Matthew 13:11 - Ma Zhiklè

¹¹ A Yèsu a mʼmbeɗa ta a ma: Skwi man nʼngheda te kokwar-Bi-Zhiklè, a kinè. Aman a tengaʼa ka ɓai.

Mofa New Testament

¹¹ A Yèsu a m'mbeƌa ta a ma: Skwi man n'ngheda te kokwar-Bi-Zhiklè, a kinè. Aman a tenga'a ka ɓai.

Matthew 13:11 Iomraidhean Croise

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Esaie 29:10

Aman Ndo nzi pèc pè-cèk a mva kinè Mèzhèɓ a ndav, a mpa kinè nzhunè a di tsektskaʼa, a ndèma ta dai a ndohi nhadka ma a ndohi nwèr skwai.

Esaie 29:11

A gu a sam kinè ara nhodko ma man ta windeda a ɗèlèwèr a ta tkotseda pa. Aman ta va na ndo ngiɗè, man a sun njèngè ɗèlèwèr, a ta gaɗa na: Jongo skwi haha! A nengaʼa a gaɗa: I slaha ɓai, ntkotsa a pa.

Esaie 35:8

Civèɗ mʼmbazla te pa, man ta baha na civèɗ nkezlaʼa. Ndo man ambaɓai a dè a pa azɓai. Civèɗ man ndohi nengaʼa ta da bizhè a pa. Ko ndo man maya na azɓai, a zi te pa azɓai.

Matthew 13:10

A golahi Yèsu ta shkè, a ta gaɗa na: Ka njè ta ma a ngèlègèɗ-ma èhèmè?

Matthew 16:17

Yèsu a mʼmbeɗa na a ma: Mwuffe a sam ngaya, Simon Pierre, kra Jonas! Aman ndo a ngra ka ka bai, aman Bab ga, man a zhè te zhiklè.

Matthew 19:11

Aman Yèsu a ngaɗa ta: Ma haha ndohi ta cè tèlè azɓai, sèi tengahia man Zhi-klè a nʼngra ta.

Matthew 20:23

Yèsu a ngaɗa ta: A vava kin da si a kokwi ga. Aman sam nʼnzi te civèɗ ri mandi ga, te civèɗ ri gula ga, nasa ma ga ka ɓai. Sam nʼnzi sa sèi a tengaʼa man Bab ga a tila ta a tengaʼa.

Marc 10:40

Aman nʼnzi te ri mandai, te ri gula ga, nasa ma ga ka ɓai. Sam nʼnzi sa sèi a tengaʼa, man Zhiklè a tila ta a tengaʼa.

Marc 4:11

A Yèsu a ngaɗa ta: Skwi man nʼngheda te kokwar-Bi Zhiklè a kinè. Aman a tengaʼa man ta tʼuda, ma a gi a ngèlègèɗ-ma,

Luke 8:10

A Yèsu a ngaɗa: Skwi nʼnghedaʼa te kokwar Bi Zhiklè kin ngotso, aman kin suna. Aman tengahi ngiɗè ta ngots a ngèlègèɗ-ma, aman ta wèrèʼa, ta rka ɓai; ta tsenaʼa, ta sun ɓai.

Jean 6:65

A ngaɗa ta: Gar haha i gaɗa kinè: Ndo ngiɗè a slaha a nshkè a sam ga azɓai, sèi Bab ga a va na civèɗ.

Jean 7:17

Ndo man a woya a ngi skwi ara man nengaʼa a woyaʼa, a slaha a ndèlèʼa: Njè-ma haha a shkè te Zhiklè dè, dè i goɗ te ma ga dè?

Actes 16:14

A ngwoz ngiɗè man a gi zlau Bi Zhiklè, nzlembaɗ na Lydie, ngwoz mpre maslaka, te kokwar Thyatire, a ntsenaʼa. A Bi Zhiklè a mwina ndav na, aman a fa na zlembaɗ a ma Paul.

Romans 11:25

Dalahimam ga, i woya aman kin sun skwi man nʼnghedaʼa, a kin dzodzor maya man kin ngotso a ri kinè ɓai: Reta Israel nʼngaʼa a mandazlai, ha pats man ndohi nte deɓa ta shkè a pa tèlèba.

Romans 16:25

Ngo-nzolokoy Zhiklè! Nengaʼa a slaha a nva kinè wuɗai, ara ma mbelaʼa man i njè kinè te Yèsu Kristi; skwi man nʼngheda te nhinkaɗ na te nengaʼa,

1 Corinthians 13:2

Ko man agassa i slaha a i hodko ma, a i sun skwi man nʼngheda tèlèba, a i ngots maya tèlèba, a ncè-a-ndav tèlèba, a i slaha a i cè za a i ngeda a sam ngiɗè, aman mwoy-ndo a ndav ga azɓai, iyè skwi ambalai.

1 Corinthians 15:51

Na haha i gaɗa kinè skwi man nʼnghedaʼa: Nga metsi nga tèlèba azɓai; aman va nga a da ngwèdèʼa tèlèba,

1 Corinthians 2:14

Ndo te nyakaɗ na a sun Mèzhèɓ Zhiklè ɓai, a sla na skwi nrzlaʼa, a slaha a nshinè ɓai. Skwi Mèzhèɓ Zhiklè, ta cinè sèi a Mèzhèɓ Zhiklè.

1 Corinthians 2:7

Aman i gèɗè ma maya Zhiklè, man nʼngheda a sam di ndohai, man herkeda nge di ɓai.

1 Corinthians 4:1

Gar haha ndohi tèlèba da rka nga ara ndohi mizlinè Kristi, a ndohi mɓer skwi man Zhiklè a nʼngheda.

1 Corinthians 4:7

Nʼnge ka a mbiaʼa man a fena ndohi ngiɗè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè?

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 1:9

Te nengaʼa a nʼngra nga skwi man Zhiklè a woyaʼa, nʼnghedaʼa, ara man ambaha.

Ephésiens 5:32

Skwi man nʼnghedaʼa haha mbiaʼa. I gèɗè te Kristi, a mpi ndohi Zhiklè.

Ephésiens 6:19

a géɗ ga ba, aman i slaha a i winè ma ga a mwuffè, a i njè skwi nʼnghedaʼa te ma mbelaʼa.

Colossiens 2:2

A va ta wuɗi a ndav ta, a ta hümdè te mwoy-ndo a ta shin skwi mbelaʼa tèlèba te Kristi.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

1 Timothy 3:9

a ta ɓir skwi nʼngheda te ncè-a-ndav ta, te mèzhèɓ ndav man amba.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.

1 John 2:20

Aman kin ngots Mèzhèɓ Zhiklè, a kin nza te nengaʼa nkezlaʼa, a kin tèlèba kin sun ma nzuraʼa.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!