Exode 7:16 - Ma Zhiklè

¹⁶ a ka gada na: Ndo nzi pèc pècèk, Zhiklè ndohi Hébreu, a nzlinde-kayè a sam ngaya, a gada ka: Va ta civèɗ a ndohi ga, a ta dè a ta da slébèrdyè tʼhè-shèkèɗ. Ha patsna ka ndè zlembaɗ ngaya.

Exode 7:16 Iomraidhean Croise

Exode 10:3

A Moise a Aaron to do a sam Pharaon a ta gada na: Ndo nzi pèc pècèk, Zhiklè ndohi Hébreu, a gada: Ta ngèmè ka woy a ka manda gèɗ ngaya a hi azɓai a sam ga? Va ta civèɗ a ndohi ga, a ta da slèbèrdyè!

Exode 13:15

Aman Pharaon a woya a nva ta civèɗ ɓai, a tsena gèɗ ɓai, Ndo nzi pèc pècèk a mbazl ta tsuvomhi te kokwar Egypte tèlèba, tsuvom ndohai, a tsuvom skwai; gar haha i zla na skwi tèlèba, tsuvom skwai, man ngurhiaʼa, a Ndo nzi pèc pècèk. Tsuvom wud ngurhi ga, i humbèɗèʼa.

Exode 14:5

Aman ta ngra na bi Egypte, ndohi ta hu ta ma, ndav Pharaon a golahi nengaʼa a nʼngwode na, a géɗ ndohi Israel, a ta gada: Nga ge be mè, aman nga va ta civèɗ a ndohi Israel, a ta da ga nga mizlinè asaɓai.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Exode 3:13

A Moise a ngaɗa na Zhiklè: Na haha, aman i do do a a sam ndohi Israel, a i gada ta: Zhiklè bababhi kinè a nzlindekayè a sam kinè, a ta da dzhaɗyè: Nzlembaɗ na wa? i da mbeɗa ta a ma kè?

Exode 3:18

A ta da cinè ma ngaya. Aman kinè a ndohi nhalaʼa sèi kin dè a sam bi Egypte, a kin da gaɗa na: Ndo nzi pèc pècèk, Zhiklè ndohi Hébreu, a ngudoko nga va a dai. Va nga civèɗ, a nga dè hèshèkèɗ, nga mènè a civèɗ makar, a nga zli skwi a Ndo nzi pèc pècèk, Zhiklè nga.

Exode 4:22

Te deɓaʼa ka da gada na Pharaon: Ndo nzi pèc pècèk a goɗ ar haha: Israel kra ga, tsuvom ga.

Exode 4:23

I fa ka ma a gèɗ: Va na civèɗ a kra ga, da gu mizlinè ga! Aman ka da woya bai, na haha i da keɗa kra ngaya, tsuvom ngaya.

Exode 7:4

Pharaon a da cinè ma kinè azɓai. Te deɓaʼa i woy a i tara ta ri a di a ndohi Egypte, a i de ta ndohi Israel mɓicaʼa, ndohi ga, auda te kokwar Egypte, a kita mbiaʼa man i ga ta ndohi Egypte.

Exode 8:1

A Ndo nzi pèc pècèk a ngaɗa na Moise: Gaɗa na Aaron: Tarda gada nte ri ngaya a géɗ woyam, a wurrihai, a drav iyamhai, a mproko kudofihai auda a géɗ kokwar Egypte.

Exode 8:20

A Ndo nzi pèc pècèk a ngu arsa: zlra ɗekɗekaʼa ta hi a gi Pharaon, a gi golahi nengaʼa, te kokwar Egypte tèlèba, a ta sau matakwan tèlèba a géɗ zlra.

Exode 9:1

Te deɓaʼa Ndo nzi pèc pècèk a ngaɗa na Moise: Do a sam Pharaon, a ka gada na: Ndo nzi pèc pècèk, Zhiklè ndohi Hébreu, a gada: Va ta civèɗ a ndohi ga, a ta gi mizlinè ga!

Exode 9:13

A Ndo nzi pèc pècèk a ngaɗa na Moise: Angoslèm a prèk te gai, do a sam Pharaon, a ka gada na: Ndo nzi pèc pècèk Zhiklè ndohi Hébreu, a gada: Va ta civèɗ a ndohi ga, a ta da slèbèrdyè!

Esaie 45:13

I baha na Cyrus a ma nzuraʼa, a i tila na civèɗ tèlèba. Nengaʼa a da ɗaɗaya kokwar ga, a da pre ta ndohi ɓèlè ga auda, a suli ka ɓai, a skwi mpil gèɗ ka ɓai, Zhiklè bi mbiaʼa a gaɗa.

Jérémie 50:33

Zhiklè bi mbiaʼa a goɗ ar haha: Ndohi Israel a ndohi Juda ta tʼhai, ta ga ta matakwan. Ndohi tèlèba man ta hel ta a ɓèlè, ta gs ta hai, ta woy a ta pre ta ɓai.