1 Ndo nzi pèc pècèk a ngaɗa na Moise:
Te ndev nasa, gi maslaka Ndo nzi pèc pècèk, man Moise a ngau tʼhèshèkèɗ, a nda sam man ta ndara na skwi a Zhiklè, ta zhè te Gabaon, a géɗ za.
Gi nkezlaʼa, koti ma kita, skwi mpizl kotai, a kolongwi gi nkezlaʼa tèlèba:
A ndohi tèlèba a sam kinè, man maya mizlinè tengaʼa a zhè, da shkè, a ta gi skwi tèlèba, ara man Ndo nzi pèc pècèk, a njè nga.
Aranta ta ndeva mizlinè a sam gi nkezlaʼa, gi mɓicè-va, tèlèba. A ndohi Israel ta gau zuraʼa, lèmèlèmè ara man Ndo nzi pèc pècèk a gada na Moise. Ta gau arsa.
Aman Moise a rka, mizlinè tèlèba a ndeva ma, ara man Ndo nzi pèc pècèk a ngaɗa na, – ta gu arsa – a mpshè ta ma.
Te ki nshèlèkuraʼa, mvi macecèwaʼa, a pats nshèlèkuraʼa te ki sa, a ngeda gi a hai.
A pats nshèlèkuraʼa, te ki nshèlèkuraʼa, ka ngeda gi nkezlaʼa, gi mɓicè-va, a hai.
