Nombres 7:1 - Ma Zhiklè

¹ A pats man Moise a nʼnga gi Zhiklè tèlèba ma, a mbada mbar a pa a kolongwi nengaʼa tèlèba ma, a nkezlaʼa a sam Ndo nzi pèc pècèk, a sam mvi skwi a Zhiklè ba a mbada mbar a pa, a kolongwi nengaʼa tèlèba, a nkezlaʼa a sam Ndo nzi pèc pècèk,

Nombres 7:1 Iomraidhean Croise

Genèse 2:3

A Bi Zhiklè a mpshè na ma pats matsaraɗaʼa, a nkezla patsaʼa, aman a pats nasa, Bi Zhiklè a nsok va te mizlinè nengaʼa tèlèba man a gau, a ndeva ma.

I Rois 8:64

A pats nasa sam gi nʼngalaʼa a ma gi Ndo nzi pèc pècèk, Salomon a mvau a ta gi mizlinè te pa. A pa a nʼndara na skwi a Zhiklè, a nva na skwi a Zhiklè, mbeza nshid gèɗ, te man sam mvi skwi a Zhiklè man a zhè a sam Ndo nzi pèc pècèk a slra ɓai skwi man a ndara na, a va na skwai, a mbeza nshid gèɗ, tèlè.

Exode 13:2

Vay tsuvom ndohi Israel tèlèba, skwi nkaldeka ma hai tèlèba, ndohai a skwihai, a ga ga.

Exode 29:36

A pats a pats ka keɗa gol marai mpil gèɗ malai, a ka cèma na mali auda a sam mvi skwi a Zhiklè, aman ka gi a mpil gèɗ nengaʼa, a ka faɗa na mbar a pa, a ka fi a mizlinè Zhiklè.

Exode 40:11

A ka faɗda mbar a shidèf verzhègenè, a sak nengaʼa ba, a ka pu a mizlinè Zhiklè.

Nombres 17:2

Gaɗa ta ndohi Israel, da tsokolko ka gada staɗ staɗ, te verzi ndohi staɗ staɗ tèlèba, gada 12, a sam tsuvomhi, tsuvomhiaʼa. A ka Windo nzlembaɗ verzi ta a deɓ gada ta.

Nombres 7:10

Tsuvomhi ta hulkoɗi skwi a pats man ta bada na mbar a gèɗ a sam mvi skwi a Zhiklè, a ta kezlaʼa a sam Ndo nzi pèc pècèk; a ta va na skwi tengaʼa a Zhiklè, a sam mvi skwi a Zhiklè.

Nombres 7:84

Aranta ta kezla sam mvi skwi a Zhiklè a Ndo nzi pèc pècèk, a pats man tsuvomhi Israel ta hulkoɗi skwi ta, a ta bada na mbar a gèɗ a sam mvi skwi a Zhiklè. Kokwi gurso 12; kokwi ngiɗè 12; ndèlèk guro 12;

Nombres 7:88

Skwi tèlèba man ta vau te nshid gèɗ: Matsaraɗ marihai 24; droki 60; wud tambaki mvi staɗ, 60. Nasa ara man ta kezla sam mvi skwi a Zhiklè a Ndo nzi pèc pècèk, te deɓ man ta bada na mbar a gèɗ ma.

Matthew 23:19

Mandazlihai! Nfena mè, skwi man ta va na Zhiklè ɗè, ɗè sam mvi skwi a Zhiklè man a gi skwi man ta va na Zhiklè a skwi nkezlaʼa ɗè?