Exode 4:21 - Ma Zhiklè

²¹ Ndo nzi pèc pècèk a ngaɗa na Moise: Aman ka da dè a deɓa a kokwar Egypte, suna, nrkedihi haha man i va ka a ri tèlèba, da gu a sam di Pharaon! Aman i da sassaya ndav na, a da va ta civèɗ a ndohi azɓai.

Exode 4:21 Iomraidhean Croise

Genèse 6:3

Ndo nzi pèc pècèk a ngaɗa: Mèzhèɓ ga da nza a sam ndo ara mpèc pècèk ɓai, te man ta hér skwi ndo. A nshèffè ndo da gu mvi 120.

I Rois 22:22

A nengaʼa a ngaɗa: I dè a i ngwèdè va ga a mèzhèɓ ncèkèlma a ma ndohi nhadka ma nengaʼa tèlèba. Ndo nzi pèc pècèk a ngaɗa: Ka da pi a wai, ka da slaha. Do a ka gu arsa!

Psaumes 105:25

A nʼngwodama ta gèɗ a tengaʼa man ta gu shèwa a ndohi na, a ta vhè ma a gèɗ ɓèlèlihi nengaʼa.

Psaumes 78:43

ta hur nrkedi te kokwar Tsoan ɓai, man a nʼngreda skwi nengaʼa auda te kokwar Egypte;

Exode 10:1

Te deɓaʼa Ndo nzi pèc pècèk a ngaɗa na Moise: Do a sam Pharaon, aman i sassaya ndav nengaʼa, a ndav golahi nengaʼa, a i ga ta skwi tsaɗ tsaɗ.

Exode 10:20

Aman Ndo nzi pèc pècèk a nsassaya ndav Pharaon, a Pharaon a mva ta civèɗ a ndohi Israel bai.

Exode 10:27

Aman Ndo nzi pèc pècèk a nsassaya ndav Pharaon, a Pharaon-a woya a nva ta civèɗ ɓai.

Exode 11:10

A Moise a Aaron ta gu nrkedi haha tèlèba a sam di Pharaon; aman Ndo nzi pèc pècèk a nsassaya ndav Pharaon, a Pharaon a mva ta civèɗ a ndohi Israel ɓai, aman ta jèkeda kokwar nengaʼa.

Exode 11:9

A Ndo nzi pèc pècèk a ngaɗa na Moise: Pharaon a da cinè ma kinè azɓai, ko i gu nrkedi ga kumba te kokwar Egypte.

Exode 14:17

I woy a i sassaya ndav ndohi Egypte, a ta hi a verzi tengaʼa, a i ngreda nʼnjèl ga auda a sam Pharaon, a sam kiki var nengaʼa, a sam ndohi plèshi nengaʼa.

Exode 14:4

A i woy a i sassaya ndav Pharaon, a nhi a verzi tengaʼa, a i ngreda nʼnjèl ga auda a sam nengaʼa, a sam ndohi var nengaʼa tèlèba. Ndohi Egypte sèi ta da suna, i Ndo nzi pèc pècèk. A ndohi Israel ta gu arsa.

Exode 14:8

A Ndo nzi pèc pècèk a nsassaya ndav Pharaon, bi Egypte, a nhi a verzi ndohi Israel. Aman ndohi Israel to do ta, a ri Zhiklè nzlatsa, a mɓer ta.

Exode 3:19

Aman i suna, bi kokwar Egypte a da va kinè civèɗ azɓai, sèi a wuɗai.

Exode 3:20

Gar haha i woy a i tèr ri ga, a i tsi kokwar Egypte a nrkedi tsaɗ tsaɗ man i da gia te pa. Te deɓaʼa a da va kinè civèɗ.

Exode 7:13

Aman Pharaon a nsassaya ndav na, a ntsena ngèdè tengaʼa bai, ara man Ndo nzi pèc pècèk a goɗ a matsa.

Exode 7:3

Aman i woy a i sassaya ndav Pharaon, a i ngredè skwi nrkedi kumba te kokwar Egypte.

Exode 8:11

Aman Pharaon a nrka, kudofìhi asaɓai, a nsassaya ndav na, a nfa gèɗ a ma tengaʼa ɓai, ara man Ndo nzi pèc pècèk a goɗ a matsa.

Exode 8:15

A ndohi mʼmbèh skwai ta gada na Pharaon: Ri Zhiklè a ngau. Aman ndav Pharaon nsassaya genè, a nfa gèɗ a ma tengaʼa bai, ara man Ndo nzi pèc pècèk a goɗ a matsa.

Exode 9:12

Aman Ndo nzi pèc pècèk a nsassaya ndav Pharaon, a Pharaon a nfa gèɗ a ma tengaʼa ɓai, ara man Ndo nzi pèc pècèk a goɗ a matsa.

Exode 9:35

Ndav Pharaon nsassaya ara madatsuta, a mva ta civèɗ a ndohi Israel bai, ara man Ndo nzi pèc pècèk a goɗ a ma Moise te va nasa.

Esaie 6:10

Sassaya ndav ndohi haha, ndèma ta zlembaɗ, ndèma ta dai, a ta rka di ɓai, a ta tsena zlembaɗ ɓai, a ndav tengaʼa a ngècè may a azɓai, ta da menkaɗa deɓa asaɓai, a ta mbél ta azɓai.

Esaie 63:17

Ndo nzi pèc pècèk, ka jèke nga a nga beza zlawa te civèɗ ngaya èhèmè? Ka gi a ndav nga ngwora a nga gi zlau ngaya azɓi èhèmè? Menkaɗa deɓa a géɗ ɓèlèlihi ngaya, a géɗ verzi ndohi man ta a ngaya.

Jean 12:40

Nengaʼa a ndèma ta dai, a nsassaya ndav ta, a ta rka di ɓai, a ta da menkada deɓa asaɓai, aman i mbel ta azɓai.

Romans 1:28

Arsa, a géɗ man ta huro nshin Zhiklè, skwi ambalai, Zhiklè a njèke ta a ri a maya tengaʼa ambaɓiaʼa, a ta gi skwi horai.

Romans 9:18

Gar haha ndo a sia te va, ara ndav nengaʼa man a woyaʼa, a sassaya ndav ndo, ara man a woyaʼa.

2 Corinthians 2:16

A sam ndohi haha skwi mʼmetsai a zhkè a mʼmetsai, a sam ndohi ngiɗè skwi nshèffè a zhkè a nshèffè. Nslaha a ngi ar haha wa?

Deutéronome 2:36

A hinè te Aroer, a ma woyam Arnon, a kokwar man a ma woyam, ha ndè Galaad, kokwar ngiɗè azɓai man a fen nga. Ndo nzi pèc pècèk, Zhiklè nga, a mpa nga a ri tèlèba.

Josué 11:20

Ndo nzi pèc pècèk a hur a nsassaya ndav ta, a ta woy var a Israel, a ta gedas ta, a ta ngècè pombi azɓai, a ta zi ta, ara man Ndo nzi pèc pècèk a njè na ma a gèɗ a Moise.

1 Peter 2:8

Nara kwa ntsama ta sak, skwi nslafaɗama ta sak. Kwa ntsama ta sak, te man ta co ma Zhiklè a ndav ɓai. Nʼnga a sam ta arsa!