Nombres 11:1 - Ma Zhiklè

¹ A ndohi ta gu ma a sam Ndo nzi pèc pècèk. A Ndo nzi pèc pècèk a ntsenaha, a ndza na a ndav, a vogwa Ndo nzi pèc pècèk a nslambaɗa a tsagi sam man ta nza a pa, a nʼnde ta ndohi tèlèba a ma.

Nombres 11:1 Iomraidhean Croise

Genèse 38:10

Aman skwi man a gau, ambaha Zhiklè ɓai, a nkeɗa nengaʼa ba.

II Samuel 11:27

Aman nkuɗa klèng, nʼnda baki na a vèvèɗ ma, David a nzlündo ndo a sam nengaʼa, da baha na a gi na. A nco a ngwoz na, a ngwoz a nya na kra nguraʼa. Aman skwi man David a ngau, ambaha Ndo nzi pèc pècèk ɓai.

II Rois 1:12

Elie a mʼmbeɗa na a ma, a ngaɗa na: Aman i ndo Zhiklè a vava, vogwa da kalkaɗahi te zhiklè, da nde kinè a ndohi ngaya 50 a ma tèlèba! A vogwa Zhiklè a nkalkaɗahai te zhiklè, a ndu nengaʼa a ndohi nengaʼa 50 tèlèba.

Job 1:16

Ngèd na, ngiɗè a nshkè a ngaɗa: Vogwa Bi Zhiklè a nkalkaɗai a nʼndau tambaki a ndohi mɓer ta. I staɗ i mbelkaɗ ga a i hakaɗai a i da ngra ka.

Psaumes 106:18

Vogwa a nʼnde ta ndohi nrubi tengaʼa a ma, nèʼèn vogwa a mpin ta ndohi malihai a ma.

Psaumes 78:21

Gar haha, aman Ndo nzi pèc pècèk a tsenaʼa, a ngu ndav: vogwa a mvatsa te ndev ndohi Jacob, ndzoan a mshkè a gèɗ Israel,

Psaumes 78:63

Vogwa a nʼndeda golahi tengaʼa a ma, a ta tsima dalahi tengaʼa a ganzavar asaɓai.

Exode 16:7

A prèk kin da rka nʼnjèl Ndo nzi pèc pècèk, aman nengaʼa a ntsena ara man kin ga na ma a va. Kin gi ndav a géɗ nga èhèmè?

Exode 16:9

A Moise a ngaɗa na Aaron: Gada ta nhèyè ndohi Israel tèlèba: Va-zlatsa a sam Ndo nzi pèc pècèk, te man nengaʼa a ntsena ma man kin ga na va.

Esaie 10:17

Skwi nhél sam Israel a ndi a vogwa, Zhiklè nengaʼa nkezlaʼa a ndi a nèʼèn vogwa. Nengaʼa a da vècè, a ndi vatak a nkuddzari a pats staɗ.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Lamentations de Jérémie 3:39

Ndo man a nzi a nshèffè a kuɗi mè? Staɗ staɗ tèlèba da kuɗau a géɗ mali na!

Ezéchiel 20:36

Lèmèlèmè ara man i ga ta kita a babhi kinè tʼhèshèkèɗ te kokwar Egypte, i da ga kinè kita, Bi Zhiklè a gaɗa.

Lèv. 10:2

A vogwa a shkè auda te Ndo nzi pèc pècèk, a nda ta ma, a ta bazl ta a sam Ndo nzi pèc pècèk.

Nahum 1:5

Zahi ta gudzi a sam na, ngègèɗhai ta wèl ta. A sam di na herkeda a mbéɗ na, a ndohi herkeda a deɓaʼa tèlèba.

Habakuk 3:5

A ma nengaʼa, gidiɓèr; te deɓ nengaʼa, gidiɓèr.

Nombres 10:33

A ta jèkeda za Ndo nzi pèc pècèk, a to do, a ta mana a civèɗ makar, a verzi koti ma kita. Ndo nzi pèc pècèk a mdo a ma tengaʼa, ta a civèɗ mʼmèn makar, a nwoya ta sam man ta shèk va a pa.

Nombres 11:18

A ka gada ta ndohai: Va-tila va kinè, angoslèm kin da ngècè zluèɗ, te man kin kuɗi a sam Ndo nzi pèc pècèk a kin gaɗa: Nda va nga zluèɗ aman a nga ndia wa? Te kokwar Egypte nga nza amba amba! Ndo nzi pèc pècèk a da va kinè zluèɗ a kin ndiaʼa.

Nombres 12:2

Ta gada: Ndo nzi pèc pècèk a gada na Moise genè dè? Nga ba, a gada nga azɓi dè? A Ndo nzi pèc pècèk a ntsenaha.

Nombres 14:2

A ndohi tèlèba ta ga ta ma a va a Moise a Aaron: Mpi ndohi tèlèba ta gada ta: Dara man agassa nga mets nga te Egypte! Man bai, tʼhèshèkèɗ haha!

Nombres 14:22

ndohi haha tèlèba man ta rka nʼnjèl ga, a nrkedi ga man i gau te kokwar Egypte, a ta tsena ma ga bai, a ta jkedyè sak kula kula ma, a ta fa na gèɗ a ma ga bai,

Nombres 14:27

I da prè mali a mpi ndohi ambaɓihiaʼa haha pèc pècèk ta ahngwa? Ma man ndohi Israel ta gay a va i tsenaʼa!

Nombres 14:28

Gaɗa ta: Ara man Ndo nzi pèc pècèk a zhè, Ndo nzi pèc pècèk a gada: I woy a i ga kinè ara man kin gaɗayè a zlembaɗ ga.

Nombres 16:11

Kinè a ndohi ngaya, kin humda na va a gèɗ a Ndo nzi pèc pècèk ar haha. Aaron wa, aman kin gi ndzoanaʼa?

Nombres 16:35

Te deɓaʼa vogwa a nshkè auda te Ndo nzi pèc pècèk, a nʼnde ta ndohi 250 man ta ndèr ɓurdi, a ma.

Nombres 17:5

A gada ndo man i ngotskoɗauda, a da tsi rai. Aranta i woy a i gedassa civèɗ a ndohi Israel man ta ga ka ma a va, a i ndeva ma ta a sam ga.

Nombres 21:5

A ndohi ta ga na ma a va Bi Zhiklè a Moise: Kin helka nga auda te kokwar Egypte, a nga metsi nga tʼhèshèkèɗ èhèmè? Movar azɓai, iyam azbai, skwi nʼndi hèmnèk-hèmnèk haha a ngezla nga a gèɗ.

1 Corinthians 10:10

Kin kuɗau a va ɓai, ara tengahia ngiɗè tsaɗ tsaɗ te va tengaʼa ta gau, a ndo ngedassa ndo a mbazl ta.

Deutéronome 25:18

ara man kin zlü gèɗ a civèɗ, a nkala ka va te deɓa, a mbazl ta ndohi man ta dzadzar ka te deɓa, man wuɗi ta azɓai, te va man ka ngeza, ntulè nkeɗa ka – a nʼnga zlau Zhiklè ɓai.

Deutéronome 32:22

Ndav ga a vècè ara vogwa, a ndi skwi tʼherkeda tʼhai, a ndè a sam mʼmetsai, a ndi herkeda a ma a skwi man a ftskaɗa pa tèlèba, a fi vogwa a verzi za.

Deutéronome 9:22

Te Tabeéra, te Massa, te Kibroth-Hattaava ba, kin poko na gèɗ ndav auda a Ndo nzi pèc pècèk.

Hébreux 12:29

Aman Zhiklè nga, vogwa man a ndi skwi tèlèba.

Jacques 5:4

Na haha, ndohi ntsi dau, man kin va ta skwi ntul ta ɓai, ta kuɗi a géɗ kinè, a kuɗ tengaʼa a tsena na a zlembaɗ a Bi Zhiklè.

Jude 1:16

Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.