Exode 6:7 - Ma Zhiklè

⁷ I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Exode 6:7 Iomraidhean Croise

Genèse 26:3

Nza a kokwar haha a mbrok, i woy a i zhè a nda ka, a i pshè ka ma. Aman i woy a i va ka herkeɗa haha tèlèba, i woy a i va ka a ndohi verzi ngaya, a i gi ara man i mbaɗa na a Abraham, bab ngaya.

Genèse 28:13

Na haha Ndo nzi pèc pècèk a nzlatsa te géɗèʼa, a ngaɗa na: I Ndo nzi pèc pècèk, Zhiklè Abraham, bab ngaya, a Zhiklè Isaac: herkeda man ka mana a pa, i da va ka, a wudahi ngaya.

I Rois 20:28

A ndo Zhiklè a nherda na va a bi Israel, a ngaɗa: Ndo nzi pèc pècèk a goɗ ar haha: A géɗ man ndohi Syrie ta gada: Ndo nzi pèc pècèk, Zhiklè nte za, Zhiklè a dala ka ɓai, i da pe ta ndohi rèdèdèa haha tèlèba a ri ngaya, a kin da suna, i Ndo nzi pèc pècèk.

I Rois 8:60

A ndohi a gèɗ herkeda tèlèba ta suna, Ndo nzi pèc pècèk, nengaʼa Zhiklè staɗgenè, Zhiklè ngiɗè azɓai.

Néhémie 1:10

Tengaʼa ta ɓèlèlihi ngaya, ndohi ngaya, man ka preka ta auda a wuɗi ngaya mbiaʼa, a ri ngaya man wuɗi na zhè.

Psaumes 100:3

Va-suna, Ndo nzi pèc pècèk, nengaʼa Zhiklè: nengaʼa a nge nga, nga a nengaʼa, nga ndohi na, a tambakhi te va rèwè nengaʼa.

Psaumes 81:6

Zhiklè a ngau malwuɗi haha te Joseph, aman a njèkeda kokwar Egypte. A ntse-na ngèɗè ngiɗè man a sun bai, man a gaɗa:

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 14:18

A ndohi Egypte ta da suna, i Bi Zhiklè, aman i ngreda nʼnjèl ga auda a sam Pharaon, a sam kiki var nengaʼa, a sam ndohi plès nengaʼa.

Exode 14:4

A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.

Exode 15:16

Zlau a ndza ta, zlau a nkeda ta va a hai, a géɗ wuɗi ri ngaya, a ngwor ta wofaʼa. A ndohi ngaya ta beza a pa aranta, Ndo nzi pèc pècèk, ndohi man ka ngatska ta auda, ta beza a pa.

Exode 15:2

Ndo nzi pèc pècèk, wuɗi ga, dimèsh nslébèrdè ga, a nde na a skwi mbelyè. Nengaʼa Zhiklè ga, i woy a i shida na géɗ, Zhiklè bab ga, i woy a i nzalaʼa.

Exode 16:12

I tsena ma ndav ndohi Israel. Gada ta aranta: A dakwaɗ kin da ndi zluèd, a prèk movar, a kin ngézhè, a kin da suna, iyè Ndo nzi pèc pècèk, Zhiklè kinè.

Exode 16:6

A Moise a Aaron ta gada ta ndohi Israel tèlèba: A dakwaɗ kin da shinèʼa, nengaʼa man a nhelka kinè auda te kokwar Egypte, Ndo nzi pèc pècèk.

Exode 2:11

A pats ngiɗè, man Moise gola ma, a ndo auda a sam kramamhi na, a nrka aman ta ngazl ta a sam mizlinè. A nrka, ara man ndo Egypte ngiɗè a tsu kramam nengaʼa, ndo Hébreu.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 7:17

A géɗ nengaʼa Ndo nzi pèc pècèk a gada: Ka shinèʼa, i Ndo nzi pèc pècèk, te skwi haha: A gada te ri ga a haha, i tsi iyam te woyam, a ndi na a Pombaz.

Esaie 41:20

Tèlèba ta da rkaʼa, a ta suna, ta her gèɗ, a ta co a ndav: skwi haha a shkè te ri Ndo nzi pèc pècèk; Zhiklè Israel nkezlaʼa a ngau.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 49:26

Ndohi nʼngeda ka matakwan, i va ta zluèɗ va ta, a ta ndiaʼa, a ta si pombaz ta, a ta ngeza ara zom man a keɗ ta. A herkeɗa tèlèba a suna, iyè, Ndo nzi pèc pècèk, i takaha ka; wuɗi Jacob man a mbel ka.

Esaie 51:15

Iyè Ndo nzi pèc pècèk, Zhiklè ngaya, man i geda iyam mbiaʼa, a gi tsuvoɗoh-tsuvoɗohaʼa—nzlembaɗ ga Zhiklè bi mbiaʼa.

Esaie 60:16

Ka da si wa ndohi herkeda, ka da ndi skwi mèshèlè bihai. A ka da suna, iyè Ndo nzi pèc pècèk, man i mbel ka, man i sumka ka a deɓa, Zhiklè wuɗi Jacob.

Esaie 63:8

Nengaʼa a ngaɗa: A vava, ta ndohi ga, wudahi man ta da ngwodyè azɓai. A ngu a ndo mʼmbel ta te matakwan tenga tèlèba.

Jérémie 30:22

Kin da gi a ndohi ga, a iyè, i gi a Zhiklè kinè.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Ezéchiel 20:19

Iyè Ndo nzi pèc pècèk, Zhiklè kinè! Va-dzodzor ma nkwèr ga, va-gu ara man ma kita ga a gaɗa.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 11:45

Aman iyè Ndo nzi pèc pècèk, i helka kinè auda te kokwar Egypte, a i gi a Zhiklè kinè. Gar haha sèi kin nzi a ndohi nkezlaʼa, aman iyè, i kezla.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Nombres 15:41

Iyè Ndo nzi pèc pècèk, Zhiklè kinè, man i helka kinè auda te kokwar Egypte, aman i gi a Zhiklè kinè. Iyè Ndo nzi pèc pècèk, Zhiklè kinè.

Matthew 22:32

Iyè, i Zhiklè Abraham, Zhiklè Isaac, Zhiklè Jacob? Nengaʼa Zhiklè ndohi mʼmetsa ka ɓai, aman Zhiklè ndohi a nshèffè.

Romans 8:31

Nga da gèɗè a va kè? Aman Zhiklè a zhè a nda nga, nda Sala nga va a di wa?

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Deutéronome 26:18

A patsna Ndo nzi pèc pècèk a ngaɗa ka aman ka pasla na rai, aman ka da ndi a ndohi na, a skwi na, ara man a gaɗa ka. A ka da jèjèr ma nkwèr nengaʼa tèlèba.

Deutéronome 29:12

Kin zlècè aman kin humda a nderzlè-ma Ndo nzi pèc pècèk, Zhiklè kinè, nderzlè-ma haha man a goɗ a mʼmbèdè, man Ndo nzi pèc pècèk, Zhiklè ngaya a gi a nda kinè a patsna;

Deutéronome 29:13

a nʼnga kinè a patsna a ndohi nengaʼa, a ngi a Zhiklè kinè, ara man a goɗa, ara man a mbaɗa ta babhi kinè, Abraham, Isaac a Jacob.

Deutéronome 29:5

Ndo nzi pèc pècèk a sawalda kinè tʼhèshèkèɗ mvi 40; maslaka a va ngaya nhal ɓai, kotokoroh te sak ngaya nʼnde ɓai,

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Deutéronome 7:6

Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

1 Peter 2:10

Halaʼa kinè ndohi Zhiklè ka ɓai; aman antanta kinè ndohi Zhiklè. Halaʼa kin sia te va azɓai; aman antanta kin sia te va ma.

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.

Apocalypse 21:7

Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.