Luke 21:1 - Ma Zhiklè

¹ A Yèsu a mpu dai, a nrka ta ndohi mèshèlè, ta pi skwi man ta va na Zhiklè a koti sulai.

Mofa New Testament

¹ A Yèsu a mpu dai, a nrka ta ndo hi mèshèlè, ta pi skwi man ta va na Zhiklè a koti sulai.

Luke 21:1 Iomraidhean Croise

I Rois 14:26

A helda skwi mèshèlè te gi Zhiklè, a skwi mèshèlè te gi bai, tèlèba a ma, a gambar guro, man Salomon a ngau.

II Rois 12:9

Jehojada, ndo mvi skwi a Zhiklè, a nco kotai, a nzlünko te ndevaʼa, a mfeda a tsagi sam mvi skwi a Zhiklè, a ntamagi Ndo nzi pèc pècèk, te civèɗ ri mandai. Ndohi mvi skwi a Zhiklè, man ta ɓer ntamagai, ta feda Suli tèlèba a pa, man ndohi ta hulkoɗi a gi Ndo nzi pèc pècèk.

II Rois 24:13

A nhelda skwi mèshèlè te gi Ndo nzi pèc pècèk ba, a skwi mèshèlè te gi bi ba, tèlèba a ma, kolongwi guro man Salomon, bi Israel, a gau, te gi Ndo nzi pèc pècèk, a mbazla tèlèba, lèmèlèmè ara Ndo nzi pèc pècèk a nhodko ma.

II Chroniques 36:18

Nebucadnetsar a nhelda kolongwi gi Zhiklè a kokwar Babylone, mbiaʼa a nkèshèʼa, skwi mèshèlè gi Ndo nzi pèc pècèk, a skwi mèshèlè bai, a tsuvomhi nengaʼa.

Néhémie 13:13

A i ga Shélémia, ndo mvi skwi a Zhiklè, a Tsadok, ndo ɗèlèwèr, a Pedaja, te va ndohi Lévi, a nda Hanan, kra Zaccur, te verzi Matthania, a ndo mɓer gi mɓicè skwai. A vava tengaʼa ta rka ta ara ndohi nlèɓèslèʼa. Mizlinè tengaʼa, aman ta kezla ta skwi a kramamhi ta.

Matthew 27:6

A ndohi mvi skwi a Zhiklè mbibihiaʼa ta hul sulai, a ta gaɗa: Ambaɓai aman nga feda a sam skwi man nga va na Zhiklè; aman suli haha, suli man pombaz a géɗèʼa.

Luke 20:47

A ta ndi gi ngwozi mazihai, a ta gi ara man ta tsi ri kumba, a sam di ndohai. Kita tengaʼa a gi wuɗitpa holholaʼa.

Jean 8:20

Ma haha Yèsu a ngaɗa ta a sam koti sulai, man ta cèkèlè Suli a Zhiklè. A njè ta ma te gi Zhiklè, aman ta gsa ɓai, ko staɗ, te man tiɗè sam mana nengaʼa di ka ɓai.

Josué 6:19

Aman gurso a guro, kolongwi züdo a kolongwi verzhègenè, skwi nkezlaʼa a sam Ndo nzi pèc pècèk. Do do a va skwi mèshèlè Ndo nzi pèc pècèk.

Josué 6:24

Ta fa na vogwa a kokwar a skwi tèlèba te pa. Sèi gurso a guro, a kolongwi züdo a verzhègenè, ta daʼa a va skwi mèshèlè te gi Ndo nzi pèc pècèk.