Joel 2:1 - Ma Zhiklè

¹ Va-tsu tolom te Sion, va-guzlau a géɗ za ga nkezlaʼa! Ndohi te kokwar tèlèba, va-gudzau! Aman pats kita Ndo nzi pèc pècèk a zhè, a zhè ndul ndul ma.

Joel 2:1 Iomraidhean Croise

I Chroniques 15:28

Aranta ndohi Israel tèlèba ta da koti nderzlè-ma Ndo nzi pèc pècèk a pa a mwuffe, a dimèsh, a ntsi tolom, a dasal, a ganzavar, a tèzlèzlèu.

Psaumes 119:120

Zlau ngaya a slambaɗday gwots gelaki a va; i gi zlau kita ngaya.

Psaumes 87:1

Psaume ndohi Koré. Dimèsh. Skwi man Ndo nzi pèc pècèk a mpau a gèɗ za nkezlaʼa, a woya kumba.

Exode 10:14

A dzarai a nshkè a géɗ kokwar Egypte tèlèba, a ta nza a kokwar ndohi Egypte tèlèba, ɗekɗekaʼa. Dzari zlèzlèa a nshkè aranta ɓai, ko pats ngiɗè ba a da shkè arsa azɓai.

Esaie 13:6

Va-kuɗau! Aman pats kita Ndo nzi pèc pècèk a zhè ndul ndul, a shkè a ngé-dèshè ndo, a wuɗi nengaʼa, Bi wuɗai.

Esaie 13:9

Na haha, pats kita Ndo nzi pèc pècèk a shkè, wuɗitpa, a ndzoan, a ndav mbiaʼa, a ngwèdè herkeda a hèshèkèɗ, a ndeva malihai a géɗ herkeda.

Esaie 2:12

A pats staü, Zhiklè bi mbiaʼa a shkè a gèɗ ndohi nfi va a ndohi ngrè gèɗ, a gèɗ skwi tèlèba man a woya a ngi a skwi mbiaʼa, a manda na gèɗ a hai:

Esaie 66:2

Ri ga a ngau skwi haha tèlèba man a zhè, nʼnga aranta, Ndo nzi pèc pècèk a gaɗa. Ndo man a manda gèɗ a hai, a ndav nengaʼa a mbèɗè, ndo man a gi zlau ma ga, i rkaʼa, a i pi di a nengaʼa.

Esaie 66:5

Kinè man kin gi zlau ma Zhiklè, va-tsena ma Ndo nzi pèc pècèk! Kramamhi kinè man ta gi shèwa a kinè, man ta kwol kinè a gèɗ nzlembaɗ ga, ta gada: Ndo nzi pèc pècèk da ngreda nʼnjèl na, a nga humda a mwuffè kinè! Aman ta dá ngècè hori a dai.

Jérémie 16:10

Aman ka da njè ta ma haha tèlèba a ndohi haha, ta da gada ka: Ndo nzi pèc pècèk a ga nga matakwan mbiaʼa haha èhèmè? Nga ga mali mè, nga ge skwi ambaɓiaʼa a sam Ndo nzi pèc pècèk, Zhiklè nga, mè?

Jérémie 16:7

Ndo a da ti ɗaf a sam kuɗa azɓai, aman a ndè bidè ndo a vna, a géɗ ndo nengaʼa, man a mʼmets na. Ndo a da va ta cil zom, a bid ta a vna, azɓai, ko man bab na a mʼmets na, ko mam na.

Jérémie 4:5

Va-ngreda ta ndohi Juda! Vo-goɗ te Jérusalem! Va-tsu tolom te kokwar. Vo-boho a vata! Va-haya va, ngo-dumokoy kokwarhi man ta ngala te pa!

Jérémie 5:22

Kin gi zlau ga azɓi dè? Ndo nzi pèc pècèk a gaɗa. Kin gudzi a sam ga azɓi dè? I pu wyak a kuma woyam mbiaʼa, kuma a mèdèp; a slaha a ntawaɗa ɓai. Iyam a hi a wuɗai, a slaha hai. A gi tskuduf-tskuduf, a slaha a nhi auda azɓai.

Ezéchiel 12:23

Gada ta: Bi Zhiklè a goɗ ar haha. I da; ndivè ngèɗ tengaʼa a haha, ta da gèɗè te Israel asaɓai. Aman sèi ka gaɗa ta: Pats a zhè ndul ndul ma, a skwi Zhiklè man a nrka ta a dai, a gai.

Ezéchiel 21:12

Aman ta da gaɗa ka: Ka sakat ngaya èhèmè? Ka gaɗa: A géɗ ma man i tsenaʼa. Aman a da gi arsa, ndav ndohi tèlèba a da mbéɗ na, ri tèlèba a wushahai, tukwal a te ndav ta bai, gur-mbèzh a ndi na. Na haha a shkè, na zhè ma, Bi Zhiklè Ndo nzi pèc pècèk a gaɗa.

Ezéchiel 30:3

Aman pats ngiɗè staɗ ndul ndul, pats Ndo nzi pèc pècèk a zhè ndul ndul, pats ruva ntéɗèɗikaʼa, a géɗ man tiɗè sam ndohi nte deɓa ma.

Ezéchiel 33:3

Man a rka tsakwal a shkè, a tsi tolom, a ngra ta ndohai, tsakwal a shkè ma!

Ezéchiel 33:6

Aman ndo mɓer kokwar a rka tsakwal, a tsi tolom azɓai, a ngra ta ndohi azɓai, a tsakwal a keɗa ndo ngiɗè, ndo sa a metsi na a gèɗ mali na; aman i da jhèɗè nshèffè nengaʼa te ri ndo mɓer kokwar.

Ezéchiel 7:10

Anai patsa a mshkè ma! Na haha a zhè ma! Ri wof a tsai, nfi va a gi holholaʼa.

Ezéchiel 7:12

Tiɗè samaʼa, patsa ndul ndul ma! Ndo mshum skwai da wuffa ɓai, ndo mprè skwai da hur gèɗ ɓai, aman ndzoan a mshkè a gèɗ ndohi tèlèba.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Daniel 9:16

Bi Zhiklè, ara man ndo a se ka te va pèc pècèk, jèkeda ndzoan ngaya, a ka gu ndav a gèɗ kokwar Jérusalem, za ngaya nkezlaʼa, asaɓai; a gèɗ mali nga, a gèɗ mphömè bababhi nga, Jérusalem a ndohi ngaya ta ga a skwi man ndohi a tsagi nga tèlèba ta ngwèshè a pa.

Daniel 9:20

Aman i gèɗè dai, a i tsi ri dai, a i nju ma mali ga a mali ndohi Israel, ndohi ga, dai, a i tsu ri mbuh mbuh a sam Ndo nzi pèc pècèk, Zhiklè ga, a géɗ za Zhiklè ga nkezlaʼa,

Osée 5:8

Va-tsu tolom te Guibea! Va-voɗo shingelèk te Rama! Va-guzlau te Beth-Aven! Ta dzar ka, Benjamin!

Osée 8:1

Tsu tolom! Kala ta va a ndohi gi Ndo nzi pèc pècèk, ara mangayak, a géɗ man ta tawaɗaha nderzlè-ma ga, a ta gu malai, a ta jèkeda ma kita ga.

Joel 1:15

Wobau a pats nasa! Pats Ndo nzi pèc pècèk a zhè ndul ndul. A shkè ara skwi ngedassa skwai te ri Bi Zhiklè wuɗai.

Joel 2:11

Ndo nzi pèc pècèk a mboho a ma ndohi var nengaʼa. Ndohi var nengaʼa kumba, a skwi man nengaʼa a ngaɗa ta, ta gia a wuɗai. Pats kita Ndo nzi pèc pècèk, pats mbiaʼa, mwuɗitpa a vata. Nslaha a nzlècè a pa wa?

Joel 2:15

Va-tsu tolom te Sion! Vo-boho aman ta jèkeda skwi nʼndai, va-ɓic ta mpi ndohai!

Joel 2:31

Pats a da ngwèdè va na a ruva, a kia a da ngwèdè va na a Pombaz; te deɓaʼa pats kita Ndo nzi pèc pècèk a shkè, pats mbiaʼa, mwuɗitpa.

Joel 3:14

Ndohi rèdèdèʼa, ndohi rèdèdèʼa ta a dal kita, aman pats kita Ndo nzi pèc pècèk, ndul ndul.

Joel 3:17

Kin da suna, i Ndo nzi pèc pècèk, Zhiklè kinè, man i zhè te Sion, za ga nkezlaʼa. Jérusalem, kokwar nkezlaʼa, ndo nte deɓa a da bizhè a pa azɓai.

Amos 3:6

Ta tsi tolom te kokwar, a ndohi ta gudzi azɓi dè? Matakwan ngidè a zhè te kokwar, man Ndo nzi pèc pècèk a sun ɓi dè?

Amos 5:18

Wobau a géɗ tengaʼa man ta woy pats kita Ndo nzi pèc pècèk a shkè. Pats Ndo nzi pèc pècèk a takaha kinè te mè?

Amos 8:2

A ngaâa: Amos, ka rka mè? A i gaɗa: I rka gadagar a nyi wof te pa. A Ndo nzi pèc pècèk a ngaɗayè: Ndike-ma skwai a shkè a géɗ ndohi Israel ma!

Abdias 1:15

Pats Ndo nzi pèc pècèk a zhè ndul ndul a sam ndohi herkeda tèlèba.

Sophonie 1:14

Pats Ndo nzi pèc pècèk, pats mbiaʼa, a zhè ndul ndul ma, a shkè tsam-tsam. Fu zlembaɗ! Pats Ndo nzi pèc pècèk nzhurtüktükaʼa, ko ngul ndo a da kuɗai.

Sophonie 1:16

Pats tolom, pats nguzli var, a géɗ kokwar nʼngala te pa, a géɗ gi ngurèʼa zlazlar sa.

Sophonie 1:7

Va-nza tètè a sam Ndo nzi pèc pècèk, te man pats Ndo nzi pèc pècèk a zhè ndul ndul ma. Ndo nzi pèc pècèk a ntil skwi man a zlèhaʼá, a baha ta ndohi a pa.

Sophonie 3:11

A pats nasa ka ngècè hori a di azɓai a géɗ skwi man ambaɓai man ka gu a sam ga. A pats nasa i preka ta ndohi nfi va ngaya auda te va kinè, a ka grè gèɗ a géɗ za ga nkezlaʼa asaɓai.

Zacharie 14:1

Na haha, pats Ndo nzi pèc pècèk a shkè, ta da kezli skwi ɓèlè te ndev kinè.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.

Nombres 10:2

Gau tolom gurso cèw. Vüdo, a ka baha ta mpi ndohai asam mɓicè-va a vna. Tsu tolom aman ndohi ta jèkeda samaʼa a ta dè a ma ma.

Nombres 10:3

Aman ndohi cèw ta tsi tolom, mpi ndohai sèi ta bicè va a sam ngaya a ntamagi mɓicè-va.

1 Corinthians 14:8

Aman tolom a slhe ɓai ɗuv-ɗuvaʼa, ntil va na a ndè var wa?

Philippiens 2:12

Gar haha kinè dalahimam ga, ara man kin fi gèɗ a ma ga pèc pècèk, va-gu arsa man i zhè a sam kinè genè ka ɓai, aman ko antanta ba, man iyè az a sam kinè ɓai. Va-gu a zlau a ngudzai, aman kin mbél kinè.

1 Thessalonians 5:2

Aman kinè a ri kinè kin sun a vava, pats Bai Yèsu a di a shkè ara ndo metsar a vaɗ.

Jacques 5:8

Kinè ba, vo-zhor skwi a ma ma, va-nzala ndav kinè, aman Bai Yèsu a shkè ndul ndul.

1 Peter 4:7

Ndikè-ma skwi tèlèba a herdeka nga va ma. Gar haha, va-nza a nshèffè a maya, a ntsi rai.

Apocalypse 6:17

Aman ndzoan nengaʼa mbiaʼa a mshkè ma. Nslaha a nzlècè wa?