gedas ta. Nkuɗdzarai a vatak a da grè a sam mblom tengaʼa! Ta da gada ta zahai: Va-pizla nga a pa! A ngègèɗhai: Va-mbeɗka nga a gèɗ!

Osée 10:8 Iomraidhean Croise

Genèse 3:8

Aman ta tsena sam sak Ndo nzi pèc pècèk Zhiklè man a shèwèlè a pats dakwaɗ te gi lak, Adam a ngwoz na ta ngheda va ta a sam di Ndo nzi pèc pècèk Zhiklè, a hwaɗ wof te gi lak.

I Rois 13:2

Ndo nzi pèc pècèk a ngaɗa na, aman a ndérɗè sam mʼmbèh skwi na. A mboho, a ngaɗa: Sam mʼmbèh skwai! Sam mʼmbèh skwai! Ndo nzi pèc pècèk a goɗ ar haha: Te verzi ndohi gi David, ta da yi kra nguraʼa, nzlembaɗ na Josias. Nengaʼa a da zlama ta daʼai a ndohi mvi skwi a zhiklèhi ngaya, tengaʼa man ta ndèr burdi a sam ngaya. A ta da ndèr vatasl ndohi a sam ngaya, te di man a burdi.

I Rois 13:34

Nasa man ndohi gi Jéroboam ta wushahi a malai, a ta gedas ta, a ta ze ta a géɗ herkeda.

I Rois 14:16

A da jèkeda Israel, a géɗ mali Jéroboam, a géɗ mali man a mpe ta ndohi Israel a wi a vna.

II Rois 23:15

Lèmèlèmè sam mʼmbèh skwai te Béthel, a sam mʼmbèh skwai a géɗ za man Jéroboam, kra Nebath, man a mpe ta ndohi Israel a wi a vna, sam mʼmbèh skwi haha ba, a sam mʼmbèh skwi a géɗ za, a ngedasedaussa, a mbazla zhiklèhi tengaʼa, a nkerɗda pa, a nfa na vogwa a mblom.

II Chroniques 31:1

Aman skwi haha tèlèba klèng ma, ndohi Israel tèlèba man ta zhè a pa, to do a deɓa a kokwarhi Juda, a ta bazla skwi mʼmbèh skwai, ta mbeɗa mblom, a ta gedasse sam mʼmbèh skwi a géɗ za, a sam mʼmbèh skwi tèlèba te Juda, te Benjamin, te Ephraim, te Manassé. Te deɓaʼa ndohi Israel tèlèba ta men ta a deɓa a kokwar ta, staɗ staɗ tèlèba a sam skwi na.

Esaie 2:19

Va-hau a gi za, va-ngheda va kinè a vèvèɗ, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèm-bèɗè, a gudzeda herkeda.

Esaie 2:21

A ta da hi ta a slerɗi kwa, a slrats kwa, te ri zlau Ndo nzi pèc pècèk, a sam nʼnjèl bi nengaʼa mbiaʼa, aman a slèmbèɗè, a gudzeda herkeda.

Esaie 32:13

a géɗ herkeda ndohi ga, man vatak a nkuɗdzarai ta pizlèda pa. Va-kuɗau a géɗ gihi man mwuffe te pa, a géɗ kokwar man ta gi ngolala te pa.

Esaie 34:13

Te gi bihai, vatak a grè; nhelas a nkuɗdzarai ta gi mbiaʼa, barkda a gi gi te pa, a zhèrèu a nzi a pa.

Osée 10:2

Ta pi gèɗ cèw. Aman sèi ta pil gèɗ! Zhiklè a da mbeɗa mblom tengaʼa, a mbatseda vrihi tengaʼa aussa.

Osée 10:5

Ndohi Samarie ta gudzai a géɗ marai te Beth-Aven. Ndohi tengaʼa ta kuɗi a géɗèʼa. Ndohi mvi skwi a marai ta lèyè nʼnjèl nengaʼa man ngedas na.

Osée 10:9

Israel, ka gu malai daga man ka te Guibea! Te pa ta nza te malai. Var man a gs ta te Guibea a ndeva mali tengaʼa ɓai.

Osée 2:6

Wudahi nengaʼa ta da siyè te va azɓai, a géɗ man tengaʼa ta fali wudahai.

Osée 4:13

Ta vi skwi a Zhiklè a géɗ za, ta ndara na skwi a sam te géɗèʼa, a sam gètèl wof, a verzi mblom, a kwa, a ta nzi a mèzhèɓ tengaʼa man amba. Gar haha ko dalahi kinè ta gi mphömè, a dalahi ngwozi kine ta jèkeda baki ta a ta de a ta woy baki ngiɗè.

Osée 4:15

Israel, ka gi mphömè; aman Juda da gu mali ɓai! Kin do Guilgal ɓai, kin teva Beth-Aven ɓai! Kin mbada arsa ɓai; ara man Zhiklè a zhè a nshèffe!

Osée 5:8

Va-tsu tolom te Guibea! Va-voɗo shingelèk te Rama! Va-guzlau te Beth-Aven! Ta dzar ka, Benjamin!

Osée 8:5

Samarie, kra zlè ngaya a ndarayè! Ndav a dzayè worworaʼa a géɗ tengaʼa; ta da jèkeda mali a ngèmè?

Osée 9:6

Na haha, sèi ta dè a kokwar Assyrie, ndohi Egypte ta da ɓic ta, a ndohi Memphis ta da re ta a vèvèɗ. A sam man skwi mèshèlè tengaʼa, kuɗdzarai a ftskaɗa pa, a sam gi tengaʼa vatak a ftskaɗa pa.

Amos 1:5

A i da pasla skwi mɓèr ntamagi Damas, a i zede ta ndohi Bikath-Aven tèlèba, a nda ndo ngs gada-bi te Beth-Eden. A ndohi Syrie sèi ta dè dangai a Kir, Ndo nzi pèc pècèk a gada.

Amos 3:14

A pats man i da ga ta kita a ndohi Israel a géɗ mali ta, i da gi kita a géɗ vrihai te Béthel. A i pasla zlogomhiaʼa, a ta wushahai a herkeda.

Amos 7:9

Mblomhi a géɗ za man a Isaac, a sam mʼmbèh skwai man a Israel, i da gedas ta. A i da bazl ta ndohi Jéroboam a tsakwal.

Amos 8:14

Tengaʼa man ta mbada a sam mʼmbèh skwi te Samarie, a ta mbada a géɗ nshèffè vri Dan, a géɗ nshèffè vri Beer-Shéba, ta da kèlèhai, a ta da slèmbèɗè te deɓaʼa asaɓai.

Michée 1:13

Va-manda kiki a verzi plèsh, kinè ndohi Lakish! Mali dem Sion a hüno a sam ngaya; Israel a ngu mphömè a sam ngaya!

Michée 1:5

Skwi haha tèlèba a gi a géɗ mphömè, a géɗ mali Israel. Mphömè Jacob a shkè tema? Te Samarie ka ɓi ɗè? Sam mvi skwi a zhiklè man a Juda a géɗ za tema? Te Jérusalem ka ɓi ɗè?

Nahum 3:11

Ka ba ta tèuda ka a pa a ta dum ka, a ka hèsh sam nʼnghédé va te ri mayamhai.

Luke 23:30

Te deɓaʼa ta da gaɗa ta zahai: Va-wurzlka nga a gèɗ! A ta da gaɗa ta ngè-gèdhai: Va-mbeɗka nga a gèɗ!

Deutéronome 9:21

A marai man kin gau, a kin gu mali a vna, i co a i fa na vogwa i batsedaussa, a i kerɗaʼa ara mberfenèk, a i wusheda a woyam man a shkèhai te za.

Apocalypse 6:16

a ta gaɗa ta zahai a kwazlazlamhai: Va-mbeɗka nga a gèɗ, va-nghede nga a sam di nengaʼa man a nzi a géɗ sam nʼnzi bai, a sam ndzoan kra tambak!

Apocalypse 9:6

A pats nasa ndohi ta woy a ta metsai, aman ta ngècè azɓai. Ta woy a ta metsai, aman mʼmetsi a hi na auda a sam ta.