Exode 23:2 - Ma Zhiklè

² Ka dzodzor nhèyè ndo a sam man ta gi skwi ambaɓiaʼa bai. Ko a sam kita ka gada ta ma a va a ndohi nhaya ɓai, aman ka da terɗa ta kita a gèɗ a ndohi ɓai.

Exode 23:2 Iomraidhean Croise

Genèse 19:4

Ga ta mènèhai, ndohi Sodome, golahi a ngurhi tèlèba, ta tèuda gi nengaʼa a pa.

Genèse 6:12

A Bi Zhiklè a mpu di a herkeda, a rkaʼa, ngedas na, a ndohi tèlèba ta phoma a géɗ herkeda.

Genèse 7:1

A Ndo nzi pèc pècèk a ngaɗa na Noé: Do a wurom, kinè a ndohi gi ngaya, aman i ngats ka ndo nzuraʼa a sam ga, te va ndohi herkeda haha tèlèba.

I Rois 19:10

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

Job 31:34

a géɗ man i gi zlau ndohi rèdèdèʼa, a gwoli ndohi tsaɗ tsaɗ ta pray zlau a va, a i nza tètèʼa, a i shkè auda a ntamagi azɓi – ɗè?

Psaumes 72:2

a da ga ta kita a ndohi nengaʼa a ngi-zuraʼa, a helka ta mbelaw ndohi ngaya auda te kita.

Proverbes 1:15

Kra ga, ko do a verzi tengaʼa ɓai, mendoko va ngaya a deɓa a verzi tengaʼa!

Proverbes 18:5

Ambaɓai aman ka jèkeda ndo malai a ka terɗa na kita a gèɗ a ndo man nʼnga mali ɓai.

Proverbes 4:14

Ko do a civèɗ ndohi nderɗa Zhiklè ɓai, ka dzodzor civèɗ ndohi malihi ɓai!

Jérémie 37:15

Wud bihai ta gu ndav a géɗ Jérémie, a ta tsau, a ta feda a gi Jonathan, ndo mwindè ɗèlèwèr, man ta ngwoda a gi dangai.

Jérémie 37:21

A bi Sédécias a goɗ aman ta feda Jérémie a gi sojè. A nciɗ sam a nciɗ sam ta tsaka na movar te gi ndo nti movar, ha movar te kokwar tèlèba klèng. Jérémie a nʼnza te gi sojè.

Jérémie 38:9

Bai, bi ga, skwi man ndohi haha ta ga na Jérémie, ambaɓai, man ta kalda a vèvèɗ thal. Skwi nʼndi a te kokwar ɓai, a da metsi a pa a mai.

Ezéchiel 9:9

A mbeɗkay a ma: Mali ndohi Israel a ndohi Juda mbiaʼa holholaʼa. Kokwar nʼndha a Pombaz, malai a nʼndha te kokwar. Ta gaɗa: Ndo nzi pèc pècèk kal na auda te kokwaraʼa, Ndo nzi pèc pècèk a nrka ɓai.

Lèv. 19:15

Kin ngwoda kita bai! Ka por ndo mpèrè a sam kita bai, ko mbelaw ndo, ko ndo mbiaʼa. Sèi ka gi kita nslamagi ngaya zuraʼa.

Aggée 1:4

Kos tiɗè sama ma, kin nzi a gi züdo, a gi ga a haha a mbeɗ na?

Marc 15:15

A Pilate a woya aman a ga ta skwi man ambaha ta ndohi, rèdèdèʼa, a mpra ta Barabbas. Te deɓaʼa amari ta ndoho a mènèwèɗ ma, a mva ta Yèsu a rai, a ta gezlalaʼa.

Luke 23:51

Nengaʼa te Arimathée, kokwar ndohi Juif ngiɗè. Nengaʼa ba a zhèr kokwar Bi Zhiklè.

Actes 24:27

Te deɓ mvi cèw, ta menda Porcius Festus a sam nʼnzi bi Félix. A Félix a woya man a gi skwi man ambaha ta ndohi Juif, a njèkeda Paul a dangai.

Actes 25:9

A Festus a woya a ngi skwi man ambaha ta ndohi Juif, a mʼmbeɗa na ma a Paul: Ka woy a ka dè a kokwar Jérusalem, aman i ga ka kita ngaya te pa dè?

Romans 1:32

Ta sun ma nkwèr Zhiklè, a ta suna, ndohi man ta gi skwi ambaɓia arsa, sèi ta ngècè kita mʼmetsi ta; aman ta giaʼa genè. Ta gia genè ka ɓai, aman ta nzala tengahia ba, a géɗ man ta giaʼa.

Deutéronome 1:17

Kin por ndo mpèrè a sam kita ɓai! Va-fu zlembaɗ a ma mbelaw ndohi lèmèlèmè ara ma ndohi mbibihiaʼa. Kin gu zlau ndo ɓai; aman ma kita a Zhiklè. Kita man a fena wuɗi kinè, va-ckoɗa a sam ga, a i tsnaʼa.

Deutéronome 16:19

Ka da ngwoda kita ɓai, ka da por ndo mpèrè ɓai, ka co skwi man ta woy a ta ruɓ ka a vna ɓai; aman skwi mbalai a ndeda ndohi a mandazlai, a ngwèdè ma ndohi nzuraʼa.

Deutéronome 24:17

Skwi ndo te verzi tsaɗ, a skwi kra dikai, ka da lama na ɓai. Ka co maslaka ngwoz mazai a skwi slembelom ɓai.

Josué 24:15

Aman njèjèr Ndo nzi pèc pècèk a da ambaha kinè ɓai, va-hur a patsna: Kin woy a kin jèjèr zhiklèhi man bababhi kinè ta dzadzar ta tʼwud woyam Jourdain ɗè, ɗè kin jèjèr zhiklèhi ndohi Amor man kinè te kokwar tengaʼa antanta dè? Aman nga a ndohi gi ga, nga jèjèr Ndo nzi pèc pècèk!

I Samuel 15:24

Saul a ngaɗa na Samuel: I gu malai, a géɗ man i tawaɗaha ma Ndo nzi pèc pècèk, a i tawaɗa ma ngaya. I gu zlau ndohai, i gau ara man ambaha ta.

I Samuel 15:9

Saul a ndohi nengaʼa ta jèka na nshèffe a Agag, a tambaki a zlèhi mbelaʼa, a skwi ngraʼa, a wud tambakihi a skwi man amba tèlèba; ta woy a ta gedassa ɓai. Aman skwi man ambaha ta ɓai, ta gedassedaussa.