Exode 28:3 - Ma Zhiklè

³ Goɗ a ndohi tèlè man maya ta ta zhè, man i va ta maya nslebi skwai, a ta gi maslaka Aaron, a ta faɗa na mbar a gèɗ, a ndi a ndo mvi skwi a Zhiklè.

Exode 28:3 Iomraidhean Croise

I Rois 7:14

Masli sa, ngwozla, kra ngwoz mazai te verzi Nephthali. Bab nengaʼa ndo Tyr, a sun mvidè züdo. A sun maya mizlinè, mwosla te ngi mizlinè haha tèlèba. A nengaʼa a mshkè a sam bi Salomon, a nʼnga na mizlinè haha tèlèba.

Exode 35:10

A ndohi tèlèba a sam kinè, man maya mizlinè tengaʼa a zhè, da shkè, a ta gi skwi tèlèba, ara man Ndo nzi pèc pècèk, a njè nga.

Exode 35:25

A ngwozi tèlèba man ta sun maya mizlinè, ta min gogumai a ri ta, a ta cko skwi mʼminèʼa: maslaka mʼmadzaʼa a nduzoa a vèvèzh a bata maslaka.

Exode 35:30

A Moise a ngaɗa ta ndohi Israel: Na haha, Ndo nzi pèc pècèk a mbaha na Betsaleel, kra Uri, kra Hur, te verzi Juda, a nzlembaɗ nengaʼa

Exode 35:31

a nʼndha ndav nengaʼa a Mèzhèɓ Zhiklè, a maya, a sun nslebi mizlinè a maya mizlinè tsaɗ tsaɗ,

Exode 35:35

A mva ta maya nslebi mizlinè, a gèɗ, a ta gi mizlinè tsaɗ tsaɗ, ara mizlinè mvidè skwai, mizlinè mbèzl wof, mizlinè ntsi maslaka mbelaʼa, ntsi maslaka ndurtsotsoʼa mʼmadzaʼa a nduzoa a vèvèzh, a bata maslaka, ara man ndo nsun ntsi maslaka a giaʼa, a mizlinè tsaɗ tsaɗ, a ta slaha ta hér maya mɓuaʼa.

Exode 36:1

Bethsaleel a Oholiab a ndohi tè-lèba man ta sun maya mizlinè, man Ndo nzi pèc pècèk a mva ta maya, a mwosl ta, a ta sun ngiaʼa, da gu mizlinè tèlèba a sam nkezlaʼa, zuraʼa lèmèlèmè ara man Ndo nzi pèc pècèk a njè ta.

Exode 36:2

A Moise a mbaha na Betsaleel; a Oholiab, a ndohi man ta sun maya mizlinè, man Ndo nzi pèc pècèk a mva ta maya nslebi mizlinè tsaɗ tsaɗ, tèlèba man ndav tengaʼa a ngra ta, to do a sam nengaʼa a ta giaʼa.

Proverbes 2:6

Aman maya a shkè te ri Ndo nzi pèc pècèk; nslebi a nshin skwai a shke auda te ma nengaʼa.

Esaie 11:2

Mèzhèɓ Ndo nzi pèc pècèk a da nzi a géɗ nengaʼa. Mèzhèɓ mava te ndav, a maya te gèɗ. Mèzhèɓ man a ngrédè maya, man a vi wuɗai, Mèzhèɓ nshindè skwai a zlau Ndo nzi pèc pècèk.

Ephésiens 1:17

Zhiklè Bi nga Yèsu Kristi, Bab nʼnjèlè, da va kinè Mèzhèɓ nshin maya, da ngreda kine skwi auda, te nshin nengaʼa.

Deutéronome 34:9

A Josué, kra Nun, nʼndha a Mèzhèɓ Zhiklè a maya, a géɗ man Moise a mfa na ri a gèɗ. A ndohi Israel ta tsena ma nengaʼa, a ta gu ara man Ndo nzi pèc pècèk a njè na ma a gèɗ a Moise.

Jacques 1:17

Skwi man amba tèlèba, skwi mbelambela man nga ngotso, a shkè te géɗèʼa, te ri Bab nhél sam, te nengaʼa nhél sam a ruva ta ngwèdè va azɓai.