Nombres 21:7 - Ma Zhiklè

⁷ A ndohi ta shkè a sam Moise a ta gada na: Nga gu malai, nga ga ka ma a va, nga ga na ma a va Ndo nzi pèc pècèk. Tsu ri a Ndo nzi pèc pècèk, a nhela nga zhü-zhok auda a tsagai. A Moise a ntsu rai a géɗ ndohai.

Nombres 21:7 Iomraidhean Croise

Genèse 20:17

A Abraham a ntsu ri a Bi Zhiklè, a Bi Zhiklè a mʼmbel Abimélec, a ngwoz na, a ɓèlhi na, ta ngwozhai, te matakwan, a ta ngots kra.

Genèse 20:7

Gar haha va na ngwoz a deɓa a baki na, nengaʼa ndo nhadka ma. Nengaʼa a da tsi ri a géɗ ngaya, a ka nzi a nshèffè. Aman ka da va na a deɓa azbai, ka da metsi ngaya, a ndohi gi ngaya tèlèba.

I Rois 13:6

A bai a hüno a ngaɗa na ndo Zhiklè: Kam kam, büd Ndo nzi pèc pècèk, Zhiklè ngaya, a ka tsu ri a géɗ ga, a i slaha i mendkoɗi ri ga a deɓa. A ndo Zhiklè a mbüdo Ndo nzi pèc pècèk, a ri bai a nʼnge na ara ri na.

II Rois 13:4

Aman Joachaz a kuɗi a sam Ndo nzi pèc pècèk, a Ndo nzi pèc pècèk a ntsena ma nengaʼa, te man a nrka matakwan man bi Syrie a ga ta ndohi Israel.

Job 42:10

Te deɓaʼa Ndo nzi pèc pècèk a nʼngwoda matakwan Job, aman a ntsu ri a géɗ nslamagihi na ma, a Ndo nzi pèc pècèk a mva na skwi ta ta man a ngots halaʼa cèw.

Job 42:8

Anai va-hul marihi 7 a droki 7, vo-do a sam Job, ɓèl ga, va-ndara na skwi a Zhiklè a géɗ va kinè. A Job, ɓèl ga, a da tsi rai a géɗ kinè. Sèi ntsi ri Job man i da cèʼa; te deɓaʼa i da ga kinè skwi ambaɓiaʼa azɓai, a géɗ man kin goɗ ma a géɗ ga zuraʼa ara Job, ɓèl ga, ɓai.

Psaumes 106:23

Zhiklè a nhur a da gedas ta; aman Moise, ndo man a nʼngotskoɗauda, a nʼnza ta a deɓa a ndohai, dajèkeda ngi ndav, da gedas ta ɓai.

Psaumes 78:34

Aman a mbazl ta, ta hos Zhiklè zaʼa; ta menkaɗa deɓa a ta hos Zhiklè.

Exode 10:17

Va-pray mali ga a za va staɗ, va-tsu ri a Ndo nzi pèc pècèk, Zhiklè kinè, da cèmay skwi ngedassyè a haha auda a tsagai.

Exode 32:11

A Moise a ntsu ri a Zhiklè, a ngaɗa: Bi ga, ka woy a ka gi ndav a géɗ ndohi ngaya èhèmè? Ndohi man ka helka ta auda te kokwar Egypte a wuɗi ri ngaya?

Exode 32:30

Te mangoslèmaʼa a prèk, Moise a ngaɗa ta ndohai: Kin gu mali mbiaʼa. Anai i woya man i dè a géɗ za a sam Ndo nzi pèc pècèk, a i rka, aman i slaha a i pil mali kinè.

Exode 8:28

Ko ar haha ndav Pharaon nsassaya genè, a mva ta civèɗ a ndohi bai.

Exode 8:4

A Pharaon a mbaha na Moise a Aaron, a ngaɗa: Va-tsu ri a Zhiklè kinè, a nhulkoy kudofihai auda a tsagai, a tsagi ndohi ga, a i da va ta civèɗ a ndohi aman ta dè a ta zli skwi a Zhiklè ta.

Exode 8:8

Aman Moise a Aaron to do auda a sam Pharaon ma, Moise a ntsu ri a Ndo nzi pèc pècèk a géɗ kudofihai, man a nzlündokoɗa a sam Pharaon.

Esaie 26:16

Ndo nzi pèc pècèk, te va matakwan ta woy ka. Aman ndzoan ngaya a nʼngats ta, ta kuɗai.

Jérémie 15:1

Ndo nzi pèc pècèk a ngaɗayè: Ko man nda Moise a Samuel ta shkè a sam ga, ndohi haha ta siyè te va azɓai. Dzam ta auda a sam ga, do do ta!

Jérémie 37:3

Bi Sédécias a nzlündo Jucal, kra Shélémia, a Sophonie, kra Maaséja, ndo mvi skwi a Zhiklè, a sam Jérémie, ndo nhadka ma, aman a gaɗa na: Tsu rai a géɗ nga a sam Ndo nzi pèc pècèk, Zhiklè nga!

Osée 5:15

I dè ga, i minè a deɓa a sam nʼnzi ga, ha ta ndev ta a géɗ mali ta, a ta hèsh di ga, ha te ri zlau mʼmetsai ta woy iyè.

Nombres 11:2

Te deɓaʼa ndohi ta tsu lalau a sam Moise, a Moise a ntsu ri a Ndo nzi pèc pècèk, a vogwa a mbats na.

Matthew 27:4

a ngaɗa: I gu malai, man i ga na ri a gèɗ nshèffè ndo man nʼnga mali ɓai. Aman ta gaɗa na: A nga nga a pa mè? Ma ngaya!

Actes 8:24

A Simon a mʼmbeɗa na a ma: Sèi kin tsi ri a Bi Zhiklè a gèɗ ga a ri kinè, a skwi man ka goɗ haha, ko staɗ da shkè a gèɗ ga ɓai.

Romans 10:1

Dalahimam ga, i woya a ndav ga, a i tsi ri a Zhiklè a géɗ Israel, aman ta mbel ta.

Deutéronome 9:20

Zhiklè a ngu ndav kumba a géɗ Aaron ba, a woya a nzeda; a i tsu rai a géɗ Aaron ba a pats sa.

Jacques 5:16

Va-ngreda mali kinè, ngiɗè a ngiɗè, va-tsu ri a Zhiklè, ngiɗè a géɗ ngiɗè, aman kin mbél kinè te matakwan. Ntsi ri ndo nzuraʼa, man a tsi a ndav tèlè, a slaha skwi kumba.

I Samuel 15:24

Saul a ngaɗa na Samuel: I gu malai, a géɗ man i tawaɗaha ma Ndo nzi pèc pècèk, a i tawaɗa ma ngaya. I gu zlau ndohai, i gau ara man ambaha ta.

I Samuel 15:30

Saul a ngaɗa: I gau malai, aman sèi ka slebardyè a sam di ndohi nhalaʼa ndohi ga, a sam di Israel. Ngo do a ka, a i tsi ri a Ndo jizi pèc pècèk, Zhiklè ngaya.