Exode 32:7 - Ma Zhiklè

⁷ Ndo nzi pèc pècèk a ngaɗa na Moise: Do, sulomahai, ndohi ngaya, man ka helka ta auda te kokwar Egypte, ta gi malai.

Exode 32:7 Iomraidhean Croise

II Chroniques 27:2

Jotham a ngau skwi nzuraʼa a sam di Ndo nzi pèc pècèk, lèmèlèmè ara Ozias, bab na, a gau. Aman a nda a gi Zhiklè ɓai. Ndohai ta ngwoda ndo ta genè.

Psaumes 78:36

Ta woy a ta ngwoda a ma ta, a ta tsokol ma a sam nengaʼa a nèʼèn ta,

Exode 19:24

A Ndo nzi pèc pècèk a ngaɗa na: Do a hai, a ka da shkè a géɗ za zaʼa, kinè a Aaron. Aman ndohi mvi skwi a Zhiklè, a ndohai, sèi da herde va bai, ta dè a géɗ za a sam Ndo nzi pèc pècèk azbai, a géɗ man ta da bèzl ta.

Exode 32:1

Aman ndohi ta rkaʼa, Moise a nzi dai a géɗ za, nshkèhi tsam-tsam bai, ta ɓiceda va a sam Aaron, a ta gada na: Washkè, rama nga zhiklè nga, aman a dè a ma nga. Nga sun skwi man a nga na ndo haha bai, Moise, nengaʼa man a nhelka nga auda te kokwa. Egypte.

Exode 32:11

A Moise a ntsu ri a Zhiklè, a ngaɗa: Bi ga, ka woy a ka gi ndav a géɗ ndohi ngaya èhèmè? Ndohi man ka helka ta auda te kokwar Egypte a wuɗi ri ngaya?

Exode 32:4

A Aaron a nco guro te ri tengaʼa, a ngeda a deb kwa, a nroma ara marai. Ta gada: Na haha zhi-klèhi ngaya, Israel, man ta helka ka auda te kokwar Egypte!

Exode 33:1

Te deɓaʼa Ndo nzi pèc pècèk a ngaɗa na Moise: Do a nda ndohi man ka helka ta te kokwar Egypte, a kin dè a kokwar man i mbada ta nda Abraham, Isaac a Jacob, a i gada: I woy a i va ta ndohi verzi kinè.

Esaie 1:4

Wobau a géɗ ndohi kokwar haha man ta gi malai, man mali a ntsama ta va a gèɗ, verzi ndohi malihai, wudahi man ta gi mèdègèɗ! Ta jèkeda Ndo nzi pèc pècèk, ta kwola Zhiklè Israel nkezlaʼa, a ta ngwoda na deɓa.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Osée 9:9

Nʼndi hwaɗ tengaʼa a gedas ta tèlèba, lèmèlèmè ara man ta gu te Guibea. Ndo nzi pèc pècèk a hér maharam ta, a da gi kita a géɗ mali ta.

Deutéronome 31:29

Aman i suna, man i da mets ga ma, kin da gi malai, kin da jèke-da civèɗ man i nje kinè a gèɗ; te deɓ skwi tèlèba, matakwan a da gs kinè, aman kin da gi skwi man ambaɓai a sam Ndo nzi pèc pècèk, a kin poko na gèɗ auda a skwi man kin gi a ri kinè.

Deutéronome 32:5

Ndohi nengaʼa ta kwolaʼa, verzi ndohi ambaɓihiaʼa, ndohi nʼngwèdè ndo.

Deutéronome 4:16

Kin da gu mali ɓai, a kin gu skwi ngidè a kin lèmdèʼa a Zhiklè ɓai, ko ara nguraʼa, ko ara ngwozaʼa,

Deutéronome 9:12

A ngadayè: Slambaɗa, sulomahi tsam tsam; ndohi ngaya man ka helka ta auda te kokwar Egypte, ta gi malai. Tsam tsam ta jèkeda civèɗ man i ngra ta. Ta gau marai a ta tsu ri a nengaʼa.

Deutéronome 9:8

A der za Horeb ba kin poko na gèɗ ndav auda a Ndo nzi pèc pècèk; a nengaʼa a woya a nzede kinè a ndav.

Juges 2:19

Aman ndo kita a mʼmets na ma, ta gu mali holholholaʼa a fena babhi tengaʼa zaʼa. A ta dzodzor zhiklèhi ngiɗè tsaɗ, a ta tsu ri a tengaʼa, a ta gu mizlinè tengaʼa. Ta gi skwi tengaʼa man ambaɓi genè, a ndav tengaʼa nsassaya.