Nombres 27:3 - Ma Zhiklè

³ Bab nga a mʼmets na tʼhèshèkèɗ. Nengaʼa a te va ndohi Koré man ta humda na va a gèɗ a Ndo nzi pèc pècèk bai. A mʼmets na a géɗ mali na. Kra na nguraʼa azbai.

Nombres 27:3 Iomraidhean Croise

Ezéchiel 18:4

Na haha nshèffè ndohi tèlèba a ga: nshèffè bab kra, a nshèffè kra, ta a ga. Ndo man a gi malai, sèi a metsi na.

Nombres 14:35

Iyè, Ndo nzi pèc pècèk, i goɗa. I da ga ta matakwan a mpi ndohi ambaɓihiaʼa haha, man ta humday va a gèɗ aranta; sèi da ndev ta tʼhèshèkèɗ, da bazl ta a pa!

Nombres 16:19

Koré a mɓic ta mpi ndohi tèlèba, a mpoko ta gèɗ auda, a magi mɓicè-va; a nʼnjèl Ndo nzi pèc pècèk a ngudoko ta va a dai a mpi ndohi tèlèba.

Nombres 16:49

Tengaʼa man ta bazl ta a matakwan sa, 14.700, ndohi Koré man ta mets ta a géɗ ta, ta te va bai.

Nombres 26:33

Hépher a ndohi te verzi nengaʼa. Tselophad, kra Hépher, kra na azbai, a yia dalahi gene. Nzlembaɗ dalahi Tselophchad: Machla, Noa, Hogla, Milca a Thirtsa.

Nombres 27:2

Ta shkè a sam Moise a Eléazar, ndo mvi skwi a Zhiklè, a sam tsuvomhi mpi ndohi tèlèba, a ma gi nkezlaʼa, a ta gada:

Nombres 27:4

Nzlembaɗ bab nga a zi na èhèmè, aman a nya kra nguraʼa bai? Va-va nga skwi nʼndi gai a nda kramam babhi nga!

Jean 8:21

A Yèsu a ngaɗa ta zaʼa: A di i dè ga, a kin hassyè te deɓaʼa, a kin metsi kinè te mali kinè. A sam man i dè a pa, kin slaha kin dè a pa ɓai.

Jean 8:24

Gar haha i gaɗa kinè, kin da metsi kinè te mali kinè. Aman kin cè a ndav kinè ɓai, i nengaʼa, kin da metsi kinè te mali kinè.

Romans 5:12

Gar haha ara man a géɗ ndo staɗ malai a mshkè a herkeda, a mʼmetsai a mshkè a géɗ malai, mʼmetsai a zlèzlèmè a géɗ ndohi tèlèba, a géɗ man ta tèlèba ta gu malai.

Romans 5:21

Aman Ièmèlèmè ara malai a gu bai a mʼmetsai, lèmèlèmè pombi ba a da gi bai a ngi-zuraʼa a nshèffe a mèdèp, te Yèsu Kristi, Bi nga.

Romans 6:23

Skwi ntul malai, mʼmetsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.