Exode 32:8 - Ma Zhiklè

⁸ Tsam-tsam ta jèkeda civèɗ man i ngra ta. Ta gau marai a ta tsu ri a nengaʼa, a ta zla na skwai, a ta gada: Na haha zhi-klèhi ngaya, Israel, tengaʼa man ta helka ka auda te kokwar Egypte!

Exode 32:8 Iomraidhean Croise

I Rois 12:28

Gar haha bai a hur maya na ngiɗè tsaɗ: A mvüdo marihi guro cèw a ngaɗa ta ndohai: Kai, kin do Jérusalem pèc pècèk nʼnzi a zhè – dra! Israel, na haha Zhiklè ngaya man a helka kinè auda te kokwar Egypte!

Néhémie 9:18

Ko man ta gu mari guro, a ta gaɗa: Nasa Zhiklè nga man a nhelka nga auda te kokwar Egypte; ta derɗ ka kumba;

Psaumes 106:19

Ta rom marai a der za Horeb, a ta kalahi a deɓ sak skwi man ta vüɗo.

Psaumes 78:36

Ta woy a ta ngwoda a ma ta, a ta tsokol ma a sam nengaʼa a nèʼèn ta,

Exode 20:23

Kin lèmda skwa a iyè bai; zhiklè verzhègenè a guro kin gu bai!

Exode 22:20

Ndo man a pil gèɗ vrai a zhiklè ngiɗè, a Ndo nzi pèc pècèk stadgenè ka ɓai, sèi ta da phomda.

Exode 32:4

A Aaron a nco guro te ri tengaʼa, a ngeda a deb kwa, a nroma ara marai. Ta gada: Na haha zhi-klèhi ngaya, Israel, man ta helka ka auda te kokwar Egypte!

Exode 34:15

Ka da derzla ma a ndohi kokwar sa bai! Aman ta vi ndav ta a zhiklèhi ta, a ta zli skwi a zhiklèhi ta, a ta baha ka a pa, wa ngiɗè ba, a ka da ndi vri tengaʼa.

Esaie 46:6

Tengaʼa man guro a verzhègenè te shiɗèf te gai, ta dè a sam ngwozla mviɗè guro a da viɗè zhiklè a guro; a ta kèlèhi a deɓ sak nengaʼa, a ta tsi ri a nengaʼa.

Jérémie 31:32

Nderzlè-ma lèmèlèmè ara man a babhi ta ka ɓai, a pats man i hel ta, a i de ta auda te kokwar Egypte, tengaʼa man ta dzodzor nderzlè-ma ga ɓai, ko i bi ta, Ndo nzi pèc pècèk a gaɗa.

Lèv. 17:7

Anai ta zla ta skwi a madzagihi asaɓai, ara man ta gu halaʼa. Nasa ma nkwèr ta a mèdèp, te verzi wud wuda.

Deutéronome 32:17

Tazla na skwi a mblom, man Zhiklè ka ɓai, a zhiklèhi man ta sen ta ɓai, man ta ngots mɓuaʼa, tok-tok, man babhi ngaya ta sun ɓai.

Deutéronome 9:12

A ngadayè: Slambaɗa, sulomahi tsam tsam; ndohi ngaya man ka helka ta auda te kokwar Egypte, ta gi malai. Tsam tsam ta jèkeda civèɗ man i ngra ta. Ta gau marai a ta tsu ri a nengaʼa.

Deutéronome 9:16

A i pu dai, a i rkaʼa, kin gu malai a sam Ndo nzi pèc pècèk, Zhiklè kinè. Kin gu marai. Tsam tsam kin jèkeda civèɗ man Ndo nzi pèc pècèk a ngra kinè.

Josué 22:15

Tengaʼa ta shkè a sam ndohi Ruben, a sam ndohi Gad, a sam verzi ndohi Manassé rètaʼa, a kokwar Galaad, a ta gaɗa ta ar haha:

Juges 2:17

Aman ko a ma ndohi kita ba, ta fa na zlembaɗ azɓai, a géɗ man ta dzodzor zhiklèhi ngiɗè tsaɗ, a ta tsu ri a tengaʼa. Tsam-tsam ta jèkeda civèɗ bab ta, man ta dzodzor Ndo nzi pèc pècèk, man ta fu gèɗ a ma nkwèr nengaʼa. Wudahi tengaʼa ta ga lèmèlèmè ara babhi ta ɓai.

Juges 8:24

Te deɓaʼa Gédéon a ngaɗa ta: Aman skwi man i woy a i jhèdè te ri kinè a zhè: va-vayè dasiri man kin ngotskoɗi te va skwi man kin dumkodai. (Ndohi Ismaél mayamhi ta ta ngots dasiri guro.)