Exode 6:6 - Ma Zhiklè

⁶ Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 6:6 Iomraidhean Croise

I Rois 8:42

a géɗ man a tsena labar ma nzlembaɗ ngaya mbiaʼa, ma ri ngaya man wuɗi na zhè, ri ngaya man a nzlatseda – a nengaʼa a shkè a tsi ri te gi haha,

II Rois 17:36

Sèi kin tsi ri a Ndo nzi pèc pècèk staɗ genè, nengaʼa man a nhelka kinè auda te kokwar Egypte a wuɗi mbiaʼa, a nzlatseda ri na. Vo-slubordo nengaʼa, va-gurɓahai a sam nengaʼa, va-va na skwi a nengaʼa!

I Chroniques 17:21

Ndohi ngiɗè a géɗ herkeda ngar Israel, ndohi ngaya, ta tema? Ndohi a géɗ herkeda ngiɗè a zhi dè, man Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngu skwi mbiaʼa mwuɗitpa a géɗ tengaʼa, a ndzam ta ndohi ngiɗè a ma ndohi ngaya man ka sumka ta a deɓa te kokwar Egypte?

Néhémie 1:10

Tengaʼa ta ɓèlèlihi ngaya, ndohi ngaya, man ka preka ta auda a wuɗi ngaya mbiaʼa, a ri ngaya man wuɗi na zhè.

Psaumes 77:16

Ka pre ta ndohi ngaya auda, wudahi Jacob, a Joseph, a ri ngaya man wuɗi na zhè.

Psaumes 81:11

Iyè Ndo nzi pèc pècèk, i Zhiklè ngaya, man i cka ka auda te kokwar Egypte. Winè ma ngaya twèng! I vra ka a ka ngezaʼa.

Psaumes 81:6

Zhiklè a ngau malwuɗi haha te Joseph, aman a njèkeda kokwar Egypte. A ntse-na ngèɗè ngiɗè man a sun bai, man a gaɗa:

Psaumes 81:7

I cèma ka skwi nʼnzalaʼa auda a daʼai, i cèma ka duzlak auda a gèɗ.

Exode 1:11

A ta pe ta ndohi ndzara ndohi mizlinè, a ta ga ta matakwan, a mizline man ta giaʼa ambalai. Ta pe ta a mizlinè, ta rama na kokwar Pithom a Ramses a Pharaon, aman a da pi skwi a pa.

Exode 12:41

Te deb mvi 430, a pats sa, nhèyè ndohi Ndo nzi pèc pècèk ta jèkeda kokwar Egypte.

Exode 12:51

A pats nasa, Ndo nzi pèc pècèk a nde ta ndohi Israel auda te kokwar Egypte, ara mbicè va ta, ara nhèyè va ta.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:16

Skwi haha da gu ara wuɗah a deɓ ri ngaya, a medi ngaya aman ka hérèʼa, aman Ndo nzi pèc pècèk a nhelka nga auda te kokwar Egypte a wuɗi ri nengaʼa.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 15:13

Ka de ta ndohi man ka praka ta auda, te pombai, ka de ta a sam nʼnzi ngaya nkezlaʼa a wuɗai.

Exode 16:6

A Moise a Aaron ta gada ta ndohi Israel tèlèba: A dakwaɗ kin da shinèʼa, nengaʼa man a nhelka kinè auda te kokwar Egypte, Ndo nzi pèc pècèk.

Exode 18:1

Jéthro, ndo ncèsl skwai te Madian, mèsh Moise, a ntsena skwi man Zhiklè a ngau a sam Moise, a sam ndohi Israel, ndohi Zhiklè, ara man Ndo nzi pèc pècèk a helka ta ndohi Israel auda te kokwar Egypte.

Exode 2:11

A pats ngiɗè, man Moise gola ma, a ndo auda a sam kramamhi na, a nrka aman ta ngazl ta a sam mizlinè. A nrka, ara man ndo Egypte ngiɗè a tsu kramam nengaʼa, ndo Hébreu.

Exode 3:17

A i hur te gèɗ ga, i woy a i helka kinè auda te matakwan, te kokwar Egypte, a i de kinè a kokwar Canaan, ndohi Héth, Amor, Phérez, Hévi a Jébus, a kokwar man wa a vongwom ta hi te pa.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Exode 32:11

A Moise a ntsu ri a Zhiklè, a ngaɗa: Bi ga, ka woy a ka gi ndav a géɗ ndohi ngaya èhèmè? Ndohi man ka helka ta auda te kokwar Egypte a wuɗi ri ngaya?

Exode 6:2

A Zhiklè ta goɗ ngèɗè a Moise, a ngaɗa na: I Ndo nzi pèc pècèk;

Exode 6:29

a ngaɗa na: I Ndo nzi pèc pècèk; menda na Pharaon, bi Egypte, ma tèlèba man i da gada ka.

Exode 6:8

A i woy a i de kinè a kokwar man i mbada ta nda Abraham, Isaac a Jacob, aman i gada i da va kinè. I woy a i va kinè, iyè Ndo nzi pèc pècèk.

Exode 7:4

Pharaon a da cinè ma kinè azɓai. Te deɓaʼa i woy a i tara ta ri a di a ndohi Egypte, a i de ta ndohi Israel mɓicaʼa, ndohi ga, auda te kokwar Egypte, a kita mbiaʼa man i ga ta ndohi Egypte.

Exode 7:5

A ndohi Egypte ta da suna, i Ndo nzi pècpèc pècèk, aman i tèr ri a gèɗ kokwar Egypte, a i helka ta ndohi Israel auda te ndev tengaʼa.

Esaie 9:12

Aman ndohi ta ngwoda ndav ta a sam Zhiklè man a mbazl ta ɓai, a ta hur ma Zhiklè bi mbiaʼa ɓai.

Esaie 9:17

Aman malai a zlèzlèmè ara vogwa, a ndeda vatak a nkuɗdzari a ma, a nfa na vogwa a wof, a vodzok a ndüzhè dekdekaʼa.

Jérémie 21:5

Iyè a ri ga i da gi var a kinè, a ri ga ngedaʼa, a ri man wuɗi na zhè, a ndav a ndzoan a shèwa mbiaʼa;

Jérémie 27:5

Iyè i gau herkeda, ndo a skwi dak man ta zhè a géɗ herkeda. I gau a ri man wuɗi na zhè, a i va na herkeda a ndo man i woyaʼa.

Jérémie 32:21

Ka helka ta ndohi Israel, ndohi ngaya, auda te kokwar Egypte, a nrkedai, a skwi man ka ngreda auda, a ri man wuɗi na zhè, a ri nzlatsedaʼa, a skwi mwuɗitpa mbiaʼa.

Ezéchiel 20:33

Ara man a vava i zhè, Bi Zhiklè a gaɗa, i da gi a bi kinè a ri man wuɗi na zhè, a ri ngedaʼa, a ndzoan man i ga kinè.

Actes 13:17

Bi Zhiklè ndohi Israel, a mpar ta babahi nga, a nʼnzal ta ndohi man ta nza te mbrok te kokwar Egypte, a nde ta auda te kokwar sa a wuɗi na.

Deutéronome 11:2

Sèi kin sun a patsna – i gaɗa ta wudahi kinè ka ɓai, man ta sun ɓai, man ta rka ɓai, aman i gaɗa kinè; aman Ndo nzi pèc pècèk, Zhiklè kinè, a ngatsa kinè maya, a kin sun mbi nengaʼa, ri nengaʼa man wuɗi na zhè, ri nengaʼa ngeda,

Deutéronome 15:15

Ka hérèʼa, ara man ka ba ka ɓèlè te kokwar Egypte, te va nasa, a Ndo nzi pèc pècèk, Zhiklè ngaya, a msumka ka a deɓa. A géɗ nengaʼa i va ka ma nkwèr haha a patsna.

Deutéronome 26:8

A Ndo nzi pèc pècèk a nhelka nga auda te kokwar Egypte, a ri ngedaʼa, man wuɗi na zhè, a skwi mwuɗitpa man a ngau, a skwi man a ngreda auda a nrkedai.

Deutéronome 4:23

Va-gu maya nderzlè-ma Ndo nzi pèc pècèk, Zhiklè kinè, man a derzla ma a nda kinè, da pca kinè a gèɗ ɓai! Kin gu skwi ngidè ara Zhiklè ɓai, kin gu mèzhèɓ skwi ɓai, man Ndo nzi pèc pècèk, Zhiklè kinè, a ngaɗa kinè: kin da gu ɓai!

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 5:15

Ka hérèʼa: ka ba ka ɓèlè te kokwar Egypte halaʼa, a Ndo nzi pèc pècèk, Zhiklè ngaya, a ngeda ri na, a ncka ka auda te pa, a ri nengaʼa man wuɗi na zhè. A géɗ nengaʼa Ndo nzi pèc pècèk, Zhiklè ngaya, a woya aman ka slébèrdè pats nshèk va.

Deutéronome 6:12

gu maya. Ndo nzi pèc pècèk man a ncka ka auda te kokwar Egypte, te gi ɓèlè, da pca ka a gèɗ ɓai!

Deutéronome 7:19

skwi mbiaʼa man a nga ta matakwan a vna, skwi man a ngreda auda, a nrkedai, a ri man wuɗi na zhè, man a ngeda, man Ndo nzi pèc pècèk, Zhiklè kinè, a ncka kine auda a vna. Ndo nzi pèc pècèk, Zhiklè kinè, a da gi lèmèlèmè arsa a sam ndohi herkeda tèlèba man kin gi zlau ta.

Deutéronome 7:8

aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Deutéronome 9:29

Aman tengaʼa ndohi ngaya, skwi nʼndi gi ngaya man ka helka ta auda a wuɗi ngaya mbiaʼa, a ri ngaya man ngeda.