Matthew 5:5 - Ma Zhiklè

⁵ Mwuffè a sam ndohi man ndav lübekwaʼa; aman ta da gi a ndohi-nʼndi-herkeda.

Mofa New Testament

⁵ Mwuffé a sam ndohi man ndav lüɓekwa'a; aman ta da gi a ndohin'ndiherkeda.

Matthew 5:5 Iomraidhean Croise

Psaumes 147:6

Ndo nzi pèc pècèk a slambaɗda ta gèɗ a ndohi man ta manda ta gèɗ a hai, a wushede ta ndohi ambaɓihiaʼa a hai.

Psaumes 149:4

Aman Ndo nzi pèc pècèk a wuffè a géɗ ndohi nengaʼa. A mbel ta ndohi nengaʼa man ta manda ta gèɗ a hai.

Psaumes 22:26

I woya man a i slébèrdè ka te ndev ndohi Zhiklè mɓicaʼa a vata. I woya man a i gi ara ma ga man i gaɗda hai a sam di tengaʼa man ta slébèrdèʼa a zlau.

Psaumes 25:13

Géɗ va nengaʼa a da zhè a ma-nam, ndohi te verzi nengaʼa ta da kwèr herkeda.

Psaumes 25:9

A ngra ta civèɗ a ndohi man ta manda gèɗ a hai, a ta jèjèr ma kita nengaʼa, a slebda ta civèɗ nengaʼa a ndo-hai man ta manda gèɗ a hai.

Psaumes 37:11

Aman ndohi a ndav lüɓok-waʼa ta da ndi kokwar, a ta da wuffè a géɗ gumi man a zhè a vata.

Psaumes 37:22

Aman ndohi man Ndo nzi pèc pècèk a pshè ta ma, ta ndi kokwar; ndohi man Zhiklè a phomde ta, ta zi ta.

Psaumes 37:29

Ndohi nzuraʼa ta da ndi kokwar, a ta nzi te pa a ma ma a mèdèp.

Psaumes 37:34

Zhor Ndo nzi pèc pècèk, gso civèɗ nengaʼa, a nengaʼa a da nzal ka, a ka kwèr herkeda. Ka da rka ara man ndohi ambaɓihiaʼa ta gédèsh ta.

Psaumes 37:9

Ndohi man ta gi skwi man ambaɓai, ta zi ta, aman ndohi man ta zhèr Ndo nzi pèc pècèk ta da ndi kokwar.

Psaumes 69:32

A da ambaha Ndo nzi pèc pècèk, a fena zlèhai, a fena marai ndrom te gèɗ a kotèkwèr.

Esaie 11:4

A da gi kita ndohi ntawassaʼa zuraʼa. Aman ndohi mbelawa ta dè kita, a ga ta kita a di na a di na. Ma nengaʼa nara gada ntsi ndo shèwa. Nshèffè man a shkè auda te ma nengaʼa a bazl ta ndohi ambaɓihiaʼa.

Esaie 29:19

Mbela-wahai ta da wuffè zaʼa, a géɗ Ndo nzi pèc pècèk, a ndohi ntawassa holholaʼa ta slébèrdè Zhiklè Israel nkezlaʼa.

Esaie 60:21

Ndohi kokwar ngaya tèlèba, ndohi nzuraʼa, ta co kokwar a mèdèp; tengaʼa skwi man a nftsa a sam ga, i gau a ri ga, aman a nzalyè.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Nombres 12:3

Moise, ndo a ndav lüɓekwaʼa, a fena ndohi ngiɗè tʼherkeda tèlèba.

Matthew 11:29

Va-kelawda wof nte daʼai ga a daʼai kinè, va-slebau a sam ga! Aman iyè, i ndo man ndav lüɓekwaʼa, a i manda gèɗ ga a hi a sam tèlèba; a ndav kinè a ngècè nshèk va.

Matthew 21:5

Va-gaɗa na kokwar Sion: Na haha Bi ngaya a shkè a sam ngaya, a ndav amba, a deɓ kɗèh, man a zhüɓ skwai, gol kɗèh.

Romans 4:13

Abraham a ndohi te verzi nengaʼa ta ngots mpèsl rai, aman ta ndi a ndohi nʼndi herkeda. Ta ngatsa te ma kita ɓai. Aman ta ngotso a géɗ ncè-a-ndav man a ge ta a ndohi nzuraʼa.

Galates 5:23

ndav nlüɓekwaʼa, ngshè va; ma kita Zhiklè a gedassa skwi haha azɓai!

Ephésiens 4:2

Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

1 Timothy 6:11

Aman ka, ndo Zhiklè, hu ngaya a skwi haha, dzodzor ngi-zuraʼa: zlau Zhiklè, ncè-a-ndav, mwoy-ndo a ndav, nzhèr skwia dai, ndav nlüɓekwaʼa.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Titus 3:2

ta dérɗè ndo azɓai, ta gi ndav azɓai, ta woy va ta, ta ngreda ndav nlüɓekwaʼa auda a sam ndohi tèlèba.

Jacques 1:21

Gar haha, va-suɗa skwi nlizhèa, a maya ambaɓiaʼa tèlèba auda a va. Vo-co ma mbelaʼa man ta zlekeda a ndav kinè, a ndav nlüɓekwaʼa. Aman nengaʼa a slaha a mbela nshèffe kinè.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

1 Peter 3:4

Aman a woy va kinè ntila tʼhwaɗaʼa, a skwi te ndav man a gédè-shè azɓai, a mèzhèɓ nlüɓekwaʼa, a gumai. Nasa skwi mbiaʼa a sam di Zhiklè.