Matthew 6:9 - Ma Zhiklè

⁹ Ani haha sèi kin tsi ri arsa: Bab nga, man ka zhè te zhiklè te géɗèʼa.

Mofa New Testament

⁹ Ani haha sèi kin tsi ri arsa: Bab nga, man ka zhè te zhiklè te géƋè'a.

Matthew 6:9 Iomraidhean Croise

II Samuel 7:26

A nzlembaɗ ngaya a ngi a mbiaʼa pèc pècèk, a ndohi ta gaɗa: Ndo nzi pèc pècèk, Zhiklè bi wuɗai, nengaʼa Zhiklè ndohi Israel. A gi David, ɓèl ngaya, a nzi dai a sam ngaya.

I Rois 8:43

ka da tsenaʼa te zhiklè te géɗèʼa, a sam nʼnzi ngaya, a ka gi ara man ndo mbrok a ntsu ri a sam ngaya a géɗèʼa. A ndohi a géɗ herkeda tèlèba ta da sun nzlembaɗ ngaya, ta da slébèrdèʼa a zlau ara man ndohi Israel, ndohi ngaya, ta giaʼa. A ta suna, ta baha na nzlembaɗ ngaya te gi haha man i ga ka.

I Chroniques 17:24

Da gu arsa, a ndohi ta slébèrdè nzlembaɗ ngaya pèc pècèk aranta: Ndo nzi pèc pècèk, Zhiklè bi wuɗai, Zhiklè Israel, nengaʼa Zhiklè a sam ndohi Israel! Gi David, ɓèl ngaya, a nzi di a sam ngaya.

II Chroniques 20:6

A ngaɗa: Ndo nzi pèc pècèk, Zhiklè babhi nga, ka Zhiklè te zhiklè ka bi dè? Ka gi bai a géɗ kokwar bihi herkeda ka bi dè? Ka man wuɗi ri ngaya a zhè, a nʼngots wuɗai man a fena ngiɗè tèlèba.

Néhémie 9:5

Va-slambaɗa! Vo-slubordo Ndo nzi pèc pècèk, Zhiklè kinè, pèc pècèk a ndè a ma ma a mèdèp! A ta slubordo nzlembaɗ nengaʼa nʼnzalaʼa, man a fena mpshè ma a nʼnjèlè tèlèba.

Psaumes 111:9

A nzlinda skwi mpil gèɗ a ndohi na, a mva ta nderzlè-ma nengaʼa a mèdèp. Nzlembaɗ nen-gaʼa nkezlaʼa, mwuɗitpa.

Psaumes 115:3

Zhiklè nga a zhè te zhiklè te géɗèʼa, skwi tèlèba man a woyaʼa, a giaʼa.

Psaumes 72:18

Ngo-slubordokoy Ndo nzi pèc pècèk, Bi Zhiklè, Zhiklè Israel, man a gi nrkedai, nengaʼa staɗgenè.

Esaie 37:20

Anai, Ndo nzi pèc pècèk, Zhiklè nga, mbel nga te ri nengaʼa; a kokwar-bihi a géɗ herkeda tèlèba ta shinèʼa, ka staɗgenè Ndo nzi pèc pècèk, man ka Zhiklè.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 63:16

Aman ka bab nga! Abraham a sen nga ɓai, Israel a nse-naha nga ɓai; ka Ndo nzi pèc pècèk, ka bab nga. Nzlembaɗ ngaya ‘ndo nsumka nga a deɓa’, tʼhinkaɗ na.

Esaie 64:8

Ndo nzi pèc pècèk, ka gu ndav holhola ɓai! Ka hur mali ga a mèdèp ɓai! Na haha, nga tèlèba ndohi ngaya. Ka hur mali nga a mèdèp ɓai! Na haha, nga tèlèba ndohi ngaya.

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Ezéchiel 36:23

I da kuzlko nzlembaɗ ga mbiaʼa auda, man kin derɗaʼa te ndev ndohi herkeda; a ta da suna, iyè Ndo nzi pèc pècèk, Bi Zhiklè, i goɗa; a i ngrédè va ga auda a sam di ta, a kinè, i Zhiklè nkezlaʼa.

Ezéchiel 38:23

I da ngrédè va ga auda, i mbiaʼa, i kezla, a i da gudoko ta va a di a ndohi herkeda kumba a ta da suna, i Ndo nzi pèc pècèk.

Lèv. 10:3

A Moise a ngaɗa na Aaron: Nasa man Ndo nzi pèc pècèk a goɗa: A sam tengaʼa man ta herdekay va, i ngreda ta va ga auda, i Zhiklè nkezlaʼa. A sam di ndohi tèlèba i nzala va ga. A Aaron a mʼmbeɗa na a ma bai.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Zacharie 14:9

Te deɓaʼa Ndo nzi pèc pècèk a gi bai a géɗ herkeda tèlèba. A pats nasa Ndo nzi pèc pècèk bi staɗgenè, nzlembaɗ nengaʼa staɗgenè.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 10:29

Ta prè shishihi cèw a Suli staɗ ka ɓi dè? Aman ko staɗ a kèlèhi a herkeda azɓai, aman Bab kinè a sun ɓai.

Matthew 23:9

Ko wawa kin baha na bab kinè ɓai, aman Bab kinè staɗgenè, nengaʼa man a zhè te zhiklè te géɗèʼa.

Matthew 26:29

I gaɗa kinè, anai i si barassa te deɓ anta asaɓai, ha pats man i da siaʼa mɓuaʼa a nda kinè te kokwar-Bi Bab ga.

Matthew 26:42

A va zaʼa, macecèwaʼa, a ndo a ntsu rai, a ngaɗa: Bab ga, aman kokwi haha a slaha a ndè auda a sam ga azɓai, sèi i siaʼa, da gu ara man ka woyaʼa.

Matthew 5:16

Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Matthew 5:48

Gar haha sèi kin ndikè a sam jèlèlèʼa, ara Bab kinè te zhiklè, jèlèlèʼa.

Matthew 6:14

Aman kin prè mali ndohai, Bab kinè te zhiklè a dè prè mali kinè arsa.

Matthew 6:6

Aman ka tsi rai, do a gi ngaya ntʼhwaɗaʼa, a ka tsi ri a Bab ngaya, a sam nʼnghedaʼa. A Bab ngaya man a rka a sam nʼnghedaʼa a da va ka skwiaʼa.

Matthew 7:11

Ani haha kinè ndohi ambaɓihiaʼa, a kin sun mvi skwi man amba a wudahi kinè. Bab kinè te zhiklè a fenaʼa, aman a va ta skwi man amba a tengaʼa man ta jhèɗè azɓi ɗè?

Luke 15:18

I woya man i slèmbèɗè, a i dè a sam bab ga, a i gaɗa na: Bab ga, i gu malai a sam Zhiklè, a sam ngaya.

Luke 15:21

A kra nengaʼa a ngaɗa na: Bab ga, i gu malai a sam Zhiklè, a sam ngaya. Ani haha ka bahayè kra ngaya ɓai!

Luke 2:14

Nʼnjèlè a sam Zhiklè te géɗèʼa, gumai a herkeda, a sam ndohai man Zhiklè a va ta pombai!

Jean 20:17

A Yèsu a ngaɗa na: Ka gsiyè a ri ɓai, aman i da a deɓa a sam Bab ga di ɓai! Aman do a sam kramamhi ga, a ka gaɗa ta: Na haha, i dè a sam Bab ga, a sam Bab kinè, a sam Zhiklè ga, a sam Zhiklè kinè.

Romans 1:7

Zhiklè a woy kinè tèlèba, a baha kinè a ndohi nengaʼa nkezlaʼa: Pombai a nda kinè, a gumi te Zhiklè, Bab nga, a Bi Yèsu Kristi.

Romans 8:15

Aman kin ngatsa Mèzhèɓ man a ga kinè ɓèlè ɓai, a kin gi zlau. Aman kin ngotso Mèzhèɓ man a ndeda kinè a wudahi Zhiklè man kin baha na Zhiklè: Abba, Bab nga!

Galates 1:1

Paul, ndo sak Zhiklè, man ndo a nfau, a nzlündo ka ɓai, aman Yèsu Kristi, man Zhiklè Bab nga a nslambaɗda te ndev ndohi mʼmetsaʼa;

Galates 4:6

Anai kinè wudahai, man Zhiklè a zlündo Mèzhèɓ kra nengaʼa a ndav kinè, man a gaɗa: Abba, bab ga!

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.

Apocalypse 4:11

Bai, Zhiklè nga, ka amba man ta slébèrdè nʼnjèl ngaya a wuɗi ngaya, te man ka gu skwi tèlèba. A géɗ man ka woyaʼa ta zhè, ta gaʼa.

Apocalypse 5:12

a ta boho a wuɗai: Kra tambak, man ta zlama na daʼai, amba, a slaha a ncè wuɗi bai, a mèshèlè, a maya, wuɗai a nslébèrdè, a nʼnjè-lè, a nshid gèɗ.