Nombres 12:2 - Ma Zhiklè

² Ta gada: Ndo nzi pèc pècèk a gada na Moise genè dè? Nga ba, a gada nga azɓi dè? A Ndo nzi pèc pècèk a ntsenaha.

Nombres 12:2 Iomraidhean Croise

Genèse 29:33

A nʼngots kra zaʼa, a nyu kra nguraʼa, a ngaɗa: Ndo nzi pèc pècèk a ntsenaʼa, ta kaldyè a deɓa. A géɗ nengaʼa a mvay kra a vaʼa. A mbaha na Siméon.

II Samuel 11:27

Aman nkuɗa klèng, nʼnda baki na a vèvèɗ ma, David a nzlündo ndo a sam nengaʼa, da baha na a gi na. A nco a ngwoz na, a ngwoz a nya na kra nguraʼa. Aman skwi man David a ngau, ambaha Ndo nzi pèc pècèk ɓai.

II Rois 19:4

Wa ngiɗè ba Ndo nzi pèc pècèk, Zhiklè ngaya, a ntsena ma Rabshakè, man bi nengaʼa, bi Assyrie, a nzlündo, aman a ndurɗo Zhiklè man a zhè a nshèffè, a da ga na skwi ambaɓiaʼa, a géɗ ma man Ndo nzi pèc pècèk, Zhiklè ngaya, a tsenaʼa. Gar haha tsu rai a géɗ njèkèdihiaʼa man ta zhè a nshèffè dai.

Exode 4:14

A Ndo nzi pèc pècèk a ngu ndav a géɗ Moise, a ngaɗa: Aaron, kramam ngaya, ndo Lévi, azɓi dè? I suna, nengaʼa a gèɗè amba. Na haha na zhè a civèɗ, kin da zli gèɗ a vna. Aman a da rka ka, a da wuffè kumba.

Exode 4:30

Aaron a njè ta ma tèlèba, man Ndo nzi pèc pècèk a gada na Moise. A nengaʼa a ngu nrkedi a sam di ndohai.

Exode 5:1

Te deɓaʼa Moise a Aaron to do a gi Pharaon, a ta gada na: Ndo nzi pèc pècèk, Zhiklè Israel, a gada: Va ta civèɗ a ndohi ga, aman ta dè hèshèkèɗ, a ta slébèrdyè te pa.

Exode 7:10

A Moise a Aaron to do a sam Pharaon, a ta gu ara man Ndo nzi pèc pècèk a gada ta: Aaron a nkalda gada a sam sak Pharaon a golahi nengaʼa; a nde na zhüzhok.

Proverbes 13:10

Ndo nfi va a poko ta gèɗ auda a ndohai, a ta bèzi va; aman maya a zhe a sam ndohi man ta cè ma ndo.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Michée 6:4

I helka kinè auda te kokwar Egypte, i preka kinè auda te gi ɓèlè, a i zlinda Moise, Aaron a Miriam a sam kinè.

Nombres 11:1

A ndohi ta gu ma a sam Ndo nzi pèc pècèk. A Ndo nzi pèc pècèk a ntsenaha, a ndza na a ndav, a vogwa Ndo nzi pèc pècèk a nslambaɗa a tsagi sam man ta nza a pa, a nʼnde ta ndohi tèlèba a ma.

Nombres 11:29

Aman Moise a ngaɗa na: Ka gi srak te di man a ga dè? Aman Zhiklè a ga ta ndohi tèlèba a ndohi nhadka ma, a Ndo nzi pèc pècèk a mva ta mèzhèɓ a géɗ tengaʼa, ambaɓi dè?

Nombres 12:3

Moise, ndo a ndav lüɓekwaʼa, a fena ndohi ngiɗè tʼherkeda tèlèba.

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

Romans 12:10

Va-woy kramam kinè, ngiɗè a ngiɗè, ngiɗè a ngiɗè, a ndav tèlè! Va-lèɓèslè a va kinè, ngiɗè a sam ngiɗè, ngiɗè a sam ngiɗè!

Romans 12:3

Aman te pombi man Zhiklè a mvayè, i gaɗa kinè staɗ staɗ tèlèba, aman kin gra gèɗ kinè ɓai, a kin gaɗa: I mbiaʼa, i fenaʼa. Aman staɗ staɗ da nza a maya maya, staɗ staɗ te skwi man Zhiklè a mva na te ncè-a-ndav.

Philippiens 2:14

Va-gu skwi tèlèba a nkuɗi a va ka ɓai, a mpi gèɗ cèw ka ɓai.

Philippiens 2:3

Kin büzh va, a géɗ nfi va mbalai ɓai; aman va-manda gèɗ a hai, a kin rka ndo ngiɗè ara man a fen kinè.

1 Peter 5:5

Lèmèlèmè kinè golahai, va-manda gèɗ a hai a sam babgihai. A vava, kin tèlèba, va-manda gèɗ a hai a sam tèlèba! Aman Zhiklè a sassaya ndav a sam ndohi nfi va, a va ta pombai a ndohi mʼmanda gèɗ ta a hai.