Luke 3:11 - Ma Zhiklè

¹¹ A nengaʼa a mʼmbeɗa ta a ma: Ndo man a ngots maslaka cèw, da va na ndo man maslaka na azɓai. Ndo man a ngots skwi nʼndai, da gu lèmèlèmè arsa.

Mofa New Testament

¹¹ A nenga'a a m'mbeƋa ta a ma: Ndo man a ngots maslaka cèw, da va na ndo man maslaka na azɓai. Ndo man a ngots skwi n'ndai, da gu lèmèlèmè arsa.

Luke 3:11 Iomraidhean Croise

Ezéchiel 18:7

a gi wuɗi a ndo ngiɗè azɓai, a skwi man a nco a dua a mindè a deɓa, a gi metsar azɓai, a vi movar a ndo man mi a keɗaʼa, a va na maslaka a va ndo man adai,

Daniel 4:27

Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Matthew 25:40

Bai a ngaɗa ta: A vava i gaɗa kinè, aman kin gu arsa a sam mbelaw ndo staɗ te ndev kramamhi ga haha, kin gay a iyè.

Luke 11:41

Nshèlèkuraʼa va-va na skwi a Zhiklè, te skwi man kin ngotso. A na haha, skwi tèlèba a ngaʼa a skwi mpanaʼa a sam kinè.

Luke 18:22

A Yèsu a ntsena ma nengaʼa, a ngaɗa na: Njèkaʼa a sam ngaya skwi staɗ: Preda skwi ngaya tèlèba a ma, kezla ta ndohi ntawassaʼa, a ka ngècè skwi mèshèlè te zhiklè te géɗèʼa; a ka shkè, dzadzarkayè!

Luke 19:8

Aman Zachée nzlatsa, a ngaɗa na Bai: Na haha, Bai, rèta skwi ga, i da va ta ndohi ntawassaʼa. Man i co skwi ndo ngiɗè a wuɗai, i menda na a deɓa, a gi fad ba.

Jean 13:29

Ngiɗèhi ta huro: gozhèm te ri Judas, Yèsu a woya man a shum skwi ngolala tengaʼa, a va ta skwi a ndohi ntawassàʼa.

Actes 10:2

a woy Zhiklè, a gi zlau Zhiklè, a ndohi gi nengaʼa tèlèba. A vi skwi a ndohi kumba, a tsi ri a Zhiklè pèc pècèk.

Actes 10:31

a ngaɗa: Corneille, Zhiklè a nco ntsi ri ngaya, a nhur skwi man ka va ta ndohai.

Actes 10:4

A nengaʼa a mpu diaʼa, a ngu zlau, a ngaɗa: Bi Zhiklè, mè? A nengaʼa a ngaɗa na: Zhiklè a nco ntsi ri ngaya, a skwi man ka va ta ndohai ambaha.

Ephésiens 4:28

Ndo man a ngu metsar, da gu metsar te deɓaʼa asaɓai, aman da gu mizlinè, da gu skwi man amba a ri na, aman a ngècè skwai, a va ta ndohi ntawassaʼa.

1 Timothy 6:17

Ngreda ta ndohi mèshèlè, man ta zhè tʼherkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba.

1 Timothy 6:18

Gaɗa ta, aman ta gi skwi man amba, mizlinè man amba kumba da gu a skwi mèshèlè tengaʼa; aman ta vi skwai, a ta woy ndo.

Hébreux 6:10

Aman Zhiklè nzuraʼa, a mizlinè kinè tèlèba, man kin gau a nzlembaɗ na, mwoy-ndo kinè man kin takaha ta ndohi Zhiklè a vna, ko ani ba kin takaha ta dai, a pca na a gèɗ azɓai.

Jacques 1:27

Njèjèr Zhiklè zuraʼa, lizhèɓiaʼa, a sam di Zhiklè, Bab nga, aranta: Nwèr di mbelawhai, a ngwozi mazihi te nlèyè tengaʼa; mɓir va aman skwi herkeda a lizhèʼa azɓai.

Jacques 2:14

Ndo a ngècè mè, dalahimam ga, aman a gaɗa: i co a ndav, te deɓaʼa a gi skwi ara man a nca a ndav ɓai. Ncè-a-ndav arsa a slaha man a mbelaʼa ɗè?

1 John 3:17

Ndo man a ngots skwi a géɗ herkeda haha, a rka kramam nengaʼa ntawassa, a sassaya ndav na a sam nengaʼa, mwoyndo Zhiklè nengaʼa tema?

1 John 4:20

Ndo man a gaɗa: I woy Zhiklè, aman a gi shèwa a kramam nengaʼa, ndo ncè-kèlma. Ndo man a woy kramam nengaʼa, man a rkaʼa a di ɓai, a slaha a nwoy Zhiklè, man a rkaʼa ʼbi ɗè?