Matthew 5:16 - Ma Zhiklè

¹⁶ Gar haha va-gu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Mofa New Testament

¹⁶ Gar haha vagu aman skwi nhél sam kinè a hél sam a sam di ndohai, aman ta rka mizlinè kinè man amba, a ta slébèrdè bab kinè te zhiklè.

Matthew 5:16 Iomraidhean Croise

Exode 34:35

A ndohi Israel ta rka medi Moise nhela. A Moise a nʼngheda di na a maslaka, ha a ndè a deɓa a gi zaʼa, aman ta gèdè a Ndo nzi pèc pècèk.

Proverbes 4:18

Civèɗ ndohi nzuraʼa, nara skwi nhél sam man a hél sam a ma ma, ha géɗ pats.

Esaie 58:8

Te deɓaʼa skwi nhél sam ngaya a shkè auda ara pats wushèr, a mbel ka tsam tsam. Ngi-zuraʼa a dè a ma ngaya, nʼnjèl Ndo nzi pèc pècèk a dzadzar ka te deɓa.

Esaie 61:3

A ta ngècè mpèɗè gèɗ te di man a mèrwèc, mbar a va te di man a maslaká sam kuɗa, dimèsh te di man a nlèyè, a ta baha ta ‘wof ngi-zuraʼa’, ‘gi lak Ndo nzi pèc pècèk’, man a nzala va na a vna.

Matthew 23:5

Aman skwi tèlèba ta gi a sam di ndohi genè. Ta ngreda ɗèlèwèr mbiaʼa, man ta tsi ri a vna, a bècècèr maslaka mbiaʼa.

Matthew 23:9

Ko wawa kin baha na bab kinè ɓai, aman Bab kinè staɗgenè, nengaʼa man a zhè te zhiklè te géɗèʼa.

Matthew 5:45

aman kin ndi a wudahi Bab kinè te zhiklè. Nengaʼa a gi aman pats a vèngè a géɗ ndohi ambaɓihiaʼa, a géɗ ndohi man amba, a gi aman iyam a shkèhai a géɗ ndohi nzuraʼa, a géɗ ndohi nzura ka ɓai, cèw ba.

Matthew 6:16

Aman kin jèkeda skwi nʼndai, kin da gursa di ɓai, ara ndohi nʼngwèdè ndo. Tengaʼa ta min dai, aman ndohi ngiɗè ta rkaʼa, ara man ta jèkeda skwi nʼndai. A vava i gaɗa kinè: Ta ngots skwi ntul ta ma.

Matthew 6:9

Ani haha sèi kin tsi ri arsa: Bab nga, man ka zhè te zhiklè te géɗèʼa.

Matthew 9:8

Aman ndohi rèdèdèa ta rkaʼa, ta gu zlau, a ta slubordo Zhiklè, man a va ta wuɗi mbiaʼa arsa a ri ndohai.

Luke 11:2

A nengaʼa a ngaɗa ta: Aman kin tsi rai, va-gaɗa: Baba, a woy ta kezla nzlembaɗ ngaya. Kokwar-bi ngaya da shkè.

Jean 15:8

Gar haha nʼnjèl Bab ga, aman nyi nshèffè kinè a zhè kumba, a kin ndi a golahi ga.

Actes 9:36

Te Joppé, dem Yèsu ngiɗè a zhè, nzlembaɗ na Tabitha (a daʼai grec Dorcas, ara ngèɗè ‘mènèɗ’). Nengaʼa a ngu skwi man amba kumba, a mva ta skwi a ndohai.

1 Corinthians 14:25

Skwi man nʼngheda te ndav na a ngredkoɗauda, a nengaʼa a dè kèlèhai a deɓ sak tengaʼa, a tsi ri a Zhiklè, a gaɗa: Zhiklè a zhè te ndev kinè a vava!

2 Corinthians 9:13

Mizlinè kinè haha a gi malwuɗai, a ndohi kumba ta slébèrdè Zhiklè, aman ta rka, ara man kin fi gèɗ a ma nengaʼa, a kin njè ma mbelaʼa te Kristi. A ta shid gèɗ a nengaʼa, a géɗ man kin takaha ta te skwi man ta ngatsa ɓai,

Galates 1:24

A ta slubordo Zhiklè kumba a géɗ ga.

Ephésiens 2:10

Aman nga skwi ri na, nʼngaʼa te Yèsu Kristi, aman nga gi mizlinè man amba, man Zhiklè a ntila nshèlèkuraʼa, a woya a nga giaʼa.

Ephésiens 5:8

Aman zlèzlèa kinè ruva, aman antanta kinè skwi nhél sam te Bi Zhiklè.

1 Thessalonians 2:12

A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

1 Timothy 2:10

Sèi ta gi mizlinè man amba; nasa ngwozi ta giaʼa, man ta woy a ta slébèrdè Zhiklè.

1 Timothy 5:10

a gre ta wudahai, a pi mbrokihi a gai, a pana ta sak a ndohi Zhiklè, a takaha ta ndohi matakwan, a gi mizlinè man amba tèlèba.

1 Timothy 5:25

Lèmèlèmè mizlinè man amba a ngrédè auda tsam tsam. Mizlinè ngiɗè, man ambaɓai, ta slaha nʼnghédè ɓai.

1 Timothy 6:18

Gaɗa ta, aman ta gi skwi man amba, mizlinè man amba kumba da gu a skwi mèshèlè tengaʼa; aman ta vi skwai, a ta woy ndo.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Titus 2:7

Gau skwi tèlèba, amba, aman ta slaha a ta pi di a ka, a ta lèmdè va ta a ka.

Titus 3:14

A woy ndohi nga ba da slebau, da gu mizlinè man amba, a ta takaha ta ndohi ngiɗè a vna, a skwi mbelaʼa a shkè auda te ncè-a-ndav tengaʼa.

Titus 3:4

Aman a pats man pombi Zhiklè, Bi mʼmbel nga, a mwoy ndo nengaʼa a ngudko va a dai,

Hébreux 10:24

Ngo-gokoy maya, ngiɗè a géɗ ngiɗè, ngo-büdokoy va nga, ngiɗè a ngiɗè, a nga woy ndo, a nga gi mizlinè man amba.

1 Peter 2:12

Va-nza a maya te gèɗ, te ndev ndohi nte deɓa; a tengahia man ta tsa kinè derngasl, ara man kin ndohi malihai, ta rka skwi man amba man kin giaʼa, a ta slébèrdè Zhiklè, a pats man a ncko skwi tèlèba auda a sam nhél sam.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 Peter 3:1

Lèmèlèmè kinè ngwozai: Va-fu gèɗ a ma baki kinè; a tengahiaʼa, man ta ca Zhiklè a ndav ɓai, kin bid ta, ko a ma genè ka ɓai, a géɗ maya nshèffè ngwozihi man amba,

1 Peter 3:16

Va-mbeɗa ta a ma a ndav nlüɓekwaʼa, a maya nlèɓèslè. Va-gu aman mèzhèɓ ndav kinè amba, a, tengahiaʼa man ta tsa kinè derngasl, man ta ngwossaha maya nshèffè kinè man amba te Kristi, ta ngècè hori a dai.

1 Peter 4:11

Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

1 Peter 4:14

Mwuffe a sam kinè, aman ta derɗe kinè a géɗ nzlembaɗ Kristi; aman Mèzhèɓ Zhiklè, Mèzhèɓ Zhiklè nʼnzalaʼa, a nzi a géɗ kinè.