Te deɓaʼa gau skwi nfi vogwa, a guro, ndaɓalaʼa; ka vidè skwi nfi vogwa, sakaʼa a gadaʼa. Gandafihai – mpi tengaʼa ara mwurzhè – a gakaɗi te gada guro nstaɗ.
Aman Moise a ndo a gi mɓicè-va, aman ta gèdè a Ndo nzi pèc pècèk, a ntsena ngèɗè man a gaɗka na a géɗ skwi mpizlè ma koti man ma kita te pa, te ndev chérubimhi cèw. Ndo nzi pèc pècèk a ngaɗa na.
Te ndev nasa Ndo nzi pèc pècèk a mparka ta ndohi Lévi auda, aman ta zuɓ koti nderzlèma Ndo nzi pèc pècèk, aman ta zlècè a sam di Ndo nzi pèc pècèk, ara ndohi mizlinè nengaʼa, a ta pshè ta ma ndohai a nzlembaɗ na, ha patsna.
