Marc 3:2 - Ma Zhiklè

² A ta kotè Yèsu, aman ta rkaʼa: a da mbelaʼa a pats nshèk va dè? Ta hèsh maya aman ta slaha a ta pinèʼa.

Mofa New Testament

² A ta kotè Yèsu, aman ta rka'a: a da mbela'a a pats nshèk va Ƌè? Ta hèsh maya aman ta slaha a ta pinè'a.

Marc 3:2 Iomraidhean Croise

Psaumes 37:32

Ndo ambaɓiaʼa a pi va a ndo nzuraʼa, a woya a kéɗèʼa.

Jérémie 20:10

I tsena ndohi kumba ta ngryè: Skwi mwuɗitpa tèlèba! Va-püno! Nga da pinèʼa! Kinè mandalahi na tèlèba, va-pu vaʼa! Wa ngiɗè ba nga gshèʼa, a nga da a kita!

Daniel 6:4

Te deɓaʼa bihi kokwarhai ta woy a ta ngècè malai a sam Daniel te mizlinè man a ga na bai. Aman ta ngatsa skwa ɓai, ta ngatsa mali ɓai, te man nengaʼa nlèɓèslèʼa, a nhera na gèɗ a va miztinè pèc pècèk. Ta ngatsa skwa a sam na ɓai.

Matthew 12:10

Na haha, ndo staɗ a zhè te pa, ri nengaʼa ngwora. A ta dzhoɗo Yèsu, a ta gaɗa na: Amba aman ta mbel ndo a pats nshèk va dè? Ta hèsh maya, a ta gi ma a géɗ Yèsu.

Marc 3:3

A Yèsu a ngaɗa na ndo man ri ngwora Slambaɗ ngay auda te ndev tengaʼa!

Luke 14:1

Te deɓ nasa, a pats nshèk va, a ndo a gi bi ndohi pharisie ngiɗè, aman a ndi skwi te pa. A ta pu diaʼa.

Luke 20:20

A ta wèrèʼa, a ta zlinde ta ndohi nko-tèʼa; ta ngwoda va ta a ndohi nzuraʼa, a ta zeɓiaʼa: a gi mali te ma na ɗè? A ta woy a ta pinèʼa a sam ndohi mbibihiaʼa a kita ngomna.

Luke 6:7

A malamhai, a ndohi pharisie, ta kotè Yèsu, aman ta rkaʼa: A da mbelaʼa a pats nshèk va dè? Ta woya aman ta ngècè skwai a ta pinèʼa.

Jean 8:6

Ma haha ta gaɗa na, aman ta jkedaʼa. Ta woy maya aman ta pinèʼa. A Yèsu a nguɓda deɓa a hai, a mwindè tʼherkeda a rai.

Jean 9:16

A ndohi pharisie tsaɗ tsaɗ ta gaɗa: Ndo sa a shkè te Zhiklè ka ɓai, aman a hér pats nshèk va azɓai. Tengaʼá ngiɗè ta gaɗa: Ndo malai a slaha a ngi nrkedi arsa dè? A ta kezlaʼa.